ನಿಮ್ಮ ಮಗುವಿನ ಆಲ್ಬಂ ಹೇಗೆ ಮಾಡುತ್ತಿದ್ದೀರಾ?

ಮೊದಲ ಫೋಟೊ ಕ್ಲಿಕ್:

ಮಗು ಹುಟ್ಟಿದಾಗ ಹೇಗೆ ಕಾಣುತ್ತಿದ್ದಳು/ನು ಎಂದು ಫೋಟೊದಲ್ಲಿ ಮುದ್ರಿಸಿ. ನಂತರ ತಿಂಗಳ ನಂತರ ಮತ್ತೊಂದು ಫೋಟೊ ತೆಗೆದಿಡಿ.

ಮಗು ನಿದ್ದೆ ಮಾಡುತ್ತಿರುವಾಗ:

ನಿದ್ರಿಸುತ್ತಿರುವ ಮಗುವನ್ನು ನೋಡಲು ತುಂಬಾ ಮುದ್ದಾಗಿರುತ್ತದೆ. ಆ ಪೋಟೊ ಕೂಡ ನಿಮ್ಮಲ್ಲಿ ಇರಲಿ.

ಸ್ನಾನ ಮಾಡಿಸುವುದು:

ಮಗುವನ್ನು ಎಣ್ನೆ ಹಚ್ಚಿ ಸ್ನಾನ ಮಾಡಿಸುವ ಫೋಟೊ ತೆಗೆಯಿರಿ. ಸ್ನಾನ ಮಡಿಸುವಾಗ ಅದು ರಂಪಾಟದ ಮಾಡುವುದನ್ನು ಫೋಟೊ ತೆಗೆದರೆ ದೊಡ್ಡದಾದ ಮೇಲೆ ಆ ಫೋಟೊ ತೋರಿಸಲು ತುಂಬಾ ಮಜವಾಗಿರುತ್ತದೆ.

ಕಾಲು ಬೆರಳು ಚೀಪುವುದು:

ಮಗು 3-4 ತಿಂಗಳು ಆಗುವಾಗ ಕಾಲನ್ನು ಮೇಲಕ್ಕೆ ಎತ್ತಿ ಕಾಲಿನ ಹೆಬ್ಬೆರಳು ಚೀಪುತ್ತದೆ. ಇದನ್ನು ಫೋಟೊ ತೆಗೆದಿಡಿ.

ಅಂಬೆ ಕಾಲಿಡುವುದು:

ಮಗು ಅಂಬೆ ಕಾಲಿಟ್ಟು ಹೋಗುವುದನ್ನು ನೋಡಲು ತುಂಬಾ ಮುದ್ದು-ಮುದ್ದಾಗಿರುತ್ತದೆ. ಇದನ್ನು ನಿಮ್ಮ ಆಲ್ಬಂನಲ್ಲಿ ಸೇರಿಸಲು ಮರೆಯಬೇಡಿ.

ಕೂರುವುದು:

ಮಗು ಮೆಲ್ಲನೆ ಕೂರಲಾರಂಭಿಸುತ್ತದೆ. ಈ ರೀತಿ ಮೊದಮೊದಲು ಕೂರುವಾಗ ಬ್ಯಾಲೆನ್ಸ್ ಸಿಗದೆ ಕಷ್ಟ ಪಡುತ್ತದೆ. ಅಂತಹ ಫೋಟೊ ನಿಮ್ಮ ಆಲ್ಬಂ ಕಲೆಕ್ಷನ್ ನಲ್ಲಿರಲಿ.

ಮಗು ತಿನ್ನುವುದು:

ಮಗುವಿಗೆ ತಿನಿಸುವುದು ಈ ರೀತಿಯ ಫೋಟೊದಲ್ಲಿ ತಿನಿಸುವಾಗ ಮುಖಕ್ಕೆ ತುಂಬಾ ಮೆತ್ತಿಕೊಂಡಂತಹ ಫೋಟೊ ತೆಗೆದಿಡಿ.

ಮೆಲಮೆಲ್ಲನೆ ನಡೆ:

ತೆವಳಿಕೊಂಡು, ಬಿದ್ಕೊಂಡು ನಡೆಯುವುದು ನೋಡಲು ತುಂಬಾ ಆಕರ್ಷಕವಾಗಿರುತ್ತದೆ. ಅವುಗಳನ್ನು ನಿಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿಯಿರಿ. ಏಕೆಂದರೆ ಮಕ್ಕಳು ದೊಡ್ಡದಾದ ಮೇಲೆ ಅವರನ್ನು ಹಾಗೇ ನಡೆ ಎನ್ನಲು ಸಾಧ್ಯವೇ?

ಆಟವಾಡುವುದು:

ಮಗು ಆಡುತ್ತಿದ್ದ ಆಟ ಇವುಗಳೆನ್ನೆಲ್ಲಾ ನಿಮ್ಮ ನೆನಪಿಗೋಸ್ಕರ ಮಾತ್ರವಲ್ಲ ಮಗು ದೊಡ್ಡವನಾದ/ಳಾದ ಮೇಲೆ ತುಂಬಾ 5 ವರ್ಷಕ್ಕಿಂತ ಚಿಕ್ಕದಿರುವಾಗ ನಾನು ಏನೆಲ್ಲಾ ಮಾಡಿದೆ ಎಂದು ಮರೆತಿರುತ್ತದೆ. ಈ ಫೋಟೊಗಳು ನಿಮ್ಮ ಮಗ/ಮಗಳಿಗೆ ಒಂದು ಸ್ಪೆಷೆಲ್ ಗಿಫ್ಟ್ ಆಗಬಹುದು.