ಮಕ್ಕಳಿಗೆ ಕಲಿಸಬೇಕು ಟೇಬಲ್ ಮ್ಯಾನರ್ಸ್

Kids

oi-Reena

By Hema S

Updated: Wednesday, August 8, 2012, 17:09 [IST]

ಮಕ್ಕಳಿಗೆ ಮನೆಯೆ ಮೊದಲ ಪಾಠ ಶಾಲೆ, ಮನೆಯಲ್ಲಿ ನಾವು ಏನು ಕಲಿಸುತ್ತೇವೆ ಅದೇ ರೀತಿ ಅವರು ವರ್ತಿಸುತ್ತಾರೆ. ಶಾಲೆಯಲ್ಲಿ ವರ್ಣ ಮಾಲೆಯಿಂದ ಹಿಡಿದು ನ್ಯೂಟನ್ ಸಿದ್ಧಾಂತದವರೆಗೆ ಕಲಿಸಬಹುದು. ಆದರೆ ಕೆಲವೊಂದು ವಿಷಯಗಳನ್ನು ಮನೆಯಲ್ಲಿಯೇ ಕಲಿಸಬೇಕಾಗುತ್ತದೆ. ಅಂತಹ ವಿಷಯಗಳಲ್ಲಿ ಒಂದು ಟೇಬಲ್ ಮ್ಯಾನರ್ಸ್ (ಟೇಬಲ್ ನಲ್ಲಿ ಕುಳಿತು ಊಟ ಮಾಡುವ ರೀತಿ).

ಈ ಟೇಬಲ್ ಮ್ಯಾನರ್ಸ್ ಕಲಿಸಿದರೆ ರೆಸ್ಟೋರೆಂಟ್ ಗೆ ಅಥವ ಪಾರ್ಟಿಗೆ ಹೋದಾಗ ಯಾವುದೇ ಮುಜುಗರ ಪಡಬೇಕಾಗಿ ಬರುವುದಿಲ್ಲ, ಅಲ್ಲದೆ ಮಕ್ಕಳಿಗೂ ಜೀವನಶೈಲಿ ಜೊತೆ ಹೊಂದಿಕೊಳ್ಳಲು ಸಹಾಯಕವಾಗುವುದು.

ಮಕ್ಕಳಿಗೆ ಟೇಬಲ್ ಮ್ಯಾನರ್ಸ್ ಕಲಿಸಲು ಈ ರೀತಿ ಮಾಡಿ:

1. ಮಕ್ಕಳಿಗೆ ಊಟ ಕೊಟ್ಟು ಸ್ಪೂನ್, ಫೋರ್ಕ್ ಬಳಸಿ ತಿನ್ನಲು ಹೇಳಿಕೊಡಿ. ನಂತರ ಅವರಿಗೆ ತಿನ್ನಿಸದೆ ಅವರಿಗೆ ತಿನ್ನಲು ಹೇಳಿ. ಮೊದಮೊದಲು ಟೇಬಲ್ ಮೇಲೆ ಚೆಲ್ಲಬಹುದು, ತುಂಬಾ ನಿಧಾನಕ್ಕೆ ತಿನ್ನಬಹುದು, ಆದರೆ ನಿಧಾನಕ್ಕೆ ಹೇಗೆ ತಿನ್ನಬೇಕೆಂದು ಕಲಿತುಕೊಳ್ಳುತ್ತವೆ.

2. ತುಂಬಾ ಮಕ್ಕಳಲ್ಲಿ ಒಂದು ಕೆಟ್ಟ ಅಭ್ಯಾಸ ಕಂಡುಬರುತ್ತದೆ. ಅದೇನಪ್ಪಾ ಅಂದರೆ ತಿನ್ನಲು ಕೊಟ್ಟರೆ ಅದರಲ್ಲಿ ಆಡುತ್ತಾ ಕೂರುವುದು. ಈ ರೀತಿ ಆಡುವ ಅಭ್ಯಾಸ ಒಳ್ಳೆಯದಲ್ಲ. ಹಾಗೆ ಮಾಡಬೇಡಿ ಎಂದು ತಿಳಿ ಹೇಳಿ. ಅನ್ನವನ್ನು ಹೊರಗಡೆ ಚೆಲ್ಲದಂತೆ ತಿನ್ನಲು ಹೇಳಿ. ಅನ್ನವನ್ನು ಪೂಜಿಸಲು ಹೇಳಿ. ಈ ಭಾವನೆ ಚಿಕ್ಕದಿರುವಾಗಲೆ ತುಂಬಿದರೆ ಮಕ್ಕಳು ಅನ್ನವನ್ನು ಸುಮ್ಮನೆ ಚೆಲ್ಲುವುದಿಲ್ಲ.

3. ಕೆಲ ಅಪ್ಪ-ಅಮ್ಮನಿಗೂ ಒಂದು ಕೆಟ್ಟ ಅಭ್ಯಾಸವಿರುತ್ತದೆ. ಅದೇನಪ್ಪಾ ಅಂದರೆ ಮಕ್ಕಳು ತಿನ್ನದಿದ್ದರೆ ಹೊಡೆಯುತ್ತೇನೆ ಅಂತ ಗದರುವುದು. ಈ ರೀತಿ ಮಾಡಬೇಡಿ, ಅಲ್ಲದೆ ಮಕ್ಕಳಿಗೆ ಹೊಟ್ಟೆ ತುಂಬಲು ಎಷ್ಟು ಬೇಕೊ ಅಷ್ಟು ಮಾತ್ರ ಹಾಕಿ. ಇದರಿಂದ ಮಕ್ಕಳು ಅನ್ನವನ್ನು ವೇಸ್ಟ್ (ವ್ಯರ್ಥ) ಮಾಡುವುದಿಲ್ಲ.

4. ಮಕ್ಕಳಿಗೆ ನೀವು ಹೇಗೆ ತಿನ್ನುತ್ತೀರಿ ಅಂತ ತೋರಿಸಿಕೊಡಿ, ರೆಸ್ಟೋರೆಂಟ್ ಗೆ ಕರೆದುಕೊಂಡು ಹೋಗಿ ಅಲ್ಲಿ ಹೇಗೆ ವರ್ತಿಸಬೇಕು ಎಂದು ಹೇಳಿಕೊಡಿ. ಈ ರೀತಿ ಮಾಡಿದರೆ ನಿಮ್ಮ ಮಕ್ಕಳು ಟೇಬಲ್ ಮ್ಯಾನರ್ಸ್ ಕಲೆತುಕೊಳ್ಳುತ್ತಾರೆ.

ಮಕ್ಕಳಲ್ಲಿ ಆದರ್ಶ ವ್ಯಕ್ತಿತ್ವ ಬೆಳೆಸಲು ಮನೆಯೇ ಮೊದಲ ಪಾಠಶಾಲೆ.