ನ್ಯಾಚುರಲ್‌ ಐವಿಎಫ್ Vs ಸಾಂಪ್ರದಾಯಿಕ ಐವಿಎಫ್‌: ಯಾರಿಗೆ ಯಾವುದು ಒಳ್ಳೆಯದು?

ಯಾರಿಗೆ ಐವಿಎಫ್ ವಿಧಾನಕ್ಕೆ ಸಲಹೆ ನೀಡಲಾಗುವುದು?

* ಫಾಲೋಪಿಯನ್‌ ಟ್ಯೂಬ್ಸ್ ಬ್ಲಾಕ್ ಆಗಿದ್ದರೆ

* ಪುರುಷರಲ್ಲಿ ಏನಾದರೂ ಸಮಸ್ಯೆಯಿದ್ದರೆ

* ವೀರ್ಯಾಣುಗಳು ಅಂಡಾಣುಗಳನ್ನು ಸಂಪರ್ಕಿಸಲು ತೊಂದರೆಯಿದ್ದಾಗ ಅಥವಾ ಅಂಡಾಶಯದಲ್ಲಿ ಏನಾದರೂ ತೊಂದರೆ ಇದ್ದಾಗ ಐವಿಎಫ್‌ ಮಾಡಲು ಸೂಚಿಸಲಾಗುವುದು.

* ಅಂಡಾಣುಗಳ ಉತ್ಪತ್ತಿಯಲ್ಲಿ ತೊಂದರೆಯಿದ್ದರೆ

* ಫಾಲೋಪಿಯನ್ ಟ್ಯೂಬ್‌ ತೆಗೆದಿದ್ದರೆ

* ವಂಶವಾಹಿ ಸಮಸ್ಯೆಗಳಿದ್ದರೆ

* ಎಷ್ಟೇ ಪ್ರಯತ್ನಿಸಿದರೂ ಮಕ್ಕಳಾಗದೇ ಇದ್ದಾಗ

ಐವಿಎಫ್‌ ವಿಧಾನ ಹೇಗೆ?

ಐವಿಎಫ್‌ ವಿಧಾನದಲ್ಲಿ ಮೊದಲಿಗೆ ಅಧಿಕ ಅಂಡಾಣುಗಳು ಬಿಡುಗಡೆಯಾಗಲು ಇಂಜೆಕ್ಷನ್ ನೀಡಲಾಗುವುದು. ಮುಟ್ಟಿನ ದಿನಗಳಲ್ಲಿ ಹಾಗೂ ರಕ್ತಸ್ರಾವ ಕಡಿಮೆಯಾಗುತ್ತಿರುವ ದಿನಗಳಲ್ಲಿ (ಅಂದ್ರೆ ಮುಟ್ಟಾದ 5 ರಿಂದ 6 ದಿನಗಳಲ್ಲಿ) gonadotropin ಔಷಧದ ಇಂಜೆಕ್ಷನ್‌ ನೀಡಲಾಗುವುದು. ಈ ಸಮಯದಲ್ಲಿ ಸ್ಕ್ಯಾನಿಂಗ್ ಮಾಡಲಾಗುವುದು, ಯಾವಾಗ ಅಂಡಾಣುಗಳು ಸರಿಯಾದ ಗಾತ್ರದಲ್ಲಿ ಬಿಡುಗಡೆಯಾಗುತ್ತದೆಯೋ ಆವಾಗ ಲ್ಯಾಬ್‌ನಲ್ಲಿ ಅಂಡಾಣುಗಳನ್ನು ಬೇರ್ಪಡಿಸಿ ಟ್ಯೂಬ್‌ನಲ್ಲಿ ಹಾಕಿ, ಗಂಡನ ವೀರ್ಯಾಣು ಹಾಕಿ ಸೆಟ್‌ ಮಾಡಲಾಗುವುದು. ಈ ವಿಧಾನದಲ್ಲಿಉಂಟಾದ ಭ್ರೂಣವನ್ನು ಗರ್ಭಕೋಶದ ಒಳಗಡೆ ಸೇರಿಸಲಾಗುವುದು.

