ಮಕ್ಕಳ ಡೇ ಕೇರ್ ಬಗ್ಗೆ ಎಚ್ಚರ!

Baby

oi-Reena

By Hema S

Published: Tuesday, January 10, 2012, 17:32 [IST]

ಅವಿಭಕ್ತ ಕುಟುಂಬಗಳಲ್ಲಿ ಮಕ್ಕಳನ್ನು ಸಾಕುವ ಕಷ್ಟ ಹೆತ್ತವರಿಗೆ ಗೊತ್ತಿರಲಿಲ್ಲ. ಅಜ್ಜ ಅಥವಾ ಅಜ್ಜಿಯ ಜೊತೆ ಆಡುತ್ತಾ ಅವರು ಹೇಳುವ ರಾಜರ ಕತೆಗಳನ್ನು ಕೇಳುತ್ತಾ ಮಕ್ಕಳು ಬೆಳೆಯುತ್ತಿದ್ದರು. ನಮಗೆ ನಮ್ಮ ಬಾಲ್ಯವನ್ನು ನೆನಪಿಸಿ ಕೊಂಡಾಗ ಅಜ್ಜಿ ಹೇಳಿದ ಕತೆಗಳು ಹೀಗಲೂ ನೆನಪಿಗೆ ಬರುತ್ತದೆ.

ಹೀಗೆಲ್ಲಾ ಅವಿಭಕ್ತ ಕುಟುಂಬಗಳು ಕಾಣ್ಮರೆಯಾಗುತ್ತಿವೆ. ಈಗ ಮಕ್ಕಳಿಗೆ ಇಂತಹ ಸೌಲಭ್ಯಗಳಿಲ್ಲ. ದುಡಿಯುವ ದಂಪತಿಗಳ ಮಕ್ಕಳನ್ನು ನೋಡಿಕೊಳ್ಳಲು ಬೇಬಿ ಡೇ ಕೇರ್ ಗಳಿವೆ. ಇಲ್ಲಿ ಬಿಟ್ಟು ಹೆತ್ತವರು ಯಾವುದೆ ಆತಂಕವಿಲ್ಲದೆ ಕೆಲಸಕ್ಕೆ ಹೋಗಿ ಬರುತ್ತಾರೆ. ಮಕ್ಕಳು ಇತರ ಮಕ್ಕಳೊಂದಿಗೆ ಬೆರತು ಬಾಳುವುದು ಇಲ್ಲಿಂದ ಪ್ರಾರಂಭವಾಗುತ್ತದೆ. ಈ ರೀತಿಯ ಡೇ ಕೇರ್ ಗಳಿಗೆ ಬಿಡುವ ಮುನ್ನ ಹೆತ್ತವರು ಈ ಕೆಳಗಿನ ಅಂಶಗಳ ಕಡೆಗೆ ಹೆಚ್ಚಿನ ಗಮನವನ್ನು ಕೊಡಬೇಕು.

1. ಸುರಕ್ಷತೆ: ಸುರಕಲ್ಷತೆ ಇರುವ ಡೇ ಕೇರ್ ಆಯ್ಕೆ ಮಾಡಬೇಕು. ಮಕ್ಕಳ ಕಳ್ಳಸಾಗಣಿಕೆ ಮಾಡುವವರ ಸಂಖ್ಯೆ ಹೆಚ್ಚಿರುವುದರಿಂದ ಇದರ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು. ಆಧುನಿಕ ಡೇ ಕೇರ್ ನಲ್ಲಿ ಮಕ್ಕಳ ಆಯಾ ದಿನದ ಚಟುವಟಿಕೆಯ ಬಗ್ಗೆ ವರದಿ ಇರುವ ಸಿ.ಡಿ ನೀಡಲಾಗುತ್ತದೆ.

2. ಮಕ್ಕಳನ್ನು ನೋಡಿಕೊಳ್ಳುವವರ ಬಗ್ಗೆ ಮಾಹಿತಿ: ಮಕ್ಕಳನ್ನು ನೋಡಿಕೊಳ್ಳುವವರ ಬಗ್ಗೆ ಸಂಪೂರ್ಣ ಮಾಹಿತಿ ಇರಬೇಕು. ಅವರ ಮೇಲೆ ಯಾವುದೇ ಕ್ರಿಮಿನಲ್ ಮೊಕದ್ದಮೆ ಇರಬಾರದು. ಅವರು ನಿಮ್ಮ ಮಕ್ಕಳನ್ನು ಪ್ರೀತಿಯಿಂದ ನೋಡಿಕೊಳ್ಳಲು ತಕ್ಕವರೆಂದು ಖಾತ್ರಿ ಮಾಡಿಕೊಳ್ಳಿ.

3. ಮಕ್ಕಳ ಅನುಪಾತ: ನಿಮ್ಮ ಮಗುವನ್ನು ಸರಿಯಾಗಿ ನೋಡುತ್ತಿದ್ದಾರೆಯೆ ಎಂದು ತಿಳಿಯಲು ಅಲ್ಲ ಮಕ್ಕಳನ್ನು ನೋಡಿಕೊಳ್ಳಲು ಎಷ್ಟು ಜನರಿದ್ದಾರೆ ಎಂದು ತಿಳಿಯಬೇಕು. ಮಕ್ಕಳ ಸಂಖ್ಯೆ ಜಾಸ್ತಿ ಇದ್ದು ನೋಡಿಕೊಳ್ಳುವವರ ಸಂಖ್ಯೆ ಕಡಿಮೆ ಇದ್ದರೆ ಅಲ್ಲಿಗೆ ಮಕ್ಕಳನ್ನು ಬಿಡಬಾರದು.

4. ಸಮಯ: ಡೇ ಕೇರ್ ನಲ್ಲಿ ಮಕ್ಕಳನ್ನು ಇರಿಸಿಕೊಳ್ಳುವ ಸಮಯ ಮತ್ತು ನಿಮ್ಮ ಕೆಲಸದ ಸಮಯಕ್ಕೆ ಹೊಂದಿಕೆಯಾಗುವಂತಹ ಸಮಯವನ್ನು ಆಯ್ಕೆ ಮಾಡಬೇಕು.

5. ರಜಾ ದಿನ: ಸಾಕಷ್ಟು ಡೇ ಕೇರ್ ಗಳಲ್ಲಿ ಭಾನುವಾರ ರಜಾ ದಿನವಾಗಿರುತ್ತದೆ. ಆದರೆ ಕಂಪನಿಗಳಲ್ಲಿ ಅಥವಾ ರಿಪೋರ್ಟ್ ಗಳಿಗೆ ಭಾನುವಾರ ಕೆಲಸವಿರುತ್ತದೆ. ಆದ್ದರಿಂದ ನಿಮ್ಮ ರಜಾ ದಿನಕ್ಕೆ ಹೊಂದಿಕೆಯಾಗುವ ಡೇ ಕೇರ್ ಆಯ್ಕೆ ಮಾಡಬೇಕು.

6. ವೆಚ್ಚ: ಡೇ ಕೇರ್ ಗೆ ಕೊಡುವ ದುಡ್ಡು ನಿಮ್ಮ ಬಡ್ಜೆಟ್ ಗೆ ಹೊಂದಿಕೆಯಾಗುವಮತೆ ಇರಬೇಕು. ಇಲ್ಲದಿದ್ದರೆ ಸಮಸ್ಯೆಗಳು ಪ್ರಾರಂಭವಾಗುತ್ತದೆ.

7. ದೂರ: ಮನೆಯಿಂದ ಡೇ ಕೇರ್ ಗೆ ಇರುವ ಅಂತರ ಕಡಿಮೆ ಇರಬೇಕು. ಇದರಿಂದ ತುರ್ತಾಗಿ ಬರಬೇಕಾದಾಗ ಹೋಗಲು ಸುಲಭವಾಗಿರುತ್ತದೆ. ಅಲ್ಲದಿದ್ದರೆ ಕೆಲಸ ಮಾಡುವ ಸಮಿಪದಲ್ಲಿ ಇದ್ದರೆ ಕೂಡ ಒಳ್ಳೆಯದು.

ಮಕ್ಕಳಿಗೆ ಅಪ್ಪಅಮ್ಮನ ಸಾನಿಧ್ಯಕ್ಕಿಂತ ಅತ್ಯುತ್ತಮವಾದದ್ದು ಬೇರೆ ಯಾವುದೂ ಇಲ್ಲ. ಹೀಗಾಗಿ ಅನಿವಾರ್ಯವಾದರೆ ಮಾತ್ರ ಡೇ ಕೇರಿಗೆ ಕಳುಹಿಸಿ. ಡೇ ಕೇರಿನಿಂದ ಬಂದ ಮಗುವನ್ನು ಮುದ್ದಿಸಲು ಮರೆಯದಿರಿ.