ಮಕ್ಕಳ ಅಳುವನ್ನು ನಿಲ್ಲಿಸಲು 7 ಮಾರ್ಗಗಳು

1. ಪಾಪ್ ಸ್ಟಾರ್ ಸಂಗೀತ:

ನಿಮ್ಮ ಮಗುವಿನ ಅಳುವನ್ನು ನಿಲ್ಲಿಸಲು ಉತ್ತಮವಾದ ಮಾರ್ಗವೆಂದರೆ ಅವರಿಗೆ ಮೃದುವಾದ ಸಂಗೀತವನ್ನು ಕೇಳಿಸುವುದು. ಅಥವಾ ಅವರಿಗೆ ಇಷ್ಟವಾಗುವ ಸಂಗೀತವನ್ನು ಕೇಳಿಸುವುದು. ಅಲ್ಲದೇ ಮಕ್ಕಳಿಗೆ ಅತ್ಯಂತ ಇಷ್ಟವಾದ 'ಟ್ವಿಂಕಲ್ ಟ್ವಿಂಕಲ್ ಲಿಟಲ್ ಸ್ಟಾರ್' ನಂತಹ ಹಾಡುಗಳನ್ನು ಹಾಕಿ ಅವರನ್ನು ಸಂತೋಷಪಡಿಸಬಹುದು.

2. ಜೋಕಾಲಿ ಆಟ:

ನಿಮ್ಮ ಮಗುವಿನ ಅಳುವನ್ನು ನಿಲ್ಲಿಸಲು ಇರುವ ಮಂತ್ರ, ತೂಗುಯ್ಯಾಲೆ. ಮಕ್ಕಳನ್ನು ಸಮಾಧಾನ ಮಾಡಲು ಅವರನ್ನೊಮ್ಮೆ ತೂಗುಯ್ಯಾಲೆಯಲ್ಲಿ ಕೂರಿಸಿ ಆಟವಾಡಬಹುದು. ಅಥವಾ ನಿಮ್ಮ ಕಾಲಿನ ಮೇಲೆ ಮಲಗಿಸಿಕೊಂಡು ತೂಗುಯ್ಯಾಲೆ ಆಟ ಮಾಡಬಹುದು. ಅಥವಾ ಅವರನ್ನು ಕಾಲಿನ ಮೇಲೆ ಕೂರಿಸಿಕೊಂಡು ಅವರ ತಲೆಯನ್ನು ಹಿಡಿದು ತೂಗುಯ್ಯಾಲೆಯಂತೆ ಮಾಡಿ ಅವರ ಅಳುವನ್ನು ನಿಲ್ಲಿಸಬಹುದು.

3. ಮಕ್ಕಳನ್ನು ಸುತ್ತಾಡಿಸಿ

ಮಕ್ಕಳ ಅಳುವನ್ನು ನಿಲ್ಲಿಸಲು ಸ್ಟ್ರೋಲರ್ ನಲ್ಲಿ ಮಕ್ಕಳನ್ನು ಕೂರಿಸಿಕೊಂಡು ಮನೆಯ ಹೊರಗಡೆ ಅಥವಾ ಮೈದಾನದಲ್ಲಿ ತಿರುಗಾಡಿಸಿ. ಆಗ ಮಕ್ಕಳ ಕಣ್ಣು ಬೇರೆನನ್ನೋ ನೋಡುತ್ತ ತನ್ನ ಅಳುವನ್ನೇ ಮರೆಯುತ್ತದೆ.

4. ಮಗುವಿನೊಂದಿಗೆ ಡ್ರೈವ್ / ಸಂಚಾರ ಮಾಡಿ

ನಿಮ್ಮ ಮಗು ಅಳುವುದನ್ನು ನಿಲ್ಲಿಸಲು ಮಗುವನ್ನು ಒಮ್ಮೆ ಹೊರಗಡೆ ಸುತ್ತಾಡಿಸಿ. ಅವರನ್ನು ಕಾರ್ ಅಥವಾ ಇನ್ಯಾವುದೇ ವಾಹನಗಳಲ್ಲಿ ಹತ್ತಿರದ ಸ್ಥಳದಲ್ಲಿ ತಿರುಗಾಡಿದರೆ ಅವರು ಅಳುವನ್ನು ನಿಲ್ಲಿಸಿ ಸಂಚಾರವನ್ನು ಆನಂದಿಸಬಹುದು.

5. ಬೆಚ್ಚಗಿನ ನೀರಿನ ಸ್ನಾನ

ಮಕ್ಕಳು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡಿಸಿದರೆ ಹಿತವಾದ ಅನುಭವವನ್ನು ಪಡೆಯುತ್ತವೆ. ಅವರ ವಿಶ್ರಾಂತಿಗಾಗಿ ಅವರನ್ನು ಸ್ವಚ್ಛವಾಗಿರುವಂತೆ ನೋಡಿಕೊಳ್ಳುವುದು ಅಗತ್ಯ. ಅಲ್ಲದೇ ಮಕ್ಕಳಿಗೆ ನೀರಿನಲ್ಲಿ ಆಟವಾಡುವುದೆಂದರೆ ಇಷ್ಟ. ಆದ್ದರಿಂದ ಸ್ನಾನ ಮಾಡುವಾಗ ಬೀಳುವ ನೀರಿನ ಶಬ್ದವನ್ನೂ ಅವರು ಆನಂದಿಸುತ್ತಾರೆ.

6. ಶ್ ಶ್ ಶ್..

ಮಕ್ಕಳು ಅಳುವುದನ್ನು ನೋಡಲು ಯಾರಿಗೂ ಇಷ್ಟವಾಗುವುದಿಲ್ಲ. ಆದರೆ ಅವರ ಅಳುವನ್ನು ಕೆಲವೊಮ್ಮೆ ನಿಲ್ಲಿಸುವುದು ಕಷ್ಟ. ಅಂತಹ ಸಂದರ್ಭದಲ್ಲಿ ನೀವು ನಿಮ್ಮ ತುಟಿಯ ಮೇಲೆ ಬೆರಳಿಟ್ಟು ಶ್ ಶ್ ಶ್ ಎಂಬ ಶಬ್ದವನ್ನು ಮಾಡಿದರೆ ಮಕ್ಕಳು ಅಳುವ ಪ್ರಮಾಣ ಕಡಿಮೆಯಾಗಬಹುದು!