ಬೇಸಿಗೆ ರಜೆಯಲ್ಲಿ ಮಕ್ಕಳಿಗೆ ಪಾಠ ಓದಿಸಬೇಡಿ

Kids

oi-Reena

By Hema S

Published: Tuesday, March 6, 2012, 15:39 [IST]

ಈಗ ಮಕ್ಕಳಿಗೆ ಪರೀಕ್ಷೆ ಸಮಯ. ಈ ತಿಂಗಳ ಒಳಗೆ ಮಕ್ಕಳ ಪರೀಕ್ಷೆಗಳು ಮುಗಿಯುತ್ತವೆ. ಆದರೆ ಪರೀಕ್ಷೆಗಳು ಮುಗಿದ ಮಾತ್ರಕ್ಕೆ ಮಕ್ಕಳು ಓದುವ ಅಭ್ಯಾಸ ಬಿಟ್ಟು ಆಟ, ಟಿವಿಯಲ್ಲಿ ಮಾತ್ರ ಕಾಲ ಕಳೆಯಲು ಬಿಡಬಾರದು. ಈ ಸಮಯದಲ್ಲಿ ಮಕ್ಕಳ ಓದುವ ಅಭ್ಯಾಸವನ್ನು ಈ ಕೆಳಗಿನ ವಿಧಾನಗಳಿಂದ ಹೆಚ್ಚಿಸಬಹುದು.

1. ಮಕ್ಕಳಿಗೆ ಪಠ್ಯ ಓದಿಸಬೇಡಿ: ರಜೆಯಲ್ಲಿರುವಾಗ ಎಬಿಸಿಡಿ ಬರೆ, ಪಠ್ಯ ಪುಸ್ತಕ ಓದು ಅಂದರೆ ಮಕ್ಕಳಿಗೆ ಕೋಪ ಬರುವುದು. ನಿಮಗೆ ಅವರು ಅಕ್ಷರಗಳನ್ನು ಎಲ್ಲಿ ಮರೆತು ಬಿಡುತ್ತಾರೊ ಅಂತ ಚಿಂತೆ. ಅದಕ್ಕೆ ನೀವು ಬಳಸಬೇಕಾದ ಸುಲಭ ಉಪಾಯ ಅಂದರೆ ಕತೆ ಪುಸ್ತಕ ಕೊಡಿಸುವುದು. ಈ ರೀತಿ ಮಾಡಿದರೆ ಮಕ್ಕಳ ಕಾಲ್ಪನಿಕ ಶಕ್ತಿ ಹೆಚ್ಚುವುದು.

2. ಡ್ರಾಯಿಂಗ್ : ಮಕ್ಕಳಿಗೆ ಡ್ರಾಯಿಂಗ್ ಬಗ್ಗೆ ಅಸಕ್ತಿ ಇದ್ದರೆ ಅಗತ್ಯದ ವಸ್ತುಗಳನ್ನು ನೀಡಿ ಚಿತ್ರ ಬರೆಯುವಂತೆ ಪ್ರೋತ್ಸಾಯಿಸಬೇಕು. ಯಾವುದಕ್ಕೂ ಮಕ್ಕಳ ಅಸಕ್ತಿಯ ವಿರುದ್ಧ ಅಭ್ಯಾಸಗಳನ್ನು ಕಲೆಯುವಂತೆ ಅಥವಾ ಮಾಡುವಂತೆ ಒತ್ತಾಯ ಮಾಡಬಾರದು.

3. ಪುರಾಣ ಕತೆಗಳು: ಮಕ್ಕಳಿಗೆ ಪುರಾಣ ಕತೆಗಳನ್ನು ಓದಿ ಹೇಳಿ. ಮಧ್ಯಾಹ್ನ ಹೊತ್ತು ಸುಮ್ಮನೆ ಕುಳಿತಾಗ ಅಥವಾ ರಾತ್ರಿ ಮಲಗುವ ಮುಂಚೆ ಹೇಳುವುದರಿಂದ ಮಕ್ಕಳ ಜ್ಞಾನ ಕೂಡ ಹೆಚ್ಚಾಗುವುದು.

4.ಕತೆ ಮತ್ತು ಕವನ: ಕತೆ ಬರೆಯುವುದರಲ್ಲಿ ಅಥವಾ ಕವನ ಬರೆಯುವುದರಲ್ಲಿ ನಿಮ್ಮ ಮಕ್ಕಳಿಗೆ ಆಸಕ್ತಿ ಇದ್ದರೆ ಅವುಗಳನ್ನು ಪತ್ರಿಕೆಗಳಿಗೆ ಕಳಿಸುವಂತೆ ಮಾರ್ಗದರ್ಶನ ಮತ್ತು ಪ್ರೋತ್ಸಾಹ ನೀಡಿ.

ಈ ರೀತಿ ಮಾಡಿದರೆ ಮಕ್ಕಳ ಬೌದ್ಧಿಕ ಸಾಮರ್ಥ್ಯ ಹೆಚ್ಚಾಗುವುದು.