ಚಾಕಲೇಟಿನಿಂದಾಗಿ ಮಕ್ಕಳ ಮೇಲಾಗುವ ಪರಿಣಾಮವೇನು?

ಬೊಜ್ಜು

ಜಗತ್ತಿನಾದ್ಯಂತ ಮಕ್ಕಳಲ್ಲಿ ಬೊಜ್ಜು ಬೆಳೆಯುವುದು ಇಂದಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ಮಕ್ಕಳಿಗೆ ಚಾಕಲೇಟ್ ನೀಡುವುದರ ಕೆಟ್ಟ ಪರಿಣಾಮಗಳಲ್ಲಿ ಮೊದಲ ಸ್ಥಾನವನ್ನು ಬೊಜ್ಜು ಮತ್ತು ಅದರ ಸಮಸ್ಯೆಗಳು ಪಡೆದಿದೆ. ಇದು ಇತರ ಹಲವಾರು ಸಮಸ್ಯೆಗಳಿಗೆ ಕಾರಣವಾಗಬಹುದು.

ಟೈಪ್-2 ಡಯಾಬಿಟಿಸ್

ಇಂದಿನ ದಿನಗಳಲ್ಲಿ ಈ ರೋಗವು ಕೇವಲ ವಯಸ್ಸಾದವರಿಗೆ ಮಾತ್ರ ಸೀಮಿತವಾಗಿಲ್ಲ. ಮಕ್ಕಳು ಸೇವಿಸುವ ಸಂಸ್ಕರಿತ ಆಹಾರ, ಫಾಸ್ಟ್ ಫುಡ್ ಮತ್ತು ಚಾಕಲೇಟ್ ಇದಕ್ಕೆ ಕಾರಣ. ದೀರ್ಘಕಾಲದವರೆಗೆ ಅತಿಯಾದ ಚಾಕಲೇಟ್ ಸೇವನೆಯಿಂದ ಅದು ಇನ್ಸುಲಿನ್ ನ ಸಂವೇದನೆ ಮೇಲೆ ಪರಿಣಾಮ ಬೀರುತ್ತದೆ. ಇದರಿಂದ ಟೈಪ್-2 ಡಯಾಬಿಟಿಸ್ ಉಂಟಾಗಬಹುದು.

ಹೆಚ್ಚಿನ ಕ್ರಿಯಾಶೀಲತೆ

ಚಾಕಲೇಟ್ ನಲ್ಲಿರುವ ರಿಫೈಂಡ್ ಸಕ್ಕರೆಯು ರಕ್ತನಾಳಗಳಿಗೆ ತಲುಪುತ್ತದೆ. ಇದರಿಂದ ಸಕ್ಕರೆ ಮಟ್ಟ ಹೆಚ್ಚಾಗುತ್ತದೆ. ಇದರ ಪರಿಣಾಮ ಅಡ್ರಿನಾಲಿನ ಉತ್ಪಾದನೆಯಾಗಿ ಅದು ನಿಮ್ಮ ಮಗು ಹೆಚ್ಚು ಕ್ರಿಯಾಶೀಲತೆಯಿಂದ ಇರುವಂತೆ ಮಾಡುತ್ತದೆ.

ವ್ಯಸನ

ನಿಯಮಿತವಾಗಿ ಚಾಕಲೇಟ್ ಸೇವನೆ ಮಾಡುವುದರಿಂದ ನಿಮ್ಮ ಮಗುವಿಗೆ ಇದರ ಚಟವಾಗಬಹುದು. ಇದನ್ನು ನಿಭಾಯಿಸಲು ನಿಮಗೆ ತುಂಬಾ ಕಷ್ಟವಾಗಬಹುದು. ನಿಯಮಿತವಾಗಿ ಚಾಕಲೇಟ್ ಸೇವನೆಯ ಮತ್ತೊಂದು ಅಡ್ಡಪರಿಣಾಮಗಳಲ್ಲಿ ಇದು ಒಂದು. ಮಗು ತಿನ್ನುವ ಚಾಕಲೇಟ್‌ನ ಪ್ರಮಾಣದ ಬಗ್ಗೆ ಹೆತ್ತವರು ನಿಗಾ ಇಡಬೇಕು.

ಚಾಕಲೇಟ್‌ನಲ್ಲಿರುವ ಕೆಫೀನ್ ಪ್ರಭಾವ

ಒಂದು ಔನ್ಸ್ ಹಾಲಿನ ಚಾ0ಕಲೇಟ್ ನಲ್ಲಿರುವ 5 ಮಿಲಿಗ್ರಾಂನಷ್ಟು ಕೆಫಿನ್ ಹೊಂದಿರುತ್ತದೆ. ಕೆಫಿನ್‌ನಲ್ಲಿ ಲಘುವಾದ ಮೂತ್ರವರ್ದಕ ಗುಣಗಳಿವೆ. ಇದರಿಂದಾಗಿ ನಿಮ್ಮ ಮಗು ಆಗಾಗ ಮೂತ್ರವಿಸರ್ಜನೆ ಮಾಡಬಹುದು. ಇದು ಮಕ್ಕಳಿಗೆ ಚಾಕಲೇಟ್ ನೀಡುವ ಮತ್ತೊಂದು ಅಡ್ಡ ಪರಿಣಾಮ.

ಅಲರ್ಜಿ

ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಚಾಕಲೇಟ್‌ಗಳಿಗೆ ಇತರ ಕೆಲವೊಂದು ಅಂಶಗಳನ್ನು ಸೇರಿಸಿರುತ್ತಾರೆ. ನಿಮ್ಮ ಮಗುವಿಗೆ ಇಂತಹ ಯಾವುದೇ ಅಂಶದಿಂದ ಅಲರ್ಜಿ ಇದ್ದರೆ ಇದು ಸಮಸ್ಯೆಯಾಗಬಹುದು. ಚಾಕಲೇಟ್ ನಲ್ಲಿ ಹಾಲು ಅಥವಾ ಬೀಜಗಳು ಇದ್ದು, ಅದು ಮಗುವಿಗೆ ಅಲರ್ಜಿಯಾಗಿದ್ದರೆ ಆಗ ಸಮಸ್ಯೆಯಾಗಬಹುದು.

ನಿದ್ರೆಯ ಸಮಸ್ಯೆ

ಚಾಕಲೇಟ್ ನಲ್ಲಿ ಇರುವ ಕೆಫಿನ್ ಅಂಶ ತುಂಬಾ ಕಡಿಮೆಯಾದರೂ ಇದನ್ನು ಅತಿಯಾಗಿ ಸೇವಿಸಿದರೆ ಅದು ನಿಮ್ಮ ಮಗುವಿನ ನಿದ್ರೆಗೆ ಅಡ್ಡಿಯುಂಟು ಮಾಡಬಹುದು. ಈಗ ನಿಮಗೆ ಚಾಕಲೇಟ್ ನಿಂದ ಮಗುವಿನ ಆರೋಗ್ಯದ ಮೇಲಾಗುವ ಅಡ್ಡಪರಿಣಾಮಗಳ ಬಗ್ಗೆ ಮನವರಿಕೆಯಾಗಿರಬಹುದು. ನಿಮ್ಮ ಮಗು ಎಷ್ಟು ಪ್ರಮಾಣದಲ್ಲಿ ಚಾಕಲೇಟ್ ತಿನ್ನಬೇಕು ಎನ್ನುವ ಬಗ್ಗೆ ಗಮನವಿಡಿ.