ಹಿಂದೂಧರ್ಮದಲ್ಲಿ 9 ಸಂಖ್ಯೆಗೆ ಏಕಿಷ್ಟು ಮಹತ್ವ ಗೊತ್ತಾ?

ಹಿಂದೂ ಧರ್ಮದಲ್ಲಿ ಸಂಖ್ಯೆ 9ನ್ನು ತುಂಬಾ ಪವಿತ್ರವೆಂದು ಪರಿಗಣಿಸಲಾಗುವುದು. ಸಂಖ್ಯೆ 9 ಸೃಷ್ಟಿಕರ್ತ ಬ್ರಹ್ಮನೊಂದಿಗೆ ಸಂಬಂಧ ಹೊಂದಿದೆ. ಅಲ್ಲದೆ ಹಲವಾರು ಪೂಜೆಯಲ್ಲಿ 9 ಸಂಖ್ಯೆಗೆ ತುಂಬಾನೇ ಮಹತ್ವವಿದೆ. ನವರಾತ್ರಿಯಲ್ಲಿ ನವದುರ್ಗೆಯರನ್ನು ಪೂಜಿಸುತ್ತೇವೆ, ಒಂದು ಮಗು ತಾಯಿಯ ಗರ್ಭದಿಂದ 9ನೇ ತಿಂಗಳು ಹೊರಬರುತ್ತದೆ. ಹೀಗೆ 9 ಎಂಬ ಸಂಖ್ಯೆಗೆ ತುಂಬಾನೇ ಮಹತ್ವವಿದೆ.

ಧಾರ್ಮಿಕವಾಗಿ 9 ಸಂಖ್ಯೆಯ ಮಹತ್ವವೇನು ಎಂದು ನೋಡುವುದಾದರೆ
ಬ್ರಹ್ಮ: ಬ್ರಹ್ಮನಿಗೂ ಸಂಖ್ಯೆ 9ಕ್ಕೂ ಸಂಬಂಧವಿದೆ ಎಂದು ಹೇಳಲಾಗುವುದು. ಬ್ರಹ್ಮ ವಿಶ್ವವನ್ನು 9 ದಿನದಲ್ಲಿ ಸೃಷ್ಟಿಸಿದ ಎಂದು ಹೇಳಲಾಗುವುದು.

ನವರಾತ್ರಿ: ನವರಾತ್ರಿಯನ್ನು 9 ದಿನಗಳು ಆಚರಿಸಲಾಗುವುದು. ನವರಾತ್ರಿಯ ಪ್ರತಿಯೊಂದು ದಿನದಲ್ಲಿ ಒಂದೊಂದು ಬಗೆಯ ದುರ್ಗೆಯನ್ನು ಆರಾಧಿಸಲಾಗುವುದು.
ನವರಾತ್ರಿ ಮೊದಲ ದಿನ ಶೈಲಪುತ್ರಿ, ಎರಡನೇ ದಿನ ಬ್ರಹ್ಮಚಾರಿಣಿ, ಮೂರನೇಯ ದಿನ ಚಂದ್ರಘಂಟಾ, ನಾಲ್ಕನೇಯ ದಿನ ಕೂಷ್ಮಾಂಡ, ಐದನೇ ದಿನ ಸ್ಕಂದಮಾತಾ, 6ನೇ ದಿನ ಕಾತ್ಯಾಯನಿ, 7ನೇ ದಿ ಕಾಳರಾತ್ರಿ, 8ನೇ ದಿನ ಮಹಾಗೌರಿ, 9ನೇ ದಿನ ಸಿದ್ಧಿದಾತ್ರಿಯನ್ನು ಆರಾಧಿಸಲಾಗುವುದು.

ನವಗ್ರಹ: ನಮ್ಮ ಮೇಲೆ ನವಗ್ರಹಗಳು ಪ್ರಭಾವ ಬೀರುವುದು ಎಂದು ಹೇಳಲಾಗುವುದು. ನವಗ್ರಹಗಳ ಸ್ಥಾನದ ಆಧಾರದ ಮೇಲೆ ಭವಿಷ್ಯವನ್ನು ಹೇಳಲಾಗುವುದು. ನವಗ್ರಹಗಳು ನಮ್ಮ ದಿನನಿತ್ಯದ ಬದುಕಿನ ಮೇಲೆ ತುಂಬಾನೇ ಪ್ರಭಾವ ಬೀರುವುದು ಎಂದು ಜ್ಯೋತಿಷ್ಯಶಾಸ್ತ್ರ ಹೇಳುತ್ತದೆ.

