ಮಲತಂದೆ ಜವಾಬ್ದಾರಿ : ಸಲಹೆಗಳು

1. ತಾಳ್ಮೆಯಿಂದಿರಿ

ಸಾಮಾನ್ಯವಾಗಿ, ಮಗು ತಂದೆ ತಾಯಿಗಳ ಬಾಂದವ್ಯದಲ್ಲಿ ಆಳವಾಗಿ ಭಾಗಿಯಾಗಿರುತ್ತದೆ. ಆದರೆ ಅನೇಕ ಸಂದರ್ಭಗಳಲ್ಲಿ ಹೊಸ ಸಂಬಂಧವನ್ನು ಒಪ್ಪಿಕೊಳ್ಳುವ ಸಂದರ್ಭದಲ್ಲಿ ಬೆದರುವ ಸಾಧ್ಯತೆಗಳಿರುತ್ತವೆ. ಆದ್ದರಿಂದ ಈ ಸಮಸ್ಯೆಗಳಿಗೆಲ್ಲ ಪರಿಹಾರ ನೀಡಬಲ್ಲದು ಕಾಲ! ಆದ್ದರಿಂದ ನೀವು ತಾಳ್ಮೆಯಿಂದ ನಿಮ್ಮ ಮಗು ನಿಮ್ಮ ಸುತ್ತಲಿನಲ್ಲಿರುವಾಗ ಧನಾತ್ಮಕ ಬದಲಾವಣೆಗೆ ಬೆಂಬಲ ನೀಡಬೇಕು.

2. ಸಮಯ ಕಳೆಯುವುದು

ಶಾಲಾ ಕೆಲಸಗಳು, ಓದುವುದು ಪ್ರಾಜೆಕ್ಟ್ ಗಳಲ್ಲಿ ಸಹಾಯ, ಮತ್ತು ಅವರು ಕ್ರೀಡಾಕೂಟ, ಸ್ಕೌಟಿಂಗ್ ಮ್ದಲಾದವುಗಳಲ್ಲಿ ಅವರಿಗೆ ಸಹಾತ ಮಾಡಿ ಮವರ ಜೊತೆಯಲ್ಲಿ ಹೆಚ್ಚಿನ ಸಮಯವನ್ನು ಕಳೆಯಬೇಕು. ಈ ರೀತಿ ನೀವು ಅವರೊಂದಿಗೆ ಎಲ್ಲಾ ವಿಷಯಗಳಲ್ಲೂ ಭಾಗಿಗಳಾದರೆ ನಿಮ್ಮ ಮಗು ಬಹಳ ಬೇಗ ನಿಮ್ಮ ತಂದೆಯ ಪಾತ್ರವನ್ನು ನಿರ್ವಹಿಸಿದ್ದನ್ನು ನೋಡಿ ನಿಮ್ಮನ್ನು ಸ್ವೀಕರಿಸಲು ಆರಂಭಿಸುತ್ತದೆ. ಜೊತೆಗೆ ನೀವು ಅವರ ಜೀವನದ ಭಾಗವಾಗಿರುವುದಕ್ಕೆ ಕೃತಜ್ಞತೆಯನ್ನೂ ಸೂಚಿಸುತ್ತಾರೆ.

3. ಮಕ್ಕಳ ಸಮಯ

ನಿಮ್ಮ ಮಲಮಗು ನಿಮ್ಮದೇ ಆದ ಮಗು ಎಂದಾದಮೇಲೆ ಆ ಮಕ್ಕಳೊಂದಿಗೆ ಕೆಲವು ಉತ್ತಮ ಸಮಯವನ್ನು ಕಳೆದು ಅವರೂ ನಿಮ್ಮಲ್ಲೊಬ್ಬರಾಗುವಂತೆ ಮಾಡಬೇಕಾಗುತ್ತದೆ. ಅದಕ್ಕಾಗಿ ನಿಮ್ಮ ಸಮಯವನ್ನೂ ಮೀಸಲಿಡಬೇಕು. ಇದು ನಿಮ್ಮ ಹಾಗೂ ನಿಮ್ಮ ಮಗುವಿನ ನಡುವೆ ಬಾಂಧವ್ಯ ಗಟ್ಟಿಯಾಗಿ ಬೆಸೆದುಕೊಳ್ಳಲು ಸಹಾಯಕವಾಗುತ್ತದೆ. ಇದರ ಜೊತೆಗೆ ನೀವು ಅವರನ್ನು ಎಷ್ಟು ಕಾಳಜಿ ಮಾಡುತ್ತೀರಿ ಮತ್ತು ಅವರಿಗೆ ನೀವು ಎಷ್ಟು ಪ್ರಾಮುಖ್ಯತೆ ನೀಡುತ್ತೀರಿ ಎಂಬುದು ಸ್ಪಷ್ಟವಾಗುತ್ತದೆ.

