ಆತ್ಮವಿಶ್ವಾಸ ಮಕ್ಕಳ ಯಶಸ್ಸಿಗೆ ಕೀಲಿಕೈ

Kids

oi-Reena

By Hema S

Published: Thursday, December 1, 2011, 17:23 [IST]

ಆತ್ಮವಿಶ್ವಾಸವನ್ನು ಮಕ್ಕಳಲ್ಲಿ ಬೆಳೆಸುವುದು ಪೋಷಕರ ಕರ್ತವ್ಯ. ಆತ್ಮ ವಿಶ್ವಾಸ ಇಲ್ಲದಿದ್ದರೆ ಮಕ್ಕಳು ಜೀವನದಲ್ಲಿ ಮುಂದೆ ಬರದೆ ಆಟ ಪಾಠ ಎಲ್ಲದರಲ್ಲೂ ಹಿಂದೆ ಉಳಿದು ಬಿಡುತ್ತಾರೆ.

ಮಕ್ಕಳು ಸಣ್ಣ-ಪುಟ್ಟ ತಪ್ಪು ಮಾಡಿದಾಗ ಅದನ್ನೇ ಎತ್ತಿ ಹಿಡಿದು ಹೇಳುತ್ತಿದ್ದರೆ ಅವರ ಆತ್ಮವಿಶ್ವಾಸವನ್ನು ಕುಗ್ಗುವಂತೆ ಮಾಡುತ್ತದೆ. ಮಕ್ಕಳಲ್ಲಿ ಆತ್ಮವಿಶ್ವಾಸವನ್ನು ಹೆಚ್ಚಿಸಲು ಈ ಕೆಳಗಿನ ಅಂಶಗಳಿಗೆ ಹೆಚ್ಚಿನ ಆದ್ಯತೆ ನೀಡಬೇಕು.

1. ಸ್ವಂತಿಕೆ: ಮಕ್ಕಳು ತಮ್ಮ ಕೆಲಸವನ್ನು ತಾವೆ ಮಾಡುವಂತೆ ಕಲಿಸಿದಾಗ ಅವರಲ್ಲಿ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಪೋಷಕರ ಪ್ರೀತಿ ಮತ್ತು ಅವರ ಹೊಗಳಿಕೆ, ತಪ್ಪು ಕಂಡಾಗ ಸರಿಯಾದ ರೀತಿಯಲ್ಲಿ ತಿಳಿವಳಿಕೆ ಹೇಳುವುದು ಇವೆಲ್ಲವೂ ಮಕ್ಕಳಲ್ಲಿ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.

2. ಹುರಿದುಂಬಿಸು: ಮಕ್ಕಳ ಉತ್ತಮಕ್ಕೆ ಅಷ್ಟೇ ಅಲ್ಲ, ಸಣ್ಣ ಪುಟ್ಟ ಒಳ್ಳೆಯ ಕೆಲಸವನ್ನು ಮಾಡಿದಾಗ ಹುರಿದುಂಬಿಸಬೇಕು. ಇದರಿಂದ ಮಕ್ಕಳು ಮತ್ತಷ್ಟು ಅಭಿವೃದ್ಧಿ ಹೊಂದಲು ಸಾಧ್ಯವಾಗುತ್ತದೆ. ಉದಾಹರಣೆಗೆ ಒಳ್ಳೆಯ ಅಂಕ ತೆಗೆದರೆ ಹುರಿದುಂಬಿಸಬೇಕು ಹಾಗೆ ಮಾಡಿದರೆ ಅವರು ಮತ್ತಷ್ಟು ಅಂಕ ತೆಗೆಯಲು ಹೆಚ್ಚಿನ ಶ್ರಮ ಪಡುತ್ತಾರೆ. ಹಾಗಂತ ಒತ್ತಡ ಹಾಕಬಾರದು, ಒತ್ತಡ ಖಿನ್ನತೆಯನ್ನು ತರುತ್ತದೆ.

3. ಅವಕಾಶ: ಮಕ್ಕಳಿಗೆ ತಮ್ಮ ಪ್ರತಿಭೆಗೆ ತಕ್ಕ ಸೂಕ್ತ ವೇದಿಕೆಯನ್ನು ಕಲ್ಪಿಸಬೇಕು, ಅವರ ಆಸಕ್ತಿ ಕನಸುಗಳ ಬಗ್ಗೆ ತಿಳಿದು ಅದರ ಸಾಕಾರಕ್ಕೆ ಪ್ರಯತ್ನಿಸಬೇಕು. ಯಾವುದಾದರೂ ಸಮಸ್ಯೆ ಎದುರಾದರೆ ಅದನ್ನು ಸಮರ್ಥವಾಗಿ ಎದುರಿಸುವಂತೆ ಸಲಹೆಗಳನ್ನು ನೀಡಬೇಕು. ಇದರಿಂದ ಮಕ್ಕಳ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ.

4. ನಾಯಕತ್ವ: ಮಕ್ಕಳಿಗೆ ನಾಯಕತ್ವ ಗುಣವನ್ನು ಬೆಳೆಸಬೇಕು, ಶಾಲೆಯಲ್ಲಿ ಮಕ್ಕಳನ್ನು ಎನ್.ಸಿ.ಸಿ, ಗೈಡ್ಸ್, ಸ್ಕೌಟ್ಸ್, ರೋಟರಿ ಮುಂತಾದವುಗಳಲ್ಲಿ ಸೇರಿಸುವುದರಿಂದ ನಾಯಕತ್ವ ಮತ್ತು ಆತ್ಮವಿಶ್ವಾಸ ಹೆಚ್ಚುತ್ತದೆ.