ನಿಮ್ಮ ಫಲವತ್ತತೆಯನ್ನು ಪರಿಶೀಲಿಸುವುದು ಹೇಗೆ?

1) ಆರೋಗ್ಯಕರವಾದ ಋತುಚಕ್ರದ ಪ್ರಕ್ರಿಯೆ:

ನಿಮ್ಮ ಮುಟ್ಟಿನ ದಿನಾಂಕ ಹಾಗೂ ಪ್ರತಿ ತಿಂಗಳಿನ ಪ್ರಕ್ರಿಯು ಸರಿಯಾಗಿ ನಡೆಯುತ್ತಿದ್ದರೆ, ಖಂಡಿತವಾಗಿಯೂ ನಿಮ್ಮಲ್ಲಿ ಫಲವತ್ತತೆಯ ಲಕ್ಷಣವನ್ನು ಕಂಡುಕೊಳ್ಳಬಹುದು. ಸಾಮಾನ್ಯವಾಗಿ ಮಹಿಳೆಯರಿಗೆ 24 ರಿಂದ 35 ದಿನಗಳ ಒಳಗೆ ಸರಿಯಾಗಿ ಋತುಚಕ್ರದ ಪ್ರಕ್ರಿಯೆಯು ನಡೆಯುತ್ತಿರಬೇಕು, ಹಾಗೂ ಅಂಡಾಣುವಿನ ಬಿಡುಗಡೆಯು ಕೂಡ ಸಾಮಾನ್ಯವಾಗಿ ನಡೆಯುತ್ತಿರಬೇಕು. ಜೊತೆಗೆ ಅವಳ ಹಾರ್ಮೋನ್‌ಗಳು ಸರಿಯಾಗಿ ಕಾರ್ಯನಿರ್ವಹಿಸಿದರೆ, ಫಲವತ್ತತೆಯನ್ನು ಸುಲಭವಾಗಿ ಪತ್ತೆಹಚ್ಚಬಹುದು.

2) ಅಂಡಾಣುವಿನ ಬಿಡುಗಡೆ:

ಮಹಿಳೆಯುರಿಗೆ ತನ್ನ ಮುಟ್ಟಿನ ಅವಧಿಯಲ್ಲಿ ಸರಿಯಾಗಿ ಅಂಡಾಣು ಬಿಡುಗಡೆಗೊಳ್ಳುತ್ತಿದ್ದರೆ, ಖಂಡಿತವಾಗಿಯೂ ಗರ್ಭ ಧರಿಸುವಲ್ಲಿ ಅಥವಾ ಫಲವತ್ತತೆಗೆ ನಿಮಗೆ ಇದು ಸಹಾಯವಾಗಲಿದೆ. ನಿಮ್ಮ ಅಂಡಾಣು ಬಿಡುಗಡೆಯು ಸರಿಯಾಗಿ ನಡೆಯುತ್ತಿದೆ ಎಂದು ನಿಮಗೆ ತಿಳಿದಿದ್ದರೆ ಖಂಡಿತವಾಗಿಯೂ ನಿಮ್ಮ ಫಲವತ್ತತ್ತೆಯ ಕುರಿತು ನೀವು ಆಲೋಚಿಸಬೇಕಾಗಿಲ್ಲ.

3)ತೂಕ ಪರಿಶೀಲಿಸಿಕೊಳ್ಳಿ:

ನಿಮ್ಮ ದೇಹದ ತೂಕವನ್ನು ಸೂಚಕದ ಮೂಲಕ ನೀವು ದಿನಾ ಪರಿಶೀಲಿಸುತ್ತಿರುವಿರಿ ಎಂದಾದರೆ, ಖಂಡಿತವಾಗಿಯೂ ಇದು ನಿಮಗೆ ಸಹಾಯವಾಗಲಿದೆ. ಅತಿಯಾದ ತೂಕ ಕೂಡ ನಿಮ್ಮನ್ನು ಒತ್ತಡಕ್ಕೆ ಸಿಲುಕಿಸುತ್ತದೆ .

4)ವೈದ್ಯರನ್ನು ಭೇಟಿ ಮಾಡಿ:

ನಿಮ್ಮಲ್ಲಿ ಹಾರ್ಮೋನ್‌ಗಳು ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿದೆಯಾ ಎಂಬುದನ್ನು ವೈದ್ಯರಲ್ಲಿ ಪರಿಶೀಲಿಸಿಕೊಳ್ಳಿ, ಇದರಿಂದ ನಿಮ್ಮ ಆರೋಗ್ಯಕ್ಕೆ ಹಾಗೂ ಫಲವತ್ತತಗೆ ಅನೂಕೂಲವಾಗಲಿದೆ. ಹಾರ್ಮೋನುಗಳ ಸಮಸ್ಯೆ ಬಗ್ಗೆ ಕೂಡ ಮಹಿಳೆಯರು ತೊಂದರೆಯನ್ನು ಗುರುತಿಸಿ ಮತ್ತು ಅದಕ್ಕೆ ಪರಿಹಾರ ಕಂಡುಕೊಳ್ಳುವುದು ಅತಿ ಅವಶ್ಯಕ. ಇತ್ತೀಚಿನ ದಿನಗಳಲ್ಲಿ ಮಹಿಳೆಯರು ಇದರ ಬಗ್ಗೆ ಎಚ್ಚೆತ್ತುಕೊಂಡು ಇದರ ಬಗ್ಗೆ ಗಮನ ಹರಿಸುತ್ತಿರುವುದು ಕಂಡು ಬರುತ್ತಿದೆ. ಆದಾಗ್ಯೂ ಕೂಡ ಮಹಿಳೆಯರ ದೇಹದ ಬಗ್ಗೆ ತಪ್ಪು ನಂಬಿಕೆಗಳು ಕಂಡು ಬರುತ್ತಿವೆ.

5)ಧೂಮಪಾನ ಮಾಡಬೇಡಿ:

ನೀವು ಧೂಮಪಾನ ಮಾಡುವುದರಿಂದ ಕೂಡ ನಿಮ್ಮ ದೇಹದಲ್ಲಿರುವ ಹಾರ್ಮೋನುಗಳಲ್ಲಿ ಹಲವಾರು ಏರುಪೇರು ಕಂಡುಬರುತ್ತದೆ. ನೀವು ಧೂಮಪಾನ ಮಾಡುತ್ತಿರುವಿರಾದರೆ, ದಯವಿಟ್ಟು ಅದನ್ನು ಇಂದೇ ನಿಲ್ಲಿಸಿ. ಏಕೆಂದರೆ ನಿಮ್ಮ ಮುಟ್ಟಿನ ಸಮಯದಲ್ಲಿ ಇದು ಅನೇಕ ರೀತಿಯ ತೊಂದರೆಗಳನ್ನು ತಂದೊಡ್ಡುತ್ತದೆ, ಅಲ್ಲದೆ ಅಂಡಾಣು ಬಿಡುಗಡೆಯ ಸಂದರ್ಭದಲ್ಲಿಯೂ ಕೂಡ ಸಮಸ್ಯೆ ಎದುರಿಸಬೇಕಾಗುತ್ತದೆ.