ಬಾಟಲ್ ಹಾಲು ಕೊಡುವ ಮೊದಲು ಕೆಲವೊಂದು ಸಲಹೆ

ಬಾಟಲ್ ಆಯ್ಕೆ ಮಾಡುವ ಮೊದಲು ಯೋಚಿಸಿ:

ನೀವು ಬಾಟಲ್ ಆಯ್ಕೆ ಮಾಡುವ ಮೊದಲು ಅದರ ಗುಣಮಟ್ಟವನ್ನು ನೋಡಿ ಆಯ್ಕೆ ಮಾಡುವುದು ಅತ್ಯವಶ್ಯಕ. ಗ್ಲಾಸಿನ ಬಾಟಲ್ ಮಗುವಿಗೆ ಅಪಾಯಕಾರಿ ಎಂದು ಎಲ್ಲರಿಗೂ ತಿಳಿದಿರುವ ವಿಚಾರ ಅದಕ್ಕಿಂತಲೂ ಅಪಾಯಕಾರಿ ಪ್ಲಾಸ್ಟಿಕ್ ಬಾಟಲ್ ಎಂಬುದು ನಿಮ್ಮ ಗಮನದಲ್ಲಿರಲಿ. ಅದಾಗಿಯೂ ಕೆಲವೊಂದು ಪೋಷಕರು ಬಿಸ್ಫೆನಾಲ್ ಎ (BPA) ನಿಂದ ಮುಕ್ತವಾಗಿರುವ (ಕೆಲವೊಂದು ಪ್ಲಾಸ್ಟಿಕ್ ಬಾಟಲ್‌ಗಳಲ್ಲಿ ಬಳಸಲಾಗುತ್ತದೆ) ಗ್ಲಾಸ್ ಬಾಟಲ್‍‌ಗೆ ಪ್ರಾಶಸ್ತ್ಯ ನೀಡುತ್ತಾರೆ.

ನಿಪ್ಪಲ್‌ಗಳು:

ಸಾಮಾನ್ಯವಾಗಿ ನಿಪ್ಪಲ್‌ಗಳನ್ನು ರಬ್ಬರ್ ಅಥವಾ ಸಿಲಿಕೋನ್‌ನಿಂದ ಮಾಡಲಾಗಿರುತ್ತದೆ. ಪರಿಣಿತರ ಪ್ರಕಾರ, ರಬ್ಬರ್ ಅಥವಾ ಸಿಲಿಕೋನ್‌ ಇರುವ ನಿಪ್ಪಲ್‌ಗಳು ಮಗುವಿನ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅಲ್ಲದೆ ಪ್ರತಿ ದಿನ ಬಾಟಲ್ ನಿಪ್ಪಲ್‌ಗಳ ಬಣ್ಣ ಮಾಸಿ ಹೋಗಿದೆಯೇ ಅಥವಾ ಸೀಳಾಗಿದೆಯೇ ಎಂಬುದನ್ನು ಪರಿಶೀಲಿಸಿಕೊಳ್ಳುವುದು ಅತ್ಯವಶ್ಯಕ.

ಬಾಟಲ್ ಅನ್ನು ಸ್ವಚ್ಚಗೊಳಿಸಿ:

ಮಗುವಿಗೆ ಬಾಟಲ್ ಹಾಲನ್ನು ಕೊಡುವ ಮೊದಲು, ಬಾಟಲ್ ಅನ್ನು ಸ್ವಚ್ಚಗೊಳಿಸುವುದನ್ನು ಮರೆಯಬೇಡಿ. ಕೆಲವೊಮ್ಮೆ ಬಾಟಲ್‌ನಲ್ಲಿ ಕೂಡ ಬ್ಯಾಕ್ಟೀರಿಯಾಗಳು ಕಂಡುಬರುತ್ತದೆ, ಅದರಲ್ಲಿಯೂ ಪ್ಲಾಸ್ಟಿಕ್ ಬಾಟಲ್ ಅನ್ನು ನೀವು ಬಳಸುತ್ತಿದ್ದರೆ, ಮೊದಲು ಸ್ವಚ್ಚತೆಗೆ ಗಮನ ಹರಿಸಿ.

