ಬಾವಿಯ ಮೇಲೆ ಮಗುವನ್ನು ಕೂರಿಸಿ ರೀಲ್ಸ್..! ಆಮೇಲೆ ಆಗಿದ್ದೇನು?

ಆನ್‌ಲೈನ್‌ ಜಗತ್ತಿನಲ್ಲಿ ಹೆಚ್ಚು ಲೈಕ್ಸ್, ವೀವ್ಸ್ ಬರಲಿ ಎಂದು ಏನು ಬೇಕಾದರು ಮಾಡುವ ಜನರನ್ನು ನಾವು ನೋಡಿದ್ದೇವೆ. ಇನ್ಸ್‌ಸ್ಟಾಗ್ರಾಮ್‌ನಲ್ಲಿ ಹತ್ತಾರು ಇಂತಹ ವಿಡಿಯೋಗಳು ಕಾಣಿಸಿಗುತ್ತವೆ. ಸೆಲ್ಫಿಗಾಗಿ ರೈಲಿನ ಮುಂದೆ ನಿಲ್ಲುವುದು, ಕಂದಕದ ಬದಿಯಲ್ಲಿ ನಿಂತು ಅಪಾಯಕಾರಿ ಸ್ಟಂಟ್ ಮಾಡುವುದು, ಬಾವಿಗೆ, ನದಿಗೆ ಹಾರುವುದು, ಬೈಕ್‌ನಲ್ಲಿ ವ್ಹೀಲಿಂಗ್ ಮಾಡುವುದು ಹೀಗೆ ಹೇಳುತ್ತಾ ಹೋದರ ಈ ಪಟ್ಟಿ ಬೆಳೆಯುತ್ತಲೇ ಹೋಗುತ್ತದೆ.

ಇನ್ನು ಚಿಕ್ಕ ಮಕ್ಕಳನ್ನು ಸಾಕುವ ತಂದೆ ತಾಯಿಯು ಕೂಡ ಇಂತಹ ದುಷ್ಚಕ್ಕೆ ಬಿದ್ದಿದ್ದಾರೆ. ಅವರು ವಿಡಿಯೋಗಾಗಿ ಎಂತಹ ಸಾಹಸಕ್ಕೆ ಬೇಕಾದರೂ ಇಳಿಯಲು ಮುಂದಾಗುವುದನ್ನು ನಾವು ನೋಡಬಹುದು. ಅದರಲ್ಲೂ ಮಕ್ಕಳ ಜೀವಕ್ಕೆ ಅಪಾಯ ತರುವಂತಹ ಸಾಹಸಕ್ಕೆ ಮುಂದಾಗುವುದು ಸಹ ಈ ಸಾಮಾನ್ಯ ಎನ್ನುವಂತಾಗಿದೆ.

ಇಲ್ಲಿಯೂ ಸಹ ತಾಯಿಯೊಬ್ಬಳು ವಿಡಿಯೋ ಮಾಡುವ ಭರದಲ್ಲಿ ತನ್ನ ಮಗುವಿನ ಜೀವಕ್ಕೆ ಅಪಾಯ ತರುವ ರೀತಿ ಸಾಹಸ ಮಾಡುತ್ತಿದ್ದಾಳೆ. ಆಕೆ ಬಾವಿಯ ಪಕ್ಕದಲ್ಲಿಯೇ ಕುಳಿತು ಮಗುವನ್ನು ಕಾಲಿನ ಮೇಲೆ ಇಟ್ಟುಕೊಂಡು ಸಾಹಸ ಮಾಡಲು ಮುಂದಾಗಿದ್ದಾಳೆ. ಮಗು ಸಂಪೂರ್ಣವಾಗಿ ಬಾವಿಯೊಳಗೆ ಇಳಿದಿದೆ. ಅದರ ಒಂದು ಕೈಯನ್ನು ಮಾತ್ರ ಆಕೆ ಹಿಡಿದುಕೊಂಡು ನೇತಾಡುತ್ತಿದ್ದಾಳೆ.

ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು ನೋಡುಗರು ಶಾಕ್‌ಗೆ ಒಳಗಾಗಿದ್ದಾರೆ. ಏಕೆಂದರೆ ತಾಯಿಯೊಬ್ಬಳು ಮಗುವನ್ನು ಅಪಾಯದಿಂದ ಪಾರು ಮಾಡುತ್ತಾಳೆ, ಮಕ್ಕಳಿಗೆ ಆಕೆ ತನ್ನ ಜೀವವನ್ನೇ ಅರ್ಪಿಸುತ್ತಾಳೆ ಎಂದೆಲ್ಲಾ ಕೇಳಿರುವ ನಾವು ಈ ವಿಡಿಯೋ ನೋಡಿದಾಗ ಇದೆಲ್ಲಾ ಒಮ್ಮೆ ಕನಸು ಎಂಬ ಭಾವನೆ ಎದುರಾಗುತ್ತದೆ.

ಬಾವಿಯ ತುದಿಯಲ್ಲಿ ಕುಳಿತ ಆಕೆ ಮಗುವಿನೊಂದಿಗೆ ವಿಡಿಯೋ ರೆಕಾರ್ಡ್ ಮಾಡಿದ್ದಾಳೆ, ಬರಿ ಮಗು ಮಾತ್ರವಲ್ಲ ಇದು ಆಕೆಗೂ ಅಪಾಯಕಾರಿ, ನಿಯಂತ್ರಣ ತಪ್ಪಿ ಆಕೆ ಮಗುವಿನೊಂದಿಗೆ ಬಾವಿಯೊಳಗೆ ಬಿದ್ದರೆ ಖಂಡಿತ ಬದುಕುಳಿಯುವುದು ದೂರದ ಮಾತಾಗಿದೆ. ಆದ್ರೆ ಆಕೆ ಇದೆಲ್ಲವನ್ನು ಮರೆತು, ಕೇವಲ ರೀಲ್ಸ್‌ಗಾಗಿ ಹುಚ್ಚು ಸಾಹಸಕ್ಕೆ ಕೈ ಹಾಕಿದ್ದಾಕೆ.

ಆಕೆಯ ಜೊತೆಗೆ ಇನ್ನೊಬ್ಬರು ಯಾರೋ ಇದನ್ನು ಸೆರೆ ಹಿಡಿಯಲು ಬಾವಿಯ ಇನ್ನೊಂದು ಬದಿಯಲ್ಲಿದ್ದಾರೆ. ಆದರೆ ಇದೊಂದು ದೊಡ್ಡ ಅಪಾಯಕ್ಕೆ ದಾರಿಯಾಗುವ ಸಂಭವಿದೆ ಎಂಬ ಕುರಿತು ಆಲೋಚನೆ ಮಾಡದೆ ಮಗುವಿನ ಜೀವಕ್ಕೂ ಆಪತ್ತು ತರಲು ಮುಂದಾಗಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ವಿಡಿಯೋ ನೋಡಿದ ಮಂದಿ ಆಕೆಯ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಆಕೆ ನಿಜವಾಗಿಯೂ ಆ ಮಗುವಿನ ಹೆತ್ತ ತಾಯಿಯೇ ಅಲ್ಲ ಎಂಬ ಅನುಮಾನ ಹೊರಹಾಕಿರುವ ಜೊತೆಗೆ ಆಕೆಯ ವಿರುದ್ಧ ಕಾನೂನು ಕ್ರಮಕ್ಕೂ ಆಗ್ರಹಿಸಲಾಗಿದೆ. ಒಂದು ಜೀವವನ್ನು ಅಪಾಯಕ್ಕೆ ತಳ್ಳಿರುವ ಆರೋಪದಲ್ಲಿ ಆಕೆಯನ್ನು ಬಂಧಿಸಬಹುದು ಎಂದು ಬಳಕೆದಾರರೊಬ್ಬರು ಬರೆದುಕೊಂಡಿದ್ದಾರೆ.
ಆಕೆ ಕುಟುಂವ ನಿರ್ವಹಣೆಗಿಂತಲೂ ಜೈಲಿನಲ್ಲಿರುವುದು ಲೇಸು. ಇನ್ನೊಂದು ದಿನ ಆ ಮಗುವಿನ ಜೀವಕ್ಕೆ ಆಪತ್ತು ತಂದೇ ತರುತ್ತಾಳೆ ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ. ಆಕೆ ವಿಡಿಯೋಗಾಗಿ ಇಷ್ಟು ಮಾಡುವುದಕ್ಕಿಂತ ತಾನೇ ಬಾವಿಗೆ ಇಳಿಯುವ ಸಾಹಸ ಮಾಡಬಹುದಿತ್ತು ಎಂದು ಮತ್ತೊಬ್ಬರು ಹೇಳಿದ್ದಾರೆ.