ನ್ಯಾಚುರಲ್‌ ಐವಿಎಫ್‌ Vs ಸಾಂಪ್ರದಾಯಕ ಐವಿಎಫ್

ನ್ಯಾಚುರಲ್‌ ಐವಿಎಫ್‌ ಅನ್ನು ಮಹಿಳೆಯರ ಋತು ಚಕ್ರದ ಅವಧಿ ನೋಡಿ ನೀಡಲಾಗುವುದು. ಇದನ್ನು ಋತುಚಕ್ರ ಪ್ರಾರಂಭವಾಗುವ ಮುನ್ನ ಚಿಕಿತ್ಸೆ ನೀಡಲಾಗುವುದು. ಸಾಂಪ್ರದಾಯಿಕ ಐವಿಎಫ್‌ನಲ್ಲಿ ಋತು ಚಕ್ರ ನಿಲ್ಲಲು ಔಷಧಿ ನೀಡಿ ನಂತರ ಭ್ರೂಣವನ್ನು ಗರ್ಭಕೋಶದೊಳಗಡೆ ಸೇರಿಸಲಾಗುವುದು.

ಯಾರು ನ್ಯಾಚುರಲ್‌ ಐವಿಎಫ್‌ ಚಿಕಿತ್ಸೆ ಪಡೆಯಬಹುದು?

* ಪಿಸಿಒಎಸ್‌ ಇದ್ದು ಮಕ್ಕಳಾಗದಿದ್ದರೆ ನ್ಯಾಚುರಲ್‌ ಐವಿಎಫ್‌ ಮಾಡಿಸಬಹುದು.

* ಕೆಲವೊಂದು ಆರೋಗ್ಯ ಸಮಸ್ಯೆಯಿಂದಾಗ ಮಕ್ಕಳಾಗದಿದ್ದರೆ ಉದಾಹರಣೆಗೆ ಕ್ಯಾನ್ಸರ್‌ಗೆ ಚಿಕಿತ್ಸೆ ಪಡೆದಿದ್ದರೆ ಅವರಿಗೆ ಐವಿಎಫ್‌ ಒಳ್ಳೆಯದು.

* ಯಾರಿಗೆ ಅಂಡಾಣುಗಳ ಉತ್ಪತ್ತಿ ಕಡಿಮೆ ಇದೆಯೋ ಅವರು ಐವಿಎಫ್‌ ಬಗ್ಗೆ ಆಲೋಚಿಸಬಹುದು.

ನ್ಯಾಚುರಲ್‌ ಐವಿಎಫ್‌ನ ಪ್ರಯೋಜನಗಳು

* ಇದರಲ್ಲಿ ಹೆಚ್ಚಿನ ಔಷಧಿಗಳನ್ನು ತೆಗೆದುಕೊಳ್ಳುವುದು ಬೇಕಾಗಿಲ್ಲ.

* ಈ ಚಿಕಿತ್ಸೆಗೆ ಸ್ವಲ್ಪ ಕಾಲಾವಧಿ ಸಾಕು.

ನ್ಯಾಚುರಲ್‌ ಐವಿಎಫ್‌ನ ಅಡ್ಡಪರಿಣಾಮಗಳು

* ಭ್ರೂಣ ಆರೋಗ್ಯಕರವಾಗಿ ಬೆಳೆಯದೇ ಹೋಗಬಹುದು

* ಈ ವಿಧಾನದಲ್ಲಿ ಗರ್ಭಧಾರಣೆಯಾಗುವ ಸಾಧ್ಯತೆ ಕಡಿಮೆ

* ಈ ವಿಧಾನದಲ್ಲಿ ಹುಟ್ಟಿದ ಮಕ್ಕಳು ಬದುಕುವುದು ಕಡಿಮೆ

ಸಾಂಪ್ರದಾಯಿಕ ಐವಿಎಫ್‌ನಲ್ಲಿ ಆರೋಗ್ಯವಂತ ಮಗುವನ್ನು ಪಡೆಯುವ ಸಾಧ್ಯತೆ ಹೆಚ್ಚು.