ಮಗುವಿಗೆ ತಿನ್ನಿಸುವುದೇ ಹೆಚ್ಚಿನ ಪೋಷಕರ ಸಮಸ್ಯೆ!

ಮಕ್ಕಳು ತಿನ್ನದೆ ಆಹಾರವನ್ನು ತಿನ್ನುವಂತೆ ಮಾಡಲು ಟಿಪ್ಸ್

1. ಕುಟುಂಬದ ಇನ್ನುಳಿದವರು ಆನಂದಿಸುವಂತಹ ಊಟ ಕಂಡುಹಿಡಿಯಲು ಪ್ರಯತ್ನಿಸಿ. ಚೆನ್ನಾಗಿಲ್ಲವೆಂದು ಊಟ ತಪ್ಪಿಸುದಕ್ಕಾಗಿ ಒಂದೆರಡು ಬಗೆಯ ಆಹಾರ ಸೇರಿಸಿ, ಆ ಆಹಾರ ಅಲ್ಲಿದೆಯೆಂದು ತಿಳಿಯದೆ ಮಕ್ಕಳು ಅದನ್ನು ತಿನ್ನಬಹುದು.

ಊಟವನ್ನು ಮಿತಿಯಲ್ಲಿ ಕೊಡಿ

2. ಸಣ್ಣ ಪ್ರಮಾಣದಲ್ಲಿ ಮಕ್ಕಳಿಗೆ ಆಹಾರ ಕೊಡಿ, ಇದರಿಂದ ವ್ಯರ್ಥವಾಗುವುದು ಕಡಿಮೆಯಾಗುತ್ತದೆ.

ಮಗುವಿನ ಇಚ್ಛೆಯನ್ನು ಅರಿಯುವುದು

3. ಮಗುವಿನ ಗೆಳೆಯನನ್ನು ಮನೆಗೆ ಆಹ್ವಾನಿಸಿ, ಇದು ಕೆಲವೊಮ್ಮೆ ಚೆನ್ನಾಗಿ ಕೆಲಸ ಮಾಡುತ್ತದೆ. ಯಾಕೆಂದರೆ ಮಗು ಆತ/ಅವಳ ಒಳ್ಳೆಯ ಗೆಳೆಯನೊಂದಿಗೆ ಊಟ ಮಾಡುವುದನ್ನು ಇಷ್ಟಪಡಬಹುದು.

ಆಹಾರ ತಿನ್ನುವಂತೆ ಒತ್ತಡ ಹಾಕಬೇಡಿ

4. ರಾತ್ರಿ ಊಟಕ್ಕೆ ಮಗು ಇಷ್ಟಪಡುವ ಹಿರಿಯರನ್ನು ಯಾರನ್ನಾದರೂ ಕರೆಯಿರಿ. ಅವರು ನಿಮ್ಮ ಅಂಕಲ್ ಅಥವಾ ಫ್ರೆಂಡ್ ಆಗಿರಬಹುದು. ಕೆಲವೊಮ್ಮೆ ಮಗು ಬೇರೆಯವರೊಂದಿಗೆ ಕುಳಿತು ಯಾವುದೇ ಕಿರಿಕಿರಿ ಮಾಡದೆ ಆಹಾರ ಸೇವಿಸಬಹುದು.

5. ಮಗುವಿಗೆ ಇಷ್ಟವಾಗದಿರುವುದನ್ನು ತಿನ್ನಲು ಒತ್ತಡ ಹಾಕಬೇಡಿ.

ಮಗು ಊಟ ಮಾಡುವ ವಿಧಾನವನ್ನು ಗಮನಿಸಿ

6. ನಿಮ್ಮ ಮಗು ಆಹಾರದೊಂದಿಗೆ ಆಟವಾಡುತ್ತಿದ್ದರೆ ಯಾವುದೇ ಗಡಿಬಿಡಿ ಚಟುವಟಿಕೆಗೆ ಮೊದಲು ಪ್ಲೇಟ್ ನ್ನು ತೆಗೆದುಬಿಡಿ.

