ಮಗುವಿನ ಬೇಧಿ ಹೋಗಲಾಡಿಸಲು ಮನೆ ಮದ್ದು

ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ಸಾಮಾನ್ಯ ಸಮಸ್ಯೆಗಳಲ್ಲಿ ಬೇಧಿ ಕೂಡ ಒಂದು. ತಿಂದದ್ದು ಅಜೀರ್ಣವಾದರೆ ಬೇಧಿ ಕಾಣಿಸಿಕೊಳ್ಳುತ್ತದೆ. ಮಕ್ಕಳಲ್ಲಿ ಬೇಧಿ ಕಾಣಿಸಿದರೆ ನಿರ್ಲಕ್ಷ್ಯ ಮಾಡಬಾರದು, ಕೂಡಲೇ ವೈದ್ಯರನ್ನು ಸಂಪರ್ಕಿಸಬೇಕು. ಚಿಕ್ಕ ಮಕ್ಕಳಿಗೆ 2-3 ಸಲ ಬೇಧಿಯಾದರೆ ಸಾಕು ಸುಸ್ತು ಆಗಿ ಬಿಡುತ್ತಾರೆ. ತಕ್ಷಣ ಔಷಧಿ ಕೊಡದಿದ್ದರೆ ಪ್ರಾಣಕ್ಕೂ ಅಪಾಯ ಉಂಟಾಗಬಹುದು.

ಕೆಲವೊಂದು ಮನೆ ಮದ್ದುಗಳು ಕೂಡ ಮಗುವಿನ ಬೇಧಿ ತಡೆಗಟ್ಟುವಲ್ಲಿ ಸಹಕಾರಿಯಾಗಿವೆ. ಅವುಗಳ ಬಗ್ಗೆ ಮಾಹಿತಿ ನೋಡಿ ಇಲ್ಲಿದೆ:

* ಮಗುವಿಗೆ ಬೇಧಿ ಕಾಣಿಸಿದರೆ ಕುಡಿಯಲು ಏನೂ ಕೊಡದೆ ಇರಬಾರದು. ನೀರು, ಹಾಲು ಕುಡಿಸಬೇಕು. ದೇಹದಲ್ಲಿ ನೀರಿನಂಶ ಕಡಿಮೆಯಾಗದಂತೆ ನೋಡಿಕೊಳ್ಳಿ.

* ಒಂದು ಗ್ಲಾಸ್ ಹದ ಬಿಸಿ ನೀರು ತೆಗೆದುಕೊಂಡು ಅದರಲ್ಲಿ 1/2 ಚಮಚ ಉಪ್ಪು ಮತ್ತು 1/2 ಚಮಚ ಸಕ್ಕರೆ ಹಾಕಿ ಕಲೆಸಿ ಕುಡಿಯಲು ಕೊಡಿ. ಇದರಿಂದ ಬೇಧಿ ತಕ್ಷಣ ನಿಲ್ಲುತ್ತದೆ.

* ಸುಲಭವಾಗಿ ಜೀರ್ಣವಾಗುವ ಆಹಾರ ವಸ್ತುಗಳನ್ನು ಮಾತ್ರ ತಿನ್ನಲು ಕೊಡಿ.

* ಮಗುವಿಗೆ ಹಲ್ಲು ಹುಟ್ಟಿ ಬರುವಾಗ ಬೇಧಿ ಕಾಣಿಸಿಕೊಳ್ಳುವುದು ಸಹಜ. ಆಗ ನೀವು ನಿಮ್ಮ ಕೈ ಬೆರಳನ್ನು ಮಗುವಿನ ಬಾಯಿಯೊಳಗೆ ಹಾಕಿ ವಸಡುಗಳನ್ನು ಮೆಲ್ಲನೆ ಮಸಾಜ್ ಮಾಡಿ. ಇದರಿಂದ ಮಕ್ಕಳಿಗೆ ಹಲ್ಲು ಹುಟ್ಟಿ ಬರುವಾಗ ಕಾಣಿಸುವ ನೋವು ಕಮ್ಮಿಯಾಗುವುದು.

* ಮಕ್ಕಳಿಗೆ ಗ್ರೈಪ್ ವಾಟರ್ ಕೊಟ್ಟರೆ ಇದು ಹೊಟ್ಟೆಯಲ್ಲಿರುವ ಗ್ಯಾಸ್ ಅನ್ನು ಹೊರಕ್ಕೆ ಹಾಕುತ್ತದೆ.