ಸಣ್ಣ ಪುಟ್ಟ ವಿಚಾರಕ್ಕೂ ಅಳುವುದೇಕೆ..? ತಜ್ಞರು ಪತ್ತೆ ಮಾಡಿದ ಉತ್ತರವಿದು..!

ನಮಗೆ ನೋವಾದಾಗ ಇಲ್ಲವೆ ಯಾರಾದರು ನೋಯಿಸಿದಾಗ ಕಣ್ಣಲ್ಲಿ ನೀರು ಹಾಕುತ್ತೇವೆ. ಆದ್ರೆ ನೀವು ಎಂದಾದರು ಯೋಚಿಸಿದ್ದೀರಾ ನಾವು ಸಣ್ಣ ಸಣ್ಣ ವಿಚಾರಕ್ಕೂ ಯಾಕೆ ಅಳುತ್ತೇವೆ? ಅಳುವಿಗೂ ಮನಸ್ಸಿಗೂ ನಮ್ಮ ನಡತೆಗೂ ಇರುವ ಸಂಬಂಧವೇನು? ನಮಗೆ ನೋವಾದಾಗ ನಮಗೆ ಅಳು ಏಕೆ ಬರಬೇಕು? ಈ ರೀತಿ ಎಂದಾದರು ನೀವು ಯೋಚಿಸಿದ್ದೀರಾ?

ಈ ರೀತಿ ಯೋಚಿಸಿದರೂ ಇದಕ್ಕೆ ಉತ್ತರ ಸಿಕ್ಕೋದು ಕಷ್ಟ. ಆದ್ರೆ ಈಗ ತಜ್ಞರ ತಂಡವೊಂದು ನಾವು ಸಣ್ಣ ಸಣ್ಣ ವಿಚಾರಕ್ಕೆ ಏಕೆ ಅಳುತ್ತೇವೆ ಎಂಬುದನ್ನು ಪತ್ತೆಮಾಡಿದ್ದಾರೆ. ಹಾಗಾದರೆ ತಜ್ಞರಿಗೆ ಸಿಕ್ಕ ಉತ್ತರವೇನು ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ನಾವು ಪ್ರತಿಯೊಂದು ಭಾವನೆಗಳನ್ನು ಆಳವಾಗಿ ಅನುಭವಿಸುತ್ತೇವೆ, ಅದು ಸಂತೋಷ, ದುಃಖ, ಕೋಪ ಇತ್ಯಾದಿ. ಚಿಕ್ಕ ಸನ್ನಿವೇಶವೂ ನಮಗೆ ಸಂತೋಷ ಅಥವಾ ದುಃಖವನ್ನು ಉಂಟುಮಾಡಬಹುದು. ಪ್ರತಿಯೊಬ್ಬರೂ ಸನ್ನಿವೇಶಕ್ಕೆ ವಿಭಿನ್ನ ಪ್ರತಿಕ್ರಿಯೆಗಳನ್ನು ಹೊಂದಿರುತ್ತಾರೆ ಮತ್ತು ಅದಕ್ಕೆ ವಿಭಿನ್ನ ಕಾರಣಗಳಿರುತ್ತವೆ.

ನಿರ್ದಿಷ್ಟ ಸನ್ನಿವೇಶದಲ್ಲಿ ಕೆಲವು ನರವೈಜ್ಞಾನಿಕ ಪರಿಸ್ಥಿತಿಗಳು ನಮ್ಮನ್ನು ನಗುವಂತೆ ಅಥವಾ ಅಳುವಂತೆ ಮಾಡಬಹುದು. ಆದರೆ ಕೆಲವೊಮ್ಮೆ ಅನಗತ್ಯವಾಗಿ ವಿಚಾರ ಸಣ್ಣದಾಗಿದ್ದರೂ ನಾವು ಅಳುತ್ತೇವೆ. ಇದು ನಮ್ಮ ಹಿಂದಿನ ಅನುಭವದ ಮೇಲೆ ಅವಲಂಬಿತವಾಗಿರುತ್ತದೆ ಎಂಬುದು ತಜ್ಞರ ವಾದವಾಗಿದೆ.

ನಮ್ಮ ಭಾವನೆಗಳು ಯಾವ ಪರಿಸ್ಥಿತಿಯಲ್ಲಿ ಯಾವ ರೀತಿ ಪ್ರತಿಕ್ರಿಯಿಸಬೇಕು ಎಂಬುದನ್ನು ತಿಳಿದಿರುತ್ತವೆ. ಇದು ಅಳು, ಕೋಪ, ಸಂತೋಷ ಹೀಗೆ ಹಲವು ಕಾರಣಗಳಿರುತ್ತವೆ. ಅದರಲ್ಲೂ ನಾವು ನಗುವನ್ನು ನಕಲಿಯಾಗಿಯೂ ಸೃಷ್ಟಿಸಬಹುದು, ಆದರೆ ಅಳುವನ್ನು ಅಷ್ಟು ಸುಲಭವಾಗಿ ನಕಲು ಮಾಡಲು ಸಾಧ್ಯವಿಲ್ಲವಂತೆ. ನಾವು ಅಳುವಾಗ ಆಕ್ಸಿಟೋಸಿನ್ ಮತ್ತು ಎಂಡಾರ್ಫಿನ್ ಎಂದೂ ಕರೆಯಲ್ಪಡುವ ಅಂತರ್ವರ್ಧಕ ಒಪಿಯಾಡ್‌ಗಳನ್ನು ಬಿಡುಗಡೆಯಾಗುತ್ತದೆ. ಅದಕ್ಕೆ ಯಾರಾದರು ದುಃಖದಲ್ಲಿದ್ದರೆ ಅತ್ತು ಹಗುರಾಗಲು ಹೇಳುತ್ತಾರೆ.

