ಮಕ್ಕಳು ಎದೆ ಹಾಲು ಕುಡಿಯುವುದನ್ನು ನಿಲ್ಲಿಸಬೇಕೆ?

Kids

oi-Reena

By Hema S

Published: Thursday, March 15, 2012, 16:33 [IST]

ಮಕ್ಕಳ ಆರೋಗ್ಯಕ್ಕೆ ಎದೆ ಹಾಲು ಕುಡಿಸಬೇಕು. ಆದರೆ ಮಕ್ಕಳು ಎರಡು ವರ್ಷ ದಾಟಿದ ಮೇಲೆ ನಿಧಾನಕ್ಕೆ ಎದೆಹಾಲು ಕುಡಿಯುವ ಅಭ್ಯಾಸವನ್ನು ನಿಲ್ಲಿಸಬೇಕು. ಇಲ್ಲದಿದ್ದರೆ ಮಕ್ಕಳನ್ನು ಹೊರಗಡೆ ಕರೆದುಕೊಂಡು ಹೋದಾಗ ಹಾಲು ಬೇಕೆಂದು ಹಠ ಮಾಡಿದಾಗ ಕಷ್ಟವಾಗುತ್ತದೆ. ಅಲ್ಲದೆ ಈ ಸಮಯದಲ್ಲಿ ಮಕ್ಕಳಿಗೆ ಹಲ್ಲು ಬಂದಿರುವುದರಿಂದ ಮಕ್ಕಳು ಎದೆ ಕಚ್ಚಿದರೆ ತುಂಬಾ ನೋವು ಉಂಟಾಗುವುದು. ನೀವು ನಿಮ್ಮ ಮಗುವಿನ ಎದೆ ಹಾಲು ಕುಡಿಯುವ ಅಭ್ಯಾಸ ನಿಲ್ಲಿಸಬೇಕೆಂದು ಬಯಸುವುದಾದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ಕಹಿಬೇವಿನ ಎಲೆಯನ್ನು ಅರೆದು ಎದೆಗೆ ಉಜ್ಜಿ ಹಾಲು ಕುಡಿಯಲು ಕೊಟ್ಟಾಗ ಕಹಿಯಿಂದಾಗಿ ಮಕ್ಕಳೇ ನಿಲ್ಲಿಸುತ್ತಾರೆ. ಆಗ ಮಕ್ಕಳ ಆಹಾರವನ್ನು ತಯಾರಿಸಿ ಕೊಟ್ಟರೆ ತಿನ್ನುವುದು.

2. ಎದೆಗೆ ಲೋಳೆಸರವನ್ನು ಹಚ್ಚಿದರೂ ಮಕ್ಕಳು ಕಹಿಯಿಂದಾಗಿ ಕುಡಿಯಲು ಇಷ್ಟಪಡುವುದಿಲ್ಲ.

3. ಹಸುವಿನ ಹಾಲನ್ನು ಕಾಯಿಸಿ ಡಬ್ಬದಲ್ಲಿ ತುಂಬಿಡಬೇಕು ನಂತರ ನಿಪ್ಪಲ್ ಗೆ ಸ್ವಲ್ಪ ಜೇನು ಹಚ್ಚಿ ಮಕ್ಕಳಿಗೆ ಕುಡಿಸುವ ಅಭ್ಯಾಸ ಮಾಡಿಸಬೇಕು. ಪೀಡಿಂಗ್ ಬಾಟಲ್ ನೋಡಲು ಆಕರ್ಷಕವಾಗಿದ್ದರೆ ಮಕ್ಕಳು ಅದರ ಬಣ್ಣಕ್ಕೆ ಆಕರ್ಷಿತರಾಗುತ್ತಾರೆ.

4. ಎರಡು ವರ್ಷ ದಾಟಿದ ಮಕ್ಕಳಿಗೆ ಹೇಳಿದರೆ ಅರ್ಥವಾಗುತ್ತದೆ. ಆದ್ದರಿಂದ ಅವರು ಹಾಲುಬೇಕೆಂದು ಹಠ ಹಿಡಿದಾಗ ಅವರ ಪ್ರಾಯದ ಬೇರೆ ಮಕ್ಕಳನ್ನು ತೋರಿಸಿ ಛೀ.. ನೀನು ಹಾಲು ಕುಡಿತೀಯಾ ಅವರು ನಗಾಡುತ್ತಿದ್ದಾರೆ ನೋಡು ಅಂದರೆ ಮಕ್ಕಳು ಹಾಲು ಕುಡಿಯುವುದನ್ನು ನಿಲ್ಲಿಸುತ್ತಾರೆ.

5. ಮಕ್ಕಳು ಬರೀ ಹಸುವಿನ ಹಾಲು ಕುಡಿಯಲು ಇಷ್ಟ ಪಡದಿದ್ದರೆ ಚಾಕಲೇಟ್ ಅಥವಾ ಸ್ಟ್ರಾಬರಿ ಫ್ಲೇವರ್ ಮಿಶ್ರ ಮಾಡಿ ಕೊಡಬಹುದು.