ಮಕ್ಕಳ ಮೃದು ಕೂದಲಿನ ಆರೈಕೆಗೆ ಟಿಪ್ಸ್

Updated: Tuesday, April 2, 2013, 17:17 [IST]

ಕೆಲವು ಮಕ್ಕಳ ಕೂದಲು ತುಂಬಾ ತೆಳ್ಳಗಿರುತ್ತದೆ. ಇಂಥ ಕೂದಲಿಗೆ ಸ್ವಲ್ಪ ಹೆಚ್ಚಿನ ಆರೈಕೆ ಮಾಡದಿದ್ದರೆ ಮಕ್ಕಳ ಕೂದಲು ಮತ್ತಷ್ಟು ಹಾಳಾಗುತ್ತದೆ. ಸಾಮಾನ್ಯವಾಗಿ ಮಕ್ಕಳಿಗೆ ಪ್ರತೀದಿನ ತಲೆ ಸ್ನಾನ ಮಾಡಿಸುತ್ತೇವೆ. ಆದರೆ ತುಂಬಾ ತೆಳ್ಳಗಿನ ಕೂದಲಿರುವ ಮಕ್ಕಳಿಗೆ ಪ್ರತೀದಿನ ತಲೆಸ್ನಾನ ಮಾಡಿಸಬಾರದು.

ಇಲ್ಲಿ ನಾವು ಮಕ್ಕಳ ಕೂದಲಿನ ಆರೈಕೆಗೆ ಕೆಲ ಟಿಪ್ಸ್ ನೀಡಿದ್ದೇವೆ, ಇವುಗಳು ಮಕ್ಕಳ ಕೂದಲಿನ ರಕ್ಷಣೆ ಮಾಡಿ, ಕೂದಲನ್ನು ಉದ್ದ ಬೆಳೆಸುವಲ್ಲಿ ಸಹಾಯ ಮಾಡುತ್ತವೆ:

* ಮಗುವಿಗೆ ತುಂಬಾ ಕಮ್ಮಿ ಕೂದಲಿದ್ದರೆ 3 ಬಾರಿ ಮಾತ್ರ ತಲೆ ತೊಳೆಯಿರಿ. ಪ್ರತೀದಿನಾ ಕೂದಲನ್ನು ತೊಳೆದರೆ ಕೂದಲು ಒರಟಾಗುತ್ತದೆ. ಮಕ್ಕಳನ್ನು ಬಿಸಿಲಿಗೆ ಕರೆದುಕೊಂಡು ಹೋಗುವಾಗ ಕ್ಯಾಪ್ ಹಾಕಿ ಕೊಡಿ.

* ಮಗುವಿನ ತಲೆಗೆ ಆಲೀವ್ ಎಣ್ಣೆಯಿಂದ ಮಸಾಜ್ ಮಾಡುವುದು ಒಳ್ಳೆಯದು.

* ಮಗುವಿನ ತಲೆ ತೊಳೆಯಲು ಬೇಬಿ ಶ್ಯಾಂಪೂ ಮಾತ್ರ ಬಳಸಿ. ಇದನ್ನು ಬಳಸಿದರೆ ಮಕ್ಕಳಿಗೆ ಕಣ್ಣು ಉರಿಯುವುದಿಲ್ಲ.

* ತಲೆ ತೊಳೆದ ಬಳಿಕ, ತಲೆಯನ್ನು ಮೆಲಲ್ನೆ ಒರೆಸಿ ಬಾಚಿ. ಕೂದಲು ಒಣಗಿದ ನಂತರ ಬಾಚಿದರೆ ಸಿಕ್ಕಾಗಿ ಮಗುವಿಗೆ ನೋವಾಗುತ್ತದೆ.

* ಮಗುವಿನ ತಲೆಗೆ ಸೂಕ್ತವಾದ ಬಾಚಣಿಕೆ ಬಳಸಿ.

* ಮಗುವಿನ ಕೂದಲನ್ನು ಜಡೆ ಕಟ್ಟಲು ಬಿಡಬೇಡಿ. ಪ್ರತೀದಿನ ಬಾಚಿದರೆ ಜಡೆ ಕಟ್ಟುವುದಿಲ್ಲ.

* ಕೂದಲನ್ನು ಬೋಳಿಸಿದರೆ ತಲೆಗೆ ಗಂಧ ಹಚ್ಚಿ. ಇದರಿಂದ ಹುಟ್ಟಿ ಬರುವ ಕೂದಲು ಸೊಂಪಾಗಿರುತ್ತದೆ.