4. ಸಂವಹನ

ನಿಮ್ಮ ಮಲಮಗುವಿಗೆ ನಿಮ್ಮ ಜೊತೆ ಮಾತನಾಡಲು ಅಗತ್ಯವಿದ್ದಾಗ ನೀವು ಅವರೊಂದಿಗೆ ಮಾತನಾಡಬೇಕು. ಅವರ ಮಾತುಹಳನ್ನು ಆಲಿಸುವ ಒಳ್ಳೆಯ ಕೇಳುಗನಾಗಿರಬೇಕು. ನೀವು ಆ ಮಗುವಿನ ಜೀವನದಲ್ಲಿ ಬರುವ ಮೊದಲು ಆ ಮಗು ಹೇಗಿತ್ತು ಎಂಬುದನ್ನು ನೀವು ಒಪ್ಪಿಕೊಳ್ಳಲೇಬೇಕಾಗುತ್ತದೆ. ಆದ್ದರಿಂದ ಸಂವಹನ ನಿಮ್ಮ ಮಲ ಮಕ್ಕಳನ್ನು ನಿಕಟವಾಗಿ ನಿಮ್ಮೊಂದಿಗೆ ಬೆಳೆಸಿಕೊಳ್ಳಲು ಸಹಾಯಕವಾಗುತ್ತದೆ.

5. ಅವರಿಗೆ ಪ್ರೈವೆಸಿ ನೀಡಿ (ಖಾಸಗೀ ಜೀವನ)

ನೀವು ನಿಮ್ಮ ಮಲಮಗುವಿನೊಂದಿಗೆ ಯಾವುದೇ ರೀತಿಯ ಬಂಧವನ್ನು ಬೆಸೆಯುವಲ್ಲಿ ಎಷ್ಟೇ ಉತ್ಸಾಹಿಗಳಾಗಿದ್ದರೂ ಇನ್ನೂ ಅವರ ಖಾಸಗಿತ್ವ ಮತ್ತು ಅವರ ಸ್ವಂತಿಕೆಯನ್ನು ಗೌರವಿಸಿ. ನೀವು ಅವರನ್ನು ಯಾವುದೇ ವಿಷಯಗಳಲ್ಲಿ ಭಾಗಿಗಳನ್ನಾಗಿ ಮಾಡಲು ಸಭ್ಯತೆಯಿಂದ ಅವರ ಮನಸ್ಸನ್ನು ಗೆಲ್ಲಬೇಕು! ನೀವು ಅವರ ಜೀವನದಲ್ಲಿ ಎಷ್ಟು ಪ್ರಮುಖ ಪಾತ್ರವಹಿಸುತ್ತೀರಿ ಎನ್ನುವುದು ಮುಖ್ಯವಲ್ಲ. ಅವರ ಹಿಂದಿನ ತಂದೆಯನ್ನು ಮರೆಉವವರೆಗೂ ಅವರ ಸ್ವಂತ ಅಭಿಪ್ರಾಯ ಇಷ್ಟಗಳಿಗೆ ನೀವು ಸ್ವಂದಿಸಲೇಬೇಕು.

6. ಪ್ರೋತ್ಸಾಹ ನೀಡಿ

ಮಲ ತಂದೆಯಾಗಬೇಕಾದರೆ ಇದು ಗಮನಿಸಲೇಬೇಕಾದ ಪ್ರಮುಖ ಅಂಶ! ನೀವು ಪ್ರತಿಯೊಂದು ಹಂತದಲ್ಲೂ ಅವರ ಜೀವನ ಮತ್ತು ಅವರು ಮಾಡುವ ಆಯ್ಕೆಗಳನ್ನು ಬೆಂಬಲಿಸಬೇಕು. ಎಲ್ಲದಕ್ಕೂ ಮೊದಲು ಇದು ಅವರ ಜೀವನ ಮತ್ತು ತಮ್ಮ ಮಾರ್ಗಗಳನ್ನು ಆಯ್ಕೆ ಮಾಡಿಕೊಳ್ಳಲು ಅವರಿಗೆ ಹಕ್ಕಿದೆ ಎಂಬುದನ್ನು ಅರಿತುಕೊಳ್ಳಬೇಕು. ಆದ್ದರಿಂದ ಒಬ್ಬ ಮಗುವಿಗೆ ತಂದೆಯಾಗಿ, ಅವರು ಮಾಡುವ ಎಲ್ಲಾ ಒಳ್ಳೆಯ ಕೆಲಸಗಳಲ್ಲೂ ಅವರ ಬೆನ್ನೆಲುಬಾಗಿ ಸದಾ ಅವರನ್ನು ಬೆಂಬಲಿಸಬೇಕು. ಇದು ತಂದೆಯಾದವನ ಕರ್ತವ್ಯ ಕೂಡ!