ನೀರಜ್ ಚೋಪ್ರಾ ಸ್ಪರ್ಧೆ ನಡೆಯೋದು ಯಾವಾಗ..? ಮತ್ತೆ ಚಿನ್ನ ತರ್ತಾರಾ ಹೀರೋ

ಪ್ಯಾರಿಸ್ ಒಲಿಂಪಿಕ್‌ನಲ್ಲಿ ಭಾರತಕ್ಕೆ ಒಂದು ಕಂಚು ಪದಕ ಬಂದಿದೆ. ಸದ್ಯ ಮಹಿಳೆಯರ ವಿಭಾಗದ ಶೂಟಿಂಗ್‌ನಲ್ಲಿ ಇದೇ ಮೊದಲ ಬಾರಿಗೆ ಕಂಚಿನ ಪದಕ ಗೆಲ್ಲಲಾಗಿದೆ. ಆದರೆ ಇಂದು (29) ಕೆಲವೇ ಅಂಕಗಳಲ್ಲಿ ಕಂಚಿನ ಪದಕವೂ ಕೃತಪ್ಪಿದೆ. ಪುರುಷರ 10 ಮೀಟರ್ ಏರ್ ರೈಫಲ್ ಸ್ಪರ್ಧೆಯಲ್ಲಿ ಬಬುತಾ 4ನೇ ಸ್ಥಾನಕ್ಕೆ ತೃಪ್ತಿ ಪಡೆದುಕೊಂಡರು. ಇತ್ತ 10 ಮೀಟರ್ ಮಹಿಳೆಯರ ಏರ್ ರೈಫಲ್ ಸ್ಪರ್ಧೆಯಲ್ಲಿ ಜಿಂದಲ್ 7ನೇ ಸ್ಥಾನಕ್ಕೆ ಕುಸಿದರು. ಹೀಗಾಗಿ ಇಂದು ಪದಕ ನಿರೀಕ್ಷಿಸಲಾಗಿದ್ದ ಈ ಎರಡು ಸ್ಪರ್ಧೆಗಳಲ್ಲಿ ಹಿನ್ನಡೆಯಾಗಿದೆ.

ಸದ್ಯ ಈಗ ಎಲ್ಲರ ಕಣ್ಣು ಆರ್ಚರಿ ಹಾಗೂ ಬ್ಯಾಡ್ಮಿಂಟನ್ ಕ್ರೀಡೆ ಮೇಲೆ ಬಿದ್ದಿದೆ. ಈ ನಡುವೆ ಈ ಬಾರಿ ಚಿನ್ನದ ಪದಕ ಬಂದೆ ಬರುತ್ತದೆ ಎಂದು ಕಾಯುತ್ತಿರುವುದು ಚಿನ್ನದ ಹುಡುಗ ನೀರಜ್ ಚೋಪ್ರಾ ಅವರ ಜಾವಲಿನ್ ಥ್ರೋ ಗಾಗಿ. ಕಳೆದ ಬಾರಿ ಹೊಸ ಇತಿಹಾಸ ಬರೆದಿದ್ದ ನೀರಜ್ ಚೋಪ್ರಾ ಮೇಲೆ ಈ ಬಾರಿಯೂ ಸಹ ಹೆಚ್ಚು ನಿರೀಕ್ಷೆಗಳಿವೆ.

ಹಾಗಾದ್ರೆ ನೀರಜ್ ಚೋಪ್ರಾ ಅವರ ಸ್ಪರ್ಧೆ ಯಾವಾಗ? ನೀರಜ್ ತಮ್ಮ ಜಾವಲಿನ್ ಹಿಡಿದು ಕಣಕ್ಕಿಳಿಯುವುದು ಯಾವಾಗ ಎಂಬುದನ್ನು ಎಲ್ಲರು ಎದುರು ನೋಡುತ್ತಿದ್ದಾರೆ. ಭಾರತೀಯ ಪಡೆ ಜುಲೈ 25 ರಂದು ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ. 117 ಕ್ರೀಡಾಪಟುಗಳು 16 ಕ್ರೀಡೆಗಳಲ್ಲಿ 69 ಪದಕ ಸ್ಪರ್ಧೆಗಳಲ್ಲಿ ಸ್ಪರ್ಧಿಸಲಿದ್ದಾರೆ - ಆರ್ಚರಿ, ಅಥ್ಲೆಟಿಕ್ಸ್, ಬ್ಯಾಡ್ಮಿಂಟನ್, ಬಾಕ್ಸಿಂಗ್, ಈಕ್ವೆಸ್ಟ್ರಿಯನ್, ಗಾಲ್ಫ್, ಹಾಕಿ, ಜೂಡೋ, ರೋಯಿಂಗ್,ಶೂಟಿಂಗ್, ಈಜು, ಟೇಬಲ್ ಟೆನ್ನಿಸ್ ಮತ್ತು ಟೆನ್ನಿಸ್.

ಆದ್ರೆ ಈಗ ಎಲ್ಲರ ಗಮನ ನೀರಜ್ ಚೋಪ್ರಾ ಅವರ ಮೇಲಿದೆ. ಸದ್ಯ ಅವರು ಆಗಸ್ಟ್ 6ರಂದು ಅರ್ಹತಾ ಸುತ್ತನ್ನು ಆಡಲಿದ್ದಾರೆ. ಬಳಿಕ ಎರಡು ದಿನಗಳ ನಂತರ ಫೈನಲ್ ಆಡಲಿದ್ದಾರೆ. ಹೀಗಾಗಿ ಆಗಸ್ಟ್ 8ರಂದು ಅವರ ಫೈನಲ್ ಥ್ರೋ ನಡೆಯಲಿದೆ, ಈ ಸ್ಪರ್ಧೆ ಮೇಲೆ ಇಡೀ ಭಾರತೀಯರು ಕಣ್ಣೀಟ್ಟಿದ್ದು, ಈ ಬಾರಿಯೂ ಚಿನ್ನ ಗೆಲ್ಲಲಿದ್ದಾರೆ ಎಂದು ಪ್ರತಿಯೊಬ್ಬ ಭಾರತೀಯನು ಕಾತರದಿಂದ ಕಾಯುತ್ತಿದ್ದಾನೆ.

