ನೀ ಕೂಡಿ ಬಾಳುವುದನ್ನು ಕಲಿ ಕಂದಾ

ಹಾಗಾಗಕೂಡದು ಅಂದರೆ ಮಗುವಾಗಿದ್ದಾಗಲೇ ಹಂಚಿಕೊಳ್ಳುವ ಬುದ್ಧಿಯನ್ನು ಕಲಿಸಿ, ಬೆಳೆಯುತ್ತಿದ್ದ ಹಾಗೆ ಕಲಿಯುತ್ತದೆ ಎಂದು ನೀವು ಭಾವಿಸಿದರೆ ನಿಮ್ಮ ಎಣಿಕೆ ತಪ್ಪಾದಿತು. ಅದಕ್ಕಾಗಿ ನೀವು ಮಾಡಬೇಕಾದದು ಇಷ್ಟು:

1. ನಿಮಗೆ ಒಂದೇ ಮಗುವಿದ್ದಾಗ ತರುವುದೆಲ್ಲಾ ಆ ಮಗುವಿಗೆ ಆಗಿರುವುದರಿಂದ ಈ ಹಂಚುವಿಕೆ ಗುಣ ಬೆಳೆಯುವುದಿಲ್ಲ. ಆದ್ದರಿಂದ ನೀವು ನಿಮ್ಮ ನೆರೆ ಮನೆಯ ಆಥವಾ ಸ್ನೇಹಿತರ ಮಕ್ಕಳು ಮನೆಗೆ ಬಂದಾಗ ನಿಮ್ಮ ಮಗುವಿಗೆ ಆಟ ಸಾಮಾನುಗಳನ್ನು ಆ ಮಕ್ಕಳಿಗೆ ಕೊಟ್ಟು ಅವರೊಂದಿಗೆ ಆಡಲು ಬಿಡಿ.

2. ಮಗುವಿಗೆ ಸಿಹಿ ತಿಂಡಿಗಳನ್ನು ತಂದಾಗ ಅದರ ಕೈಯಲ್ಲಿ ಕೊಟ್ಟು ನಿಮಗೆ ಸ್ವಲ್ಪ ಕೊಡಲು ಹೇಳಿ ಹಾಗೂ ಮನೆಯಲ್ಲಿರುವ ಇತರರಿಗೂ ನೀಡುವಂತೆ ಹೇಳಿ.

3. ಹಾಗೆ ಮಗುವಿಗೆ ಹೇಳಿದಾಗ ಅದು ಮುದ್ದಾಗಿ ಇಲ್ಲ ಕೊಡಲ್ಲ ಎನ್ನುವಾಗ ಎಲ್ಲರು ನಕ್ಕು ಸುಮ್ಮನೆ ಆಗುತ್ತಾರೆ. ಆದರೆ ನೀವು ನಿಮ್ಮ ಮಗುವಿಗೆ ಹೊಂದಾಣಿಕೆಯನ್ನು ಕಲಿಸ ಬೇಕು ಎಂದು ಭಾವಿಸುವರಾದರೆ ನಗಬೇಡಿ.

4. ಮಗು ಅದರ ವಸ್ತುಗಳ ಮೇಲೆ ಪೊಸೆಸಿವ್ ಆಗಿದ್ದರೆ ಅದಕ್ಕೆ ನಿಧಾನಕ್ಕೆ ಇತರ ಮಕ್ಕಳೊಂದಿಗೆ ಆಟ ಆಡುವಂತೆ ಪ್ರೋತ್ಸಾಹಿಸಿ.

5.ಮಗುವಿಗೆ ನೀನು ಬೆರೆತು ಆಟ ಆಡಿದರೆ ಒಳ್ಳೆ ಹುಡುಗಿ/ಹುಡುಗ, ಅಲ್ಲದಿದ್ದರೆ ದೇವರು ಕೋಪ ಮಾಡಿಕೊಳ್ಳುತ್ತಾನೆ ಈ ರೀತಿಯೆಲ್ಲಾ ಹೇಳುವುದು ಮಗುವಿನ ಮೇಲೆ ಒಳ್ಳೆಯ ಪರಿಣಾಮ ಬೀರುತ್ತದೆ.

6. ನೀತಿ ಕತೆಗಳನ್ನು ಹೇಳುವುದು ಅದರಲ್ಲಿ ಬರುವ ಒಳ್ಳೆಯ ಪಾತ್ರಗಳಂತೆ ಆಗಬೇಕು ಎಂದು ಹೇಳುವುದರಿಂದ ಮಗು ತನ್ನಲ್ಲಿ ಕೂಡ ಒಳ್ಳೆಯ ಗುಣಗಳನ್ನು ಮೈಗೂಡಿಸಿಕೊಳ್ಳ ತೊಡಗುತ್ತದೆ.