ಹಾಲು ಕುಡಿಸುವ ಮೊದಲು ಪರಿಶೀಲಿಸಿ:

ಮಗುವಿಗೆ ಹಾಲು ಕುಡಿಸುವ ಮೊದಲು ಬಾಟಲ್‌ನಲ್ಲಿರುವ ಹಾಲು ಬಿಸಿಯಾಗಿದೆಯೇ ಎಂಬುದನ್ನು ಪರಿಶೀಲಿಸಿಕೊಳ್ಳುವುದನ್ನು ಮರೆಯಬೇಡಿ. ನಿಮ್ಮ ಮಗುವಿಗೆ ಬಾಟಲ್ ಹಾಲು ಕೊಡುವ ಮೊದಲು, ಹಾಲು ತಂಪಾಗಿರುವುದನ್ನು ಪರಿಶೀಲಿಸಿಕೊಳ್ಳಿ. ಅಲ್ಲದೆ ಸ್ವಲ್ಪ ಹಾಲನ್ನು ನಿಮ್ಮ ಕೈ ಹಸ್ತಕ್ಕೆ ಹಾಕಿ ಹಾಲು ಬಿಸಿಯಾಗಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ನಿಮ್ಮ ಮಗುವನ್ನು ಬಿಗಿಹಿಡಿದಿಟ್ಟುಕೊಳ್ಳಿ:

ನೀವು ಮಗುವಿಗೆ ಬಾಟಲ್ ಹಾಲು ಕೊಡುವ ವಿಷಯಕ್ಕೆ ಬಂದಾಗ, ಮಗುವನ್ನು ನಿಮ್ಮ ಕೈ ತೋಳಿನಿಂದ ಹಿಡಿದಿಟ್ಟುಕೊಳ್ಳಬೇಕು. ಎದೆ ಹಾಲಿನಷ್ಟೇ ಪೌಷ್ಟಿಕಾಂಶದಿಂದ ಕೂಡಿರುವ ಇಂತಹ ಹಾಲು, ನಿಮ್ಮ ಮಗುವಿನ ಆರೋಗ್ಯದ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ.

ಮಗು ಹಾಲು ಕುಡಿದ ನಂತರ:

ಮಗು ಹಾಲು ಕುಡಿದು ಮುಗಿಸಿದ ನಂತರ, ಹಾಲಿನ ಬಾಟಲ್ ನಿಪ್ಪಲ್ ಹೀರುವುದನ್ನು ನಿಲ್ಲಿಸುತ್ತದೆ, ಎಂಬುದು ನಿಮ್ಮ ಗಮನಕ್ಕೆ ಬಂದಿರಬಹುದು. ಹಾಗಾಗಿ ಪೋಷಕರು ಮಗು ಹಾಲಿನ ಬಾಟಲ್ ನಿಪ್ಪಲ್ ಅನ್ನು ಸರಿಯಾಗಿ ಹೀರುತ್ತಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು.

ಮಗುವಿನ ಬೆನ್ನು ನೀವಿ ತೇಗಿಸಿ

ಇದನ್ನು ಪೋಷಕರು ಗಮನದಲ್ಲಿರಿಸಿಕೊಳ್ಳುವುದು ಅತ್ಯವಶ್ಯಕ. ನಿಮ್ಮ ಮಗು ಹಾಲು ಕುಡಿದ ನಂತರ, ನೀವು ಮಗುವನ್ನು ಭುಜದ ಮೇಲೆ ಎತ್ತಿಹಿಡಿದು ಮೃದುವಾಗಿ ಮಗುವಿನ ಬೆನ್ನು ನೀವಿದನ್ನು ಮರೆಯಬೇಡಿ ಹಾಗೂ ಅವನು/ ಅವಳಿಗೆ ತೇಗು ಬರುವಂತೆ ಮಾಡಿ. ಮಗು ನಿಮ್ಮ ಭುಜದಲ್ಲಿರುವಾಗ ಮಗುವಿನ ಬೆನ್ನನ್ನು ಮೆಲ್ಲನೆ ಉಜ್ಜಿ, ಈ ರೀತಿ ಮಾಡುವುದರಿಂದ ಕೂಡ ನಿಮ್ಮ ಮಗು ವೇಗವಾಗಿ ತೇಗು ಮಾಡಲು ಸಹಕಾರಿಯಾಗುತ್ತದೆ. ಸಾಮಾನ್ಯವಾಗಿ ಬಾಟಲ್ ಹಾಲನ್ನು ಕೊಡುವಾಗ ಇಂತಹ ವಿಷಯವನ್ನು ನೀವು ಅನುಸರಿಸುವಿರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.