ಚಿಕ್ಕ ವಯಸ್ಸಿಗೇ ಬಿಳಿಕೂದಲಾದರೆ ಏನು ಮಾಡಬೇಕು?

Kids

oi-Sumalatha

By Sumalatha

Published: Monday, October 24, 2011, 15:17 [IST]

ಇತ್ತೀಚೆಗೆ ಮಕ್ಕಳಲ್ಲಿ ಬಿಳಿಕೂದಲಿನ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತಿದೆ. ವಂಶವಾಹಿ, ಪೋಷಕಾಂಶದ ಕೊರತೆ ಅಥವಾ ಕೂದಲೆಡೆಗಿನ ನಿರ್ಲಕ್ಷ್ಯ ಇದಕ್ಕೆಕಾರಣವಾಗಿರಬಹುದು. ಆದ್ದರಿಂದ ಮಕ್ಕಳಲ್ಲಿ ಬಿಳಿಕೂದಲಿಗೆ ಕಾರಣ ಮತ್ತು ಪರಿಹಾರ ಕಂಡುಕೊಳ್ಳುವುದು ತುಂಬಾ ಮುಖ್ಯ.

ಮಕ್ಕಳಲ್ಲಿ ವಿಟಮಿನ್ ಬಿ12 ಕೊರತೆ ಅಥವಾ ರಕ್ತಹೀನತೆಯಿಂದ ಕೂದಲು ಬೇಗನೆ ಬೆಳ್ಳಗಾಗಬಹುದು. ಕೂದಲಿನಲ್ಲಿ ಮೆಲನಿನ್ ಪಿಗ್ಮೆಂಟ್ ಕಡಿಮೆಯಾದರೂ ಈ ರೀತಿಯಾಗುತ್ತದೆ. ಆದ್ದರಿಂದ ಈ ಸಮಸ್ಯೆಗೆ ಪರಿಹಾರ ಹೇಗೆ ಎಂದು ತಿಳಿದುಕೊಳ್ಳಿ.

ಬಿಳಿಕೂದಲ ನಿವಾರಣೆಗೆ ಈ ರೀತಿ ಮಾಡಿ:

* ವಿಟಮಿನ್ ಬಿ 12 ಪೂರಿತ ಆಹಾರ ಸೇವನೆಯಿಂದ ಬಿಳಿ ಕೂದಲನ್ನು ತಡೆಯುವುದು ಸಾಧ್ಯ. ಮೊಟ್ಟೆ, ಚೀಸ್, ಸಮುದ್ರ ಆಹಾರದ ಸೇವನೆ ಬಿಳಿಗೂದಲು ಬೆಳೆಯುವುದನ್ನು ತಡೆಯುತ್ತವೆ.

* ಬಾದಾಮಿ ಎಣ್ಣೆಯಿಂದ ಆಗಾಗ್ಗೆ ತಲೆಗೆ ಮಸಾಜ್ ಮಾಡಬೇಕು. ಐದು ರೀತಿಯ ಎಣ್ಣೆಯನ್ನು ಮೆಹಂದಿ ಮತ್ತು ಕರಿಬೇವಿನೊಂದಿಗೆ ಕಬ್ಬಿಣದ ಪಾತ್ರೆಯಲ್ಲಿ ಕಾಯಿಸಿ ಮಕ್ಕಳ ತಲೆಗೆ ಆಗಾಗ್ಗೆ ಮಸಾಜ್ ಮಾಡುತ್ತಿದ್ದರೆ ಕೂದಲಿನ ನೈಜ ಕಪ್ಪು ಬಣ್ಣ ಮರಳುತ್ತದೆ.

* ಬೀಟ್ ರೂಟ್ ರಸ, ಟೀ ಮತ್ತು ಮೆಹಂದಿ ಮಿಶ್ರಣವನ್ನು ಕೂದಲಿಗೆ ಹಚ್ಚಿ, ಒಣಗಿದ ನಂತರ ತೊಳೆದರೆ ಬಿಳಿ ಕೂದಲನ್ನು ತಡೆಯುವುದು ಸಾಧ್ಯ.

* ದಿನಕ್ಕೆ ಒಂದು ಬಾರಿ ತಲೆಯನ್ನು ಚೆನ್ನಾಗಿ ಬಾಚಬೇಕು. ಎಳ್ಳೆಣ್ಣೆಯನ್ನು ಬೆಚ್ಚಗೆ ಮಾಡಿ ಮಸಾಜ್ ಮಾಡಿದರೂ ರಕ್ತ ಸಂಚಲನ ಹೆಚ್ಚಾಗಿ ಹೊಸ ಕೂದಲಿನ ಉತ್ಪತ್ತಿಗೆ ಅವಕಾಶ ನೀಡುತ್ತದೆ. ಬಿಳಿಕೂದಲು ಕಡಿಮೆಯಾಗುತ್ತದೆ.

ಇದರ ಹೊರತಾಗಿಯೂ ವಯಸ್ಸಿಗೆ ಮುನ್ನವೇ ಬಿಳಿ ಕೂದಲು ಕಾಣಿಸಿಕೊಂಡ ಮಕ್ಕಳನ್ನು ವೈದ್ಯರಲ್ಲಿ ತಪಾಸಣೆ ಮಾಡಿಸಿ, ಸಮಸ್ಯೆಗೆ ಮೂಲಕಾರಣವನ್ನು ತಿಳಿದುಕೊಳ್ಳಬೇಕು. ವಂಶವಾಹಿಯಾಗಿ ಈ ಸಮಸ್ಯೆ ಬಂದರೆ ಬದಲಾವಣೆ ತೋರದಿರಬಹುದು.