ಮುಂಬಯಿ ಟ್ರೈನ್‌ ಹತ್ತುತ್ತಿರುವ ಮಹಿಳೆಯರ ಅವಸ್ಥೆಯ ವೀಡಿಯೋ ವೈರಲ್

ಮುಂಬಯಿಯ ಲೋಕಲ್‌ ಟ್ರೈನ್‌ಗೆ ಮಹಿಳೆಯರು ಹತ್ತುತ್ತಿರುವ ವೀಡಿಯೋವೊಂದು ತುಂಬಾನೇ ವೈರಲ್‌ ಆಗಿದೆ. ಅಯ್ಯೋ ರಾಮ... ಇದ್ಯಾಕೆ ಈ ರೀತಿ ಹತ್ತುತ್ತಿದ್ದರೆ ಸ್ವಲ್ಪ ಹೆಚ್ಚು ಕಡಿಮೆ ಆದ್ರೆ ಗತಿಯೇನು? ಅಷ್ಟಕ್ಕೂ ಇಷ್ಟು ಅವಸರ ಏಕೆ? ಎಂದನಿಸದೆ ಇರಲ್ಲ.

ನೀವು ದಿನನಿತ್ಯ ಓಡಾಟಕ್ಕೆ ಮೆಟ್ರೋ ಅಥವಾ ಬಸ್‌ ಬಳಸುತ್ತಿದ್ದರೆ ಈ ರೀತಿ ನೀವೂ ಮಾಡಿರುತ್ತೀರಿ, ಖಾಲಿ ಸೀಟ್‌ ಪಡೆಯೋಕೆ ಈ ರೀತಿ ಹರಸಾಹಸ ಮಾಡುವವರಿಗೇನೂ ಕಡಿಮೆಯಿಲ್ಲ, ಬಸ್‌ ಆದರೆ ಪರ್ವಾಗಿಲ್ಲ ನಾವು ಕೂತಿದ್ದೇವೆ ಎಂದು ಕಂಡಕ್ಟರ್ ಖಚಿತ ಪಡಿಸಿದ ಮೇಲಷ್ಟೇ ಡ್ರೈವರ್ ಬಸ್‌ ಸ್ಟಾರ್ಟ್ ಮಾಡುತ್ತಾರೆ, ಆದರೆ ಟ್ರೈನ್, ಮೆಟ್ರೋ ಹಾಗಲ್ಲ, ಒಂದು ನಿರ್ದಿಷ್ಟ ಸಮಯ ನಿಂತಿರುತ್ತದೆ, ನಂತರ ಅದರ ಸಮಯಕ್ಕೆ ಸ್ಟಾರ್ಟ್ ಆಗುತ್ತದೆ. ಆದ್ದರಿಂದ ಟ್ರೈನ್, ಮಟ್ರೋ ಹತ್ತುವಾಗ ಹರಸಾಹಸ ಮಾಡದಿದ್ದರೆ ಒಳ್ಳೆಯದು.

ಈ ವೀಡಿಯೋದಲ್ಲಿ ಒಂದು ಗುಂಪಿನ ಮಹಿಳೆಯರು ಓಡೋಡಿ ಬಂದು ಟ್ರೈನ್ ಹತ್ತುತ್ತಿರುತ್ತಾರೆ, ಅದರಲ್ಲೂ ನೂಕು ನುಗ್ಗಲು, ಒಟ್ಟಾರೆಯಾಗಿ ಏನೇ ಆಗಲಿ ಸೀಟ್‌ ಸಿಗಬೇಕು, ಹೀಗೆ ಮಾಡುವುದರಿಂದ ಯಾರಾದರೂ ಸ್ಲಿಪ್‌ ಆಗಿ ಬಿದ್ದರೆ ಪ್ರಾಣವೇ ಕಳೆದುಕೊಳ್ಳುತ್ತಾರೆ ಎಂದು ಒಂದಿಷ್ಟೂ ಯೋಚಿಸುವುದಿಲ್ಲ... ಈ ವೀಡಿಯೋ ವಿಚಿತ್ರ ಅನಿಸಿದರೂ ಅಷ್ಟೇ ಕಟು ಸತ್ಯ, ಈ ಮಹಿಳೆಯರಂತಲ್ಲ, ಇಂಥ ದೃಶ್ಯ ಪ್ರತಿನಿತ್ಯ ಕಣ್ಣಿಗೆ ಬೀಳುತ್ತೆ, ಈ ವೀಡಿಯೋ ವೈರಲ್ ಆಗಿದೆಯಷ್ಟೇ.