ಸಣ್ಣ ವಿಷಯಗಳಿಗೆ ನಾವು ಅಳಲು ಕಾರಣಗಳೇನು?

ಸಾಮಾನ್ಯವಾಗಿ, ನಕಾರಾತ್ಮಕ ಭಾವನೆಗಳಿಗೆ ಏಕಕಾಲದಲ್ಲಿ ಪ್ರತಿಕ್ರಿಯಿಸದಿರುವುದು ಬುದ್ಧಿವಂತಿಕೆಯಾಗಿದೆ ಆದರೆ ಅವುಗಳ ಉಪಸ್ಥಿತಿಯನ್ನು ತಿಳಿದುಕೊಳ್ಳಲು ಪ್ರಯತ್ನಿಸುವುದು, ಆ ಭಾವನೆಗಳನ್ನು ಸ್ವೀಕರಿಸಿ ಮತ್ತು ನಂತರ ಪ್ರತಿಕ್ರಿಯಿಸುವ ಬದಲು ಅವುಗಳಿಗೆ ಒಮ್ಮೆ ಪ್ರತಿಕ್ರಿಯಿಸುವುದು. ಅಗಾಧ ಭಾವನೆಗಳಿಗೆ ಇಂತಹ ಸೂಕ್ತ ಪ್ರತಿಕ್ರಿಯೆಗಳಿಗೆ ಅಭ್ಯಾಸದ ಅಗತ್ಯವಿದೆ ಮತ್ತು ಮೇಲೆ ಚರ್ಚಿಸಿದಂತೆ ನಾವು ವಿಭಿನ್ನ ಸನ್ನಿವೇಶಗಳನ್ನು ಸಮೀಪಿಸಿದಾಗ ಪರಿಷ್ಕರಿಸಲಾಗುತ್ತದೆ. ಹಾಗೆ ಮಾಡಲು ಅಸಮರ್ಥತೆ ಕ್ಷುಲ್ಲಕ ವಿಷಯಗಳ ಮೇಲೆ ಉತ್ಪ್ರೇಕ್ಷಿತ ಭಾವನಾತ್ಮಕ ಪ್ರತಿಕ್ರಿಯೆಗಳನ್ನು ತರಬಹುದು.

ಅಚ್ಚರಿ ಏನೆಂದರೆ ಘಾಸಿಯಾಗುವಂತಹ ವಿಚಾರಗಳು ನಮ್ಮ ಸ್ಮೃತಿಯಲ್ಲಿ ಉಳಿದಾಗ ಹಿಂದಿನ ಅನುಭವವೂ ಸಹ ಈ ಸಣ್ಣ ವಿಚಾರವನ್ನು ದೊಡ್ಡದಾಗಿಸುತ್ತದೆ ಎನ್ನುವುದು ತಜ್ಞರ ವಾದ. ಉದಾಹರಣೆ ನೋಡುವುದಾದರೆ ಮನೆಯಲ್ಲಿ ನಿಮ್ಮ ಇಷ್ಟದ ವಸ್ತುವೊಂದು ಬಿದ್ದು ಒಡೆಯುತ್ತದೆ ಎಂದುಕೊಳ್ಳಿ, ಆದರೆ ಈ ವೇಳೆ ನೀವು ಅಳುವುದಿಲ್ಲ ಬದಲಿಗೆ ನಿಮಗೆ ಬೇಸರವಾಗಿರುತ್ತದೆ. ಇದಾಗಿ ಕೆಲ ದಿನಗಳಲ್ಲಿ ನಿಮ್ಮ ಆತ್ಮಿಯರು ನಿಮಗೆ ನೀವುಂಟು ಮಾಡುವ ಮಾತನಾಡುತ್ತಾರೆ, ಇದೂ ಸಹ ನಿಮಗೇನು ಅಷ್ಟು ಬೇಸರ ತರಿಸದಿದ್ದರೂ ನಿಮ್ಮ ಹಳೆಯ ಘಟನೆಯ ಕಾರಣದಿಂದ ಅಳು ತರಿಸುತ್ತದೆ. ಇದು ನಿಮ್ಮ ಅರಿವಿಲ್ಲದೆ ನಡೆಯುವ ಸ್ಥಿತಿಯಾಗಿದೆ ಎಂಬುದು ತಜ್ಞರು ಕಂಡುಕೊಂಡ ಉತ್ತರವಾಗಿದೆ.

ಇಲ್ಲಿ ಎರಡೂ ಸಣ್ಣ ವಿಚಾರವಾಗಿದ್ದರೂ ಘಾಸಿಯಾಗುವಂತಹ ವಿಚಾರಗಳು ನಮ್ಮ ಸ್ಮೃತಿಯಲ್ಲಿ ಉಳಿದಾಗ ಹಿಂದಿನ ಅನುಭವವೂ ಸಹ ಈ ಸಣ್ಣ ವಿಚಾರವನ್ನು ದೊಡ್ಡದಾಗಿಸುತ್ತದೆ ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ.