ಡಯಾಪರ್ ಬದಲಾಯಿಸುವುದು ಕೂಡ ಒಂದು ಕಲೆ

ಆದರೆ ಮಕ್ಕಳಿಗೆ ಕಿರಿಕಿರಿ ಆಗದಂತೆ ಡಯಾಫರ್ ಬದಲಾಯಿಸುವುದು ಸಹ ಒಂದು ಕಲೆ. ಕಲೆಯನ್ನು ಕಲಿತುಕೊಂಡರೆ ಮಕ್ಕಳು ಸಹ ಅಳದೆ ನಿಮಗೆ ಸಹಕರಿಸುತ್ತವೆ, ಅದಕ್ಕಾಗಿ ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

1. ಮಕ್ಕಳಿಗೆ ಡಯಾಪರ್ ಬದಲಾಯಿಸುವಾಗ ಹಾಡು ಹೇಳುತ್ತಾ ಮಕ್ಕಳಿಗೆ ಆಟದ ಸಾಮಾಗ್ರಿಗಳನ್ನು ಕೈಯಲ್ಲಿ ಕೊಟ್ಟರೆ ಮಕ್ಕಳ ಸಂತೋಷದಿಂದ ಅದರಲ್ಲಿ ತಲ್ಲೀನವಾಗಿರುತ್ತದೆ, ನೀವು ಡಯಾಪರ್ ಆರಾಮವಾಗಿ ಬದಲಾಯಿಸಬಹುದಾಗಿದೆ.

2. ನಂತರ ಡಯಾಪರ್ ಅನ್ನು ಸುತ್ತಿ ಅಲ್ಲಿಯೆ ಬಿಸಾಡದೆ ಕಸ ಬಿಸಾಡುವ ಜಾಗದಲ್ಲಿ ಬಿಸಾಡಬೇಕು.

3. ಅದನ್ನು ಹಾಗೆ ಸುತ್ತಿ ಬಿಸಾಡುವ ಬದಲು ಪೇಪರ್ ನಲ್ಲಿ ಸುತ್ತಿ ಕಸದ ಬುಟ್ಟಿಯನ್ನು ಮಗುವಿಗೆ ಸಿಗದ ರೀತಿಯಲ್ಲಿ ಇಡಬೇಕು.

4. ನಂತರ ಕೈಗಳನ್ನು ಶುದ್ಧವಾಗಿ ತೊಳೆದುಕೊಳ್ಳಬೇಕು, ಇದರಿಂದಾಗಿ ಮಕ್ಕಳಿಗೆ ಯಾವುದೆ ಸೋಂಕು ಹರಡುವುದನ್ನು ತಪ್ಪಿಸಬಹುದಾಗಿದೆ.

5. ಮಕ್ಕಳ ಸಮೀಪದಲ್ಲಿ ಪಿನ್ ಅಥವಾ ಓಪನ್ ಬಾಟಲ್ ಇಡಬಾರದು.

6. ಬೇಬಿ ವೈಪ್ಸ್ ಬಳಸಿ ಡಯಾಪರ್ ಹಾಕಿದ ಜಾಗವನ್ನು ಶುಚಿಗೊಳಿಸಿ, ಪೌಡರ್ ಹಾಕಬೇಕು. ಇದರಿಂದ ಆ ಭಾಗದಲ್ಲಿ ತುರಿಕೆ ಉಂಟಾಗುವುದನ್ನು ತಡೆಗಟ್ಟಬಹುದು.

7. ಹೊಸ ಡಯಾಪರ್ ಹಾಕುವಾಗ ತುಂಬಾ ಬಿಗಿಯಾಗಿ ಹಾಕಬಾರದು, ಒಂದು ವೇಳೆ ಡಯಾಪರ್ ಬದಲು ಹತ್ತಿ ಬಟ್ಟೆಯನ್ನು ಸುತ್ತುವುದು ಆದರೆ ಮಕ್ಕಳಿಗೆ ಕಾಲುಗಳನ್ನು ಸುಲಭವಾಗಿ ಆಡಿಸಲು ಅನುಕೂಲವಾಗುವ ಹಾಗೆ ಸುತ್ತ ಬೇಕು.

ಈ ರೀತಿ ಮಾಡಿದರೆ ಮಕ್ಕಳಿಗೆ ಡಯಾಪರ್ ಹಾಕುವ ಜಾಗದಲ್ಲಿ ಯಾವುದೆ ಗಾಯ ಅಥವಾ ತುರಿಕೆಯಾಗಲಿ ಉಂಟಾಗುವುದಿಲ್ಲ.