ಈ ವೀಡಿಯೋವನ್ನು ಸೆಪ್ಟೆಂಬರ್ 16ರಂದು ಶೇರ್‌ ಮಾಡಲಾಗಿದ್ದು ತುಂಬಾನೇ ವೈರಲ್ ಆಗಿದೆ. ಈ ವೀಡಿಯೋವನ್ನು ನೋಡಿದಾಗ ಕೆಲವರು ಬ್ಯಾಲೆನ್ಸ್ ಮಾಡಲು ತುಂಬಾನೇ ಕಷ್ಟಪಡುವುದು ಗಮನಿಸಬಹುದು. ಆದರೆ ಸೀಟ್‌ ಪಡೆಯುವ ಬರದಲ್ಲಿ ಪ್ರಾಣವನ್ನೇ ಲೆಕ್ಕಿಸದೆ ಓಡುತ್ತಿದ್ದಾರೆ.

ಮುಂಬಯಿ ನಗರ ಹೇಗಿರುತ್ತೆ ಎಂಬುವುದು ಆ ನಗರದಲ್ಲಿ ಇದ್ದವರಿಗೆ ಅಥವಾ ಅಲ್ಲಿಗೆ ಹೋಗಿದ್ದವರಿಗೆ ತಿಳಿದಿರುತ್ತದೆ, ಅಲ್ಲಿಯ ಜನರನ್ನು ನೋಡುವಾಗ ಇವರಿಗೆ ಓಂದಿಷ್ಟು ನಿಲ್ಲಲು ಸಮಯವಿಲ್ಲವೇ, ಓಡುತ್ತಲೇ ಇರುತ್ತಾಲ್ಲ ಎಂದನಿಸುವುದು, ಜನಾ ತುಂಬಾ ಬ್ಯುಸಿ ಇದ್ದಂತೆ ಕಾಣುತ್ತಾರೆ. ಇನ್ನು ಲೋಕಲ್‌ ಟ್ರೈನ್‌ ಬಂದರೆ ಅದರಲ್ಲಿ ತುಂಬಿಕೊಳ್ಳಲು ಸಾವಿರಾರು ಜನರು ನೂಕು ನುಗ್ಗುಲಿನಲ್ಲಿ ಓಡುತ್ತಾ ಇರುತ್ತಾರೆ. ಈ ಜಂಜಾಟದ ಬದುಕಿನಲ್ಲಿ ಸ್ವಲ್ಪ ವಿಶ್ರಮಿಸಲು ಸಿಕ್ಕರೆ ಸಾಕು ಎಂದು ಬಯಸುತ್ತಾರೆ. ಆದ್ದರಿಂದ ಸ್ವಲ್ಪ ಕೂತು ಪ್ರಯಾಣ ಮಾಡುವ ಆಸೆಯಿಂದ ಈ ರೀತಿ ರಿಸ್ಕ್ ತೆಗೆದುಕೊಳ್ಳುತ್ತಾರೆ ಪಾಪ!.. ನೀವು ಬಸ್‌ ಅಥವಾ ಟ್ರೈನ್ ಹತ್ತುವಾಗ ಸೀಟ್‌ಗಾಗಿ ನಿಮ್ಮ ಪ್ರಾಣವನ್ನು ನಿರ್ಲಕ್ಷ್ಯ ಮಾಡಬೇಡಿ.