ಆಸ್ತಿ-ಅಂತಸ್ತಿನ ತಾರತಮ್ಯ ಹೇನಿಗಿಲ್ಲ!

Kids

oi-Reena

By Hema S

Published: Friday, March 9, 2012, 16:59 [IST]

ಸಣ್ಣ ಮಕ್ಕಳಲ್ಲಿ ಅದರಲ್ಲೂ ಹೆಣ್ಣು ಮಕ್ಕಳಲ್ಲಿ ತಲೆ ಹೇನು ಬೇಗನೆ ಉಂಟಾಗುತ್ತದೆ. ಬಡವ-ಶ್ರೀಮಂತ ಅಂತ ಬೇಧವಿಲ್ಲದೆ ಎಷ್ಟೆ ಶುದ್ಧತೆಯಿರಲಿ ಬಾಲ್ಯದಲ್ಲಿ ಹೇನಿನ ಸಮಸ್ಯೆ ಕಾಣಿಸಿಕೊಳ್ಳುವುದು ಸಾಮಾನ್ಯ. ಇದು ಸ್ನೇಹಿತರ ಮುಖಾಂತರ, ತಲೆ ಶುದ್ಧತೆಗೆ ಹೆಚ್ಚಿನ ಗಮನ ಹರಿಸದಿದ್ದರೆ ಹೆಚ್ಚಾಗಿ ಬರುವುದು.

ಹೇನು ಉಂಟಾದರೆ ತಲೆಯಲ್ಲಿ ತುರಿಕೆ ಉಂಟಾಗಿ ಮಕ್ಕಳು ತಲೆ ತುರಿಸುತ್ತಾ ನಡೆಯುತ್ತಾರೆ. ಇತರರ ಮುಂದೆ ಈ ರೀತಿ ತಲೆ ತುರಿಸಿದರೆ ಪೋಷಕರಿಗೆ ಮುಜುಗರ ಉಂಟಾಗುವುದು. ಈ ಕೆಳಗಿನ ಸರಳ ವಿಧಾನಗಳಿಂದ ಈ ಸಮಸ್ಯೆಯನ್ನು ನಿವಾರಿಸಬಹುದು.

1. ಹೇನು ನಿವಾರಣೆ ಶ್ಯಾಂಪೂ ದೊರೆಯುತ್ತದೆ. ಪರ್ಮೆಥಿನ್ 1%, ನಿಕ್ಸ್ ಹೇನುಗಳನ್ನು ಹೋಗಲಾಡಿಸುವ ಪರಿಣಾಮಕಾರಿಯಾದ ಶ್ಯಾಂಪೂ ಆಗಿದೆ.

2. ಆರ್ ಐ ಡಿ ಎಂಬ ಶ್ಯಾಂಪೂ ಕೂಡ ದೊರೆಯುತ್ತದೆ.

3. ಹೇನು ಬಾಚಣಿಗೆಯಿಂದ ಪ್ರತಿನಿತ್ಯ ಮಕ್ಕಳ ತಲೆಬಾಚಬೇಕು.

4. ಹೇನು ಇರುವವರ ಜೊತೆ ಮಲಗಿದರೆ ಹೇನು ಉಂಟಾಗಬಹುದು. ಆದ್ದರಿಂದ ಮಕ್ಕಳ ತಲೆಯಲ್ಲಿ ಹೇನು ಉಂಟಾಗಿದ್ದರೆ ಮೇಲಿನ ವಿಧಾನಗಳಿಂದ ಹೋಗಲಾಡಿಸಬೇಕು. ಹೇನು ಸಂಪೂರ್ಣ ನಿವಾರಣೆಯಾಗುವವರೆಗೆ ಹೇನು ಇರುವವರು ಬಳಸುವ ಹೊದಿಕೆ, ದಿಂಬನ್ನು ಉಪಯೋಗಿಸಬಾರದು.

5. ದಿನವೂ ತಲೆತೊಳೆದು ಚೆನ್ನಾಗಿ ಒಣಗಿಸಬೇಕು.

6. ಎಲ್ಲರ ತಲೆ ಬಾಚಲು ಒಂದೇ ಬಾಚಣಿಗೆ ಬದಲು ಪ್ರತ್ಯೇಕ ಬಾಚಣಿಗೆ ಬಳಸಿ.

ಮಕ್ಕಳ ತಲೆಯಲ್ಲಿ ಹೇನು ಉಂಟಾದರೆ ಅದನ್ನು ಕೂಡಲೆ ಹೋಗಲಾಡಿಸಬೇಕು. ಇಲ್ಲದಿದ್ದರೆ ಈ ಬಿಸಿಲಿನಲ್ಲಿ ತುರಿಕೆ ಹೆಚ್ಚಾಗಿ ಗಾಯವಾಗಬಹುದು.