ಹದಿಹರೆಯದ ಮಕ್ಕಳಿರುವ ಪೋಷಕರೆ ಗಮನಿಸಿ!

Baby

oi-Reena

By Hema S

Published: Friday, March 16, 2012, 15:26 [IST]

ಚಿಕ್ಕ ಮಕ್ಕಳು ತುಂಟಾಟ ಮಾಡಿದಾಗ ಅಮ್ಮಂದಿರು ಇವರು ಒಮ್ಮೆ ದೊಡ್ಡವರಾದರೆ ಸಾಕು, ಹೇಳಿದ ಮಾತು ಒಂದೂ ಕೇಳುವುದಿಲ್ಲ, ದೊಡ್ಡವರಾದ ಮೇಲೆ ಬುದ್ದಿ ಬಂದಿರುತ್ತದೆ ಇಷ್ಟು ಕಷ್ಟವಿಲ್ಲ ಅನ್ನುವುದನ್ನು ಕೇಳಬಹುದು. ಅದೇ ಹದಿಹರೆಯದ ಮಕ್ಕಳಿರುವ ತಾಯಿಂದಿರನ್ನು ಕೇಳಿ ನೋಡಿ ಅಯ್ಯೊ! ಮಕ್ಕಳಾಗಿದ್ದಾಗ ನಮ್ಮ ಮಾತು ಕೇಳುತ್ತಿದ್ದರು ಈಗ ಅವರನ್ನು ನಿಯಂತ್ರಿಸುವುದು ಹೇಗೆ ಎಂಬುದೆ ಚಿಂತೆಯಾಗಿದೆ ಎಂದು ತಮ್ಮ ಗೋಳನ್ನು ಹೇಳಿಕೊಳ್ಳುತ್ತಾರೆ.

ಹೀಗಾಗಲು ಕಾರಣವಿಷ್ಟೆ ಹದಿಹರೆಯದ ಮಕ್ಕಳೂ ಪ್ರತಿಯೊಂದು ವಿಷಯವನ್ನು ತಿಳಿದುಕೊಳ್ಳಲು ಆಸಕ್ತಿ ತೋರುತ್ತಾರೆ. ಈ ಸಮಯದಲ್ಲಿ ಉತ್ತಮ ವಾತಾವರಣ ಮತ್ತು ಸ್ನೇಹಿತರಿದ್ದರೆ ಒಳ್ಳೆ ಅಭ್ಯಾಸ ಬೆಳೆಸಿಕೊಳ್ಳುತ್ತಾರೆ. ದುರಭ್ಯಾಸವಿರುವ ಸ್ನೇಹಿತರಿದ್ದರೆ ಬೇಗನೆ ಕೆಟ್ಟ ಗುಣಗಳನ್ನು ಕಲಿತುಕೊಳ್ಳುತ್ತಾರೆ. ಹದಿಹರೆಯದ ಮಕ್ಕಳನ್ನು ಹೊಂದಿರುವ ಪೋಷಕರು ಈ ಸಮಯದಲ್ಲಿ ಮಕ್ಕಳನ್ನು ಎಚ್ಚರಿಕೆಯಿಂದ ನೋಡಿಕೊಂಡರೆ ಅನೇಕ ಸಮಸ್ಯೆಗಳು ಪರಿಹಾರವಾಗುತ್ತದೆ. ಹಾಗಂತ ತುಂಬಾ ಶಿಸ್ತಲ್ಲ. ನೀವು ಮಾಡಬೇಕಾದದು ಇಷ್ಟೆ.

1. ಮಾನಸಿಕ ಸಿದ್ಧತೆ: ಹದಿಹರೆಯದಲ್ಲಿ ಮಾನಸಿಕ ಮತ್ತು ದೈಹಿಕ ಬದಲಾವಣೆ ಉಂಟಾಗುತ್ತದೆ. ಈ ಸಮಯದಲ್ಲಿ ಪೋಷಕರು ಗೆಳಯರಂತೆ ವರ್ತಿಸಿ ಅವರ ಗೊಂದಲಗಳನ್ನು ನಿವಾರಿಸಬೇಕಾಗುತ್ತದೆ. ಈ ಸಮಯದಲ್ಲಿ ಸಮಾಜದ ಕೆಲವೊಂದು ನಿಯಮಗಳ ಬಗ್ಗೆ ಮಕ್ಕಳಲ್ಲಿ ಅರಿವು ನೀಡಬೇಕು. ಅದರಲ್ಲೂ ಹೆಣ್ಣುಮಕ್ಕಳಿಗೆ ಇದ್ದಕ್ಕಿದ್ದ ಹಾಗೆ ನಿರ್ಬಂಧ ಹಾಕದೆ ಸಮಾಜದ ನೀತಿ ನಿಯಮಗಳ ಬಗ್ಗೆ ತಿಳಿ ಹೇಳಬೇಕು.

2. ಭವಿಷ್ಯ: ಮುಂದಿನ ಭವಿಷ್ಯಕ್ಕಾಗಿ ಮಾರ್ಗದರ್ಶನ ನೀಡಬೇಕು. ಕೋರ್ಸ್ ಆಯ್ಕೆಗೆ ಮಕ್ಕಳಿಗೆ ಬಿಡಬೇಕು. ನಿಮಗೆ ಇಷ್ಟವಾದ ಕೋರ್ಸ್ ಓದುವಂತೆ ಯಾವತ್ತೂ ಒತ್ತಾಯ ಹಾಕಬೇಡಿ.

3.ವ್ಯಾಯಾಮ: ಮಕ್ಕಳನ್ನು ಜಿಮ್,ಡ್ಯಾನ್ಸ್, ಕರಾಟೆ ಕ್ಲಾಸ್ ಗೆ ಸೇರಿಸುವುದು ಒಳ್ಳೆಯದು. ಇದರಿಂದ ಮಕ್ಕಳ ಮಾನಸಿಕ ಒತ್ತಡ ಕಡಿಮೆಯಾಗಿ ದೈಹಿಕವಾಗಿ ಸದೃಢರಾಗುವರು ಮತ್ತು ಬುದ್ಧಿ ವಿಕಾಸವಾಗುವುದು.