ಕೆಲಸಕ್ಕೆ ನಾ ಹೋಗಿ ಬರುವೆ ಮುದ್ದು ಕಂದಾ

Kids

oi-Reena

By Hema S

Published: Friday, October 14, 2011, 16:11 [IST]

ದುಡಿಯುವ ಮಹಿಳೆಯೆಗೆ ಮಕ್ಕಳಾದ ಮೇಲೆ ಧರ್ಮಸಂಕಟಕ್ಕೆ ಒಳಗಾಗುತ್ತಾಳೆ, ಏಕೆಂದರೆ ಕೆಲಸಕ್ಕೆ ಹೋದರೆ ಮಗುವಿನ ಜೊತೆ ಇರಲು ಸಾಧ್ಯವಿಲ್ಲ , ಈ ಕಡೆ ಕೆಲಸ ಬಿಟ್ಟರೆ ಅದೇ ಮಗುವಿನ ಮುಂದಿನ ಭವಿಷ್ಯಕ್ಕೆ ಕಷ್ಟ. ಆದ್ದರಿಂದ ದುಡಿಯುವ ಮಹಿಳೆಯು ತನ್ನ ಮಕ್ಕಳನ್ನು ಪರಿಸ್ಥಿತಿಗೆ ಹೊಂದಿಕೊಳ್ಳುವಂತೆ ಸಿದ್ಧತೆ ಮಾಡಿಕೊಂಡರೆ ಒಳ್ಳೆಯದು.

1. ಕೆಲಸಕ್ಕೆ ಹೋಗುವ ಮೊದಲು ತಾಯಿ ಮಗುವಿಗೆ ಬೈ ಬೈ ಮಾಡಿ ಹೀಗೆ ಮಾಡುವುದರಿಂದ ಮಗುವಿಗೆ ತಾಯಿಮನೆಯಲ್ಲಿ ಇರುವುದಿಲ್ಲ ಎಂದು ಅರ್ಥೈಹಿಸಿ ಕೊಳ್ಳುತ್ತದೆ, ನೀವು ನಿಮ್ಮ ಮಗುವಿಗೆ ಅದೆಲ್ಲ ಅರ್ಥವಾಗುವುದಿಲ್ಲ ಎಂದು ಭಾವಿಸಿದರೆ ಅದು ತಪ್ಪಾದೀತು.

2. ನಿಮ್ಮ ಕೆಲಸದ ಬಗ್ಗೆ ಮಕ್ಕಳಿಗೆ ಅರ್ಥವಾಗುವ ಭಾಷೆಯಲ್ಲಿ ಸುಮ್ಮನೆ ಹೇಳಿ, ಕಥೆಗಳನ್ನು ಹೇಳುವುದು ಅಂದರೆ ತಾಯಿ ಇರುವೆ ಮರಿ ಇರುವೆಗೆ ತಿಂಡಿ ತರಲು ಹೊರಗೆ ಹೋಗಿದೆ...ಇಂತಹ ಕಥೆಗಳು ನಿಮಗೆ ಸಿಲ್ಲಿ ಅನಿಸಿದರೂ ಅದು ನಿಮ್ಮ ಮಕ್ಕಳಿಗೆ ನಿಜ ಸ್ಥಿತಿಯ ಹೊಂದಾಣಿಕೆ ಮಾಡಿಕೊಳ್ಳು ಸಹಾಯಕವಾಗುತ್ತದೆ.

3. ಕೆಲಸಕ್ಕೆ ಹೋಗುವಾಗ ಮಕ್ಕಳನ್ನು ಅಜ್ಜಿ ಹತ್ತಿರ, ಬೇಬಿ ಸಿಟ್ಟಿಂಗ್, ಪ್ಲೇ ಹೋಂಗಳಿಗೆ ಬಿಡಬಹುದು.

4. ಮ್ಕಕಳು ತಾಯಿ ಕೆಲಸಕ್ಕೆ ಹೋಗುವಾಗ ರಚ್ಚೆ ಹಿಡಿಯಬಹುದು, ಆದರೆ ಅವರನ್ನು ಸಮಾಧಾನ ಮಾಡಿ ಹೋಗುವುದರಿಂದ ನಿಧಾನಕ್ಕೆ ಅವರು ಪರಿಸ್ಥಿತಿಗೆ ಹೊಂದಿಕೊಳ್ಳುತ್ತಾರೆ.

5. ಪ್ಲೇ ಹೋಂನಲ್ಲಿ ಒಂದು ವೇಳೆ ಸಣ್ಣ ಪುಟ್ಟ ದೋಷಗಳು ಕಂಡು ಬಂದರೆ ಅದನ್ನೆ ದೊಡ್ಡದು ಮಾಡಬೇಡಿ. ಅದರಿಂದ ನಿಮ್ಮ ನೆಮ್ಮದಿಯೆ ಹಾಳಾಗುವುದು.