7. ಊಟ ಮಾಡುವುದನ್ನು ಆನಂದಿಸುವಂತೆ ಮಾಡಿ ಮತ್ತು ಮಗು ಏನು ಮಾಡುತ್ತಿದೆ ಎನ್ನುವುದರ ಬಗ್ಗೆ ಮಾತನಾಡಿ.

ಊಟದ ವೇಳೆ ಪಾನೀಯಾವನ್ನು ಹೆಚ್ಚು ನೀಡಬೇಡಿ

8. ಊಟದ ನಡುವೆ ತಿಂಡಿ ಮತ್ತು ಪಾನೀಯ ನೀಡುವುದನ್ನು ಕಡಿಮೆ ಮಾಡಿ. ಇದರಿಂದ ಮಗು ಊಟದ ವೇಳೆಗೆ ತುಂಬಾ ಹಸಿದಿರುತ್ತದೆ.

ಊಟದ ಬಳಿಕ ಪಾನೀಯ ಕೊಡಿ

9. ಊಟದ ಬಳಿಕ ನೀರು ಅಥವಾ ಹಣ್ಣಿನ ಜ್ಯೂಸ್ ನೀಡಿ. ಇದರಿಂದ ಅವರ ಹಸಿವಿಗೆ ತೊಂದರೆಯಾಗದು.

ಹೊಸ ಬಗೆಯ ಅಡುಗೆ

10. ಮಗು ಹಸಿದಿರುವಾಗ ಮತ್ತು ಹೊಸ ರುಚಿಗೆ ಕಾತರಿಸುತ್ತಿದೆಯೆಂದು ತಿಳಿದಾಗ ಹೊಸ ಬಗೆಯ ಆಹಾರ ನೀಡಿ.

ಫ್ಯಾಮಲಿ ಜೊತೆ ಮಗುವನ್ನು ಊಟಕ್ಕೆ ಕೂರಿಸಿ

11. ಮಗು ಇಷ್ಟಪಡುವ ಒಂದು ಆಹಾರವಾದರೂ ಊಟದಲ್ಲಿರಲಿ. ಕುಟುಂಬಕ್ಕೆ ಒಂದು ಊಟದ ಸಮಯದ ನಿಯಮ ಮಾಡಿಕೊಳ್ಳಿ. ಉದಾಹರಣೆಗೆ ಮೇಜಿನ ಮೇಲಿರುವ ಪ್ರತಿಯೊಂದನ್ನು ಪ್ರತಿಯೊಬ್ಬರು ಸರ್ವ್ ಮಾಡುವಂತಿರಲಿ. ಆಗ ನೀವು ಬಡಿಸುವ ಆಹಾರ ಪ್ರಮಾಣವನ್ನು ಆತ/ಆಕೆ ನಿಯಂತ್ರಿಸುವಂತಿರಲಿ.

12. ಊಟದ ತಯಾರಿಯಲ್ಲಿ ಕುಟುಂಬದ ಎಲ್ಲಾ ಸದಸ್ಯರನ್ನು ಸೇರಿಸಿಕೊಳ್ಳಿ.

ಊಟದ ಬದಲು ಹಾಲು ಕೊಡಬೇಡಿ

13. ಊಟದ ಬದಲು ಹಾಲು ಕೊಡಬೇಡಿ. ಇದು ಒಳ್ಳೆಯ ಅಭ್ಯಾಸವಲ್ಲ ಮತ್ತು ಇದನ್ನು ತಡೆಯಬೇಕು.

ಉಪ್ಪಿನಂಶ

14. ಮಕ್ಕಳಲ್ಲಿ ಅಧಿಕ ರಕ್ತದೊತ್ತಡದ ಸಮಸ್ಯೆ ಇಲ್ಲವೆಂದಾದಲ್ಲಿ ಅಡುಗೆಯಲ್ಲಿ ಸಾಮಾನ್ಯವಾಗಿ ಬಳಸುವ ಉಪ್ಪಿನ ಪ್ರಮಾಣ ಕಡಿಮೆ ಮಾಡಬೇಕಿಲ್ಲ. ಖಾರ, ಸಿದ್ಧ ಆಹಾರ ಮತ್ತು ಎಂಎಸ್ ಜಿ ಕಡಿಮೆ ಮಾಡಿ.