ಯಂತ್ರಗಳು: ಯಂತ್ರಗಳನ್ನು ಪರಿಹಾರವಾಗಿ ಬಳಸಲಾಗುವುದು. ಯಂತ್ರಗಳನ್ನು ಸ್ಥಾಪಿಸಿ ಪೂಜೆ ಸಲ್ಲಿಸುವುದರಿಂದ ಹಲವು ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಯಂತ್ರಗಳಲ್ಲಿ 9 ಚೌಕಾಕೃತಿ ಅಥವಾ 9 ತ್ರಿಭುಜಾಕೃತಿ ಇದೆ.
ಅಲ್ಲದೆ ಒಂದೊಂದು ಯುಗಕ್ಕೂ ಸಂಖ್ಯೆ 9ಕ್ಕೆ ಸಂಬಂಧವಿದೆ
ಹಿಂದೂ ಧರ್ಮದಲ್ಲಿ 4 ಯುಗಗಳ ಬಗ್ಗೆ ಹೇಳಲಾಗಿದೆ
ಸತ್ಯಾಯುಗ: 172,800 ವರ್ಷ ಸತ್ಯಾಯುಗವಿತ್ತು ಎಂದು ಹೇಳಲಾಗಿದೆ. 1+7+2+8 (18=1+9=9)
ತ್ರೇತಾಯುಗ: 1296000 ವರ್ಷ ತ್ರೇತಾಯುಗವಿತ್ತು: ಇದನ್ನು ಸಂಖ್ಯಾಶಾಸ್ತ್ರ ಪ್ರಕಾರ ಲೆಕ್ಕ ಹಾಕಿದರೆ 9 ಸಂಖ್ಯೆ ಬರುತ್ತದೆ.
ದ್ವಾಪರಯುಗ: 864000 ವರ್ಷವಿತ್ತು ಎಂದು ಹೇಳಲಾಗುವುದು. ಇದರ ಸಂಖ್ಯೆ 9 ಬರುತ್ತದೆ.
ಕಲಿಯುಗ: 432000 ವರ್ಷ ಇರುತ್ತದೆ ಎಂದು ಹೇಳಲಾಗುವುದು. ನಾವೀಗ ಇರುವುದು ಕಲಿಯುಗ, ಇದರ ಸಂಖ್ಯೆ ಕೂಡ 9 ಬರುತ್ತದೆ.

ಅಲ್ಲದೆ ಒಬ್ಬ ಆರೋಗ್ಯವಂತ ವ್ಯಕ್ತಿ ಪ್ರತಿದಿನ 21600 ಉಸಿರಾಡುತ್ತಾನೆ. ಇದನ್ನು ಲೆಕ್ಕ ಹಾಕಿದರೂ 9 ಸಂಖ್ಯೆ ಬರುತ್ತದೆ. ಸಂಖ್ಯೆ 9 ಜ್ಞಾನ, ನಾಯಕತ್ವದ ಸಂಕೇತ ಎಂದು ಹೇಳಲಾಗುವುದು.

ಒಂದು ವೃತ್ತ 360 ಡಿಗ್ರಿ ಎಂದು ಹೇಳಲಾಗುವುದು. 3+6 ಕೂಡ 9 ಆಗುತ್ತದೆ. ಆದ್ದರಿಂದ ಸಂಖ್ಯೆ 9 ಹಾಗೂ ಸೃಷ್ಟಿಗೂ ಸಂಬಂಧವಿದೆ ಎಂದು ಹೇಳಲಾಗಿದ್ದು, ಈ ಸಂಖ್ಯೆಯನ್ನು ತುಂಬಾ ಪವಿತ್ರ ಸಂಖ್ಯೆ ಎಂದು ಪರಿಗಣಿಸಲಾಗಿದೆ.