ಮಕ್ಕಳಲ್ಲಿ ಮಲಬದ್ಧತೆ ನಿವಾರಣೆಗೆ ಮನೆಮದ್ದು

ಜೇನು ಮತ್ತು ಸಕ್ಕರೆ

ಒಂದು ಗ್ಲಾಸ್ ಹಾಲಿನಲ್ಲಿ 1 ಚಮಚ ಜೇನು ಮತ್ತು 1 ಚಮಚ ಸಕ್ಕರೆ ಹಾಕಿ ಖಾಲಿ ಹೊಟ್ಟೆಯಲ್ಲಿ ಕುಡಿಯಲು ಕೊಡಿ.

ಸೂಚನೆ: 2 ವರ್ಷಕ್ಕಿಂತ ಚಿಕ್ಕ ಮಕ್ಕಳಿಗೆ ಈ ಮನೆ ಮದ್ದು ಕೊಡಬೇಡಿ. ಜೇನನ್ನು ಜೀರ್ಣಿಸಿಕೊಳ್ಳುವ ಶಕ್ತಿ ಮಕ್ಕಳಲ್ಲಿ ಇರುವುದಿಲ್ಲ.

ತರಕಾರಿಗಳು

ಕ್ಯಾರೆಟ್, ಕ್ಯಾಬೇಜ್, ಕುಂಬಳಕಾಯಿ, ಪಾಲಾಕ್, ಬೀನ್ಸ್ ಈ ರೀತಿಯ ತರಕಾರಿಗಳನ್ನು ಬೇಯಿಸಿಕೊಡಿ. ಈ ಆಹಾರಗಳಲ್ಲಿ ನೀರಿನಂಶ ಅಧಿಕವಿರುವುದರಿಂದ ಮಲಬದ್ಧತೆ ಸಮಸ್ಯೆಯನ್ನು ತಡೆಯುತ್ತದೆ.

ಅಗಸೆದ ಬೀಜ

ಪ್ಲ್ಯಾಕ್ಸಿ ಸೀಡ್ ಅಥವಾ ಅಗಸೆದ ಬೀಜವನ್ನು ಪುಡಿ ಮಾಡಿ ಹಾಕಿ ಆ ನೀರನ್ನು ಕುಡಿಯಲು ಕೊಟ್ಟರೆ ಮಲಬದ್ಧತೆ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ.

ಹರಳೆಣ್ಣೆ

ಒಂದು ಗ್ಲಾಸ್ ಬಿಸಿ ನೀರಿಗೆ ಸ್ವಲ್ಪ ಹರಳೆಣ್ಣೆ ಹಾಕಿ ಕುಡಿಸಿ, ಸ್ವಲ್ಪ ಹೊತ್ತಿನಲ್ಲಿಯೇ ಮಲವಿಸರ್ಜನೆ ಆಗುವುದು. ಈ ವಿಧಾನವನ್ನು ತುಂಬಾ ಚಿಕ್ಕ ಮಕ್ಕಳಲ್ಲಿಯೂ ಪ್ರಯೋಗ ಮಾಡಬಹುದು.

ನೀರು

ಮಕ್ಕಳು ನೀರನ್ನು ಕಮ್ಮಿ ಕುಡಿದರೆ ಮಲವಿಸರ್ಜನೆಗೆ ತೊಂದರೆಯಾಗುವುದು. ಆದ್ದರಿಂದ ಮಕ್ಕಳು ನೀರು ಕುಡಿಯದಿದ್ದರೂ ಕಮ್ಮಿಯೆಂದರೂ ಒಂದು ಲೀಟರ್ ನೀರನ್ನು ದಿನದಲ್ಲಿ ಕುಡಿಸಿ. ಊಟದ ನಂತರ ಸ್ವಲ್ಪ ಹದ ಬಿಸಿ ನೀರು ಕುಡಿಸಿ.

ಬಾಳೆಹಣ್ಣು

ಬಾಳೆ ಹಣ್ಣು ತಿಂದರೆ ಮಲಬದ್ಧತೆ ಸಮಸ್ಯೆ ತಕ್ಷಣ ನಿವಾರಣೆಯಾಗುವುದು. ಒಂದು ಗ್ಲಾಸ್ ಬಿಸಿ ಹಾಲಿನ ಜೊತೆ ಬಾಳೆ ಹಣ್ಣನ್ನು ತಿನ್ನಲು ಕೊಡಿ.

ಸೋಂಪು

ಒಂದು ಗ್ಲಾಸ್ ನೀರಿಗೆ 1 ಚಮಚ ಸೋಂಪು ಅನ್ನು ರೋಸ್ಟ್ ಮಾಡಿ, ಪುಡಿ ಮಾಡಿ ಹಾಕಿ, ನೀರನ್ನು ಕುದಿಸಿ, ಸೋಸಿ. ನಂತರ ಆ ನೀರನ್ನು ಕುಡಿಯಲು ಕೊಡಿ. 5 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳಿಗೆ ಹಾಗೇ ತಿನ್ನಲು ಕೂಡ ಕೊಡಬಹುದು.