ಶಕ್ತಿವರ್ಧಕ ಆಹಾರಗಳು

15. ಮನೆಯಲ್ಲಿ ಆರೋಗ್ಯಕರ ತಿನಿಸುಗಳಾದ ಹಣ್ಣು, ಶಕ್ತಿ ತರುವ ಸಲಾಡ್ ಮತ್ತು ಉಪ್ಪು ಬೆರೆಸದ ಬೀಜಗಳನ್ನಿಡಿ.

ಜಂಕ್ ಫುಡ್ ಹೆಚ್ಚಾಗಿ ಕೊಡಬೇಡಿ

16. ಊಟದ ಸಮಯದ ಮಧ್ಯೆ ಮಗುವಿಗೆ ಹಸಿವಾದರೆ ಜಂಕ್ ಫುಡ್ ನೀಡುವ ಬದಲು ಹಣ್ಣುಗಳನ್ನು ನೀಡಿ.

ಕ್ಯಾಲೋರಿ ಕಡಿಮೆ ಇರುವ ಆಹಾರಗಳು

17. ಕಡಿಮೆ ಕ್ಯಾಲೋರಿಗಳಿರುವ ಆಹಾರಗಳಾದ ಬೇಯಿಸಿದ ಮುಸುಕಿನ ಜೋಳ, ತರಕಾರಿಗಳನ್ನು ಒಳಗೊಂಡ ಪನೀರ್ ಸ್ಯಾಂಡ್ವಿಚ್, ಕಡ್ಲೆ, ಚಾಟ್, ಮೊಸರು ಮತ್ತು ಮಜ್ಜಿಗೆಯನ್ನಿಡಿ.

ಲಂಚ್ ಬಾಕ್ಸ್

18. ಬೆಳಿಗ್ಗಿನ ಅವಸರ ತಪ್ಪಿಸಲು ನಿಮ್ಮ ಮಗುವಿನ ಲಂಚ್ ಬಾಕ್ಸ್ ಅನ್ನು ಮೊದಲೇ ಯೋಜನೆ ಮಾಡಿ.

ರೋಲ್ ಮಾಡೆಲ್

19. ತಿನ್ನುವುದನ್ನು ಒಂದು ಮನರಂಜನಾ ಅನುಭವವನ್ನಾಗಿ ಮಾಡಿ. ನೀವು ಪೋಷಕರಾಗಿದ್ದರೆ ಆರೋಗ್ಯಕರ ಆಹಾರವನ್ನು ತಿಂದು ಮಗುವಿಗೆ ಮಾದರಿಯಾಗಿ. ಮಕ್ಕಳು ತಮ್ಮ ರೋಲ್ ಮಾಡೆಲ್ ಗಳನ್ನು ಅನುಸರಿಸುತ್ತಾರೆಂದು ನೆನಪಿರಲಿ.

ಕಾಲ್ನಡಿಗೆಯ ಯೋಜನೆ ಮಾಡಿ

20. ಕುಟುಂಬದ ನಡಿಗೆ ಮತ್ತು ಕಾಲ್ನಡಿಗೆಯ ಯೋಜನೆ ಮಾಡಿ. ಇದರಿಂದ ದೂರದರ್ಶನ ಮತ್ತು ಆಟದ ಸಮಯವನ್ನು ಮಿತಿಗೊಳಿಸಬಹುದು. ಒಂದು ನೆನಪಿಡಿ, ಸಂಪೂರ್ಣ ಕುಟುಂಬ ಬದಲಾವಣೆ ಮಾಡಿಕೊಂಡರೆ ನಿಮ್ಮ ಮಕ್ಕಳು ಆರೋಗ್ಯಕರ ಮತ್ತು ಫಿಟ್ ಆಗಿರುತ್ತಾರೆ.