ಇವರ ಜೊತೆ ಎರಡು ಬಾರಿ ಒಲಿಂಪಿಕ್‌ ಪದಕ ವಿಜೇತೆ ವಿಪಿ ಸಿಂಧು ಅವರ ಸ್ಪರ್ಧೆಗಾಗಿಯೂ ಕ್ರೀಡಾಭಿಮಾನಿಗಳು ಕಾಯುತ್ತಿದ್ದು, ಆಗಸ್ಟ್ 5ರ ಒಳಗೆ ಅವರೂ ಸಹ ತಮ್ಮ ಪದಕ ಬೇಟೆಗೆ ಇಳಿಯಲಿದ್ದಾರೆ. ಟೋಕಿಯೊ 2020 ರ ಬೆಳ್ಳಿ ಪದಕ ವಿಜೇತೆ ಮೀರಾಬಾಯಿ ಚಾನು ಅವರ ಮಹಿಳೆಯರ 49 ಕೆಜಿ ವೇಟ್‌ಲಿಫ್ಟಿಂಗ್ ಸ್ಪರ್ಧೆಯನ್ನು ಆಗಸ್ಟ್ 7 ರಂದು ನಿಗದಿಯಾಗಿದೆ.

ಪ್ಯಾರಿಸ್ 2024 ಒಲಿಂಪಿಕ್ಸ್‌ ಭಾರತದ ನಾಳೆಯ ವೇಳಾಪಟ್ಟಿ

ಜುಲೈ 30, ಮಂಗಳವಾರ

ಪುರುಷರ 100 ಮೀ ಬ್ಯಾಕ್‌ಸ್ಟ್ರೋಕ್ ಈಜು ಫೈನಲ್ - 12:49 AM
ಮಹಿಳೆಯರ 200 ಮೀ ಫ್ರೀಸ್ಟೈಲ್ ಈಜು ಫೈನಲ್ - 1:11 AM ನಂತರ

ಬಿಲ್ಲುಗಾರಿಕೆ

ಪುರುಷರ ವೈಯಕ್ತಿಕ ಎಲಿಮಿನೇಷನ್ ಸುತ್ತುಗಳು - ಮಧ್ಯಾಹ್ನ 3:30 ರಿಂದ
ಮಹಿಳೆಯರ ವೈಯಕ್ತಿಕ ಎಲಿಮಿನೇಷನ್ ಸುತ್ತುಗಳು - ಮಧ್ಯಾಹ್ನ 3:30 ರಿಂದ

ಬ್ಯಾಡ್ಮಿಂಟನ್
ಪುರುಷರ ಸಿಂಗಲ್ಸ್ ಗುಂಪು ಹಂತ - ಮಧ್ಯಾಹ್ನ 2:30 ರಿಂದ
ಮಹಿಳೆಯರ ಸಿಂಗಲ್ಸ್ ಗುಂಪು ಹಂತ - ಮಧ್ಯಾಹ್ನ 12:00 ರಿಂದ
ಪುರುಷರ ಡಬಲ್ಸ್ ಗುಂಪು ಹಂತ - ಮಧ್ಯಾಹ್ನ 12:50 ರಿಂದ
ಮಹಿಳೆಯರ ಡಬಲ್ಸ್ ಗುಂಪು ಹಂತ - 1:40 PM ನಂತರ

ಶೂಟಿಂಗ್
ಪುರುಷರ ಟ್ರ್ಯಾಪ್ ಅರ್ಹತೆ - ಟಿಬಿಡಿ
ಮಹಿಳೆಯರ ಟ್ರ್ಯಾಪ್ ಅರ್ಹತೆ - ಟಿಬಿಡಿ
ಮಿಶ್ರ ತಂಡ 10m ಏರ್ ಪಿಸ್ತೂಲ್ ಕಂಚಿನ ಪದಕ ಪಂದ್ಯ - 1:00 PM ನಂತರ
ಮಿಶ್ರ ತಂಡ 10 ಮೀ ಏರ್ ಪಿಸ್ತೂಲ್ ಚಿನ್ನದ ಪದಕದ ಪಂದ್ಯ - ಮಧ್ಯಾಹ್ನ 1:30 ರಿಂದ
ಪುರುಷರ ಟ್ರ್ಯಾಪ್ ಫೈನಲ್ - 7:00 PM

ಟೇಬಲ್ ಟೆನ್ನಿಸ

ಮಹಿಳೆಯರ ಸಿಂಗಲ್ಸ್ ಸುತ್ತು 32 - 1:00 PM ನಂತರ

ರೋಯಿಂಗ್
ಪುರುಷರ ಸಿಂಗಲ್ ಸ್ಕಲ್ಸ್ ಕ್ವಾರ್ಟರ್-ಫೈನಲ್ - ಮಧ್ಯಾಹ್ನ 1:40 ರಿಂದ

ಬಾಕ್ಸಿಂಗ್
ಪುರುಷರ 51 ಕೆಜಿ ಸುತ್ತಿನ 16 ರಿಂದ 2:30 ಕ್ಕೆ
ಮಹಿಳೆಯರ 54 ಕೆಜಿ ಸುತ್ತಿನ 16 - 3:50 PM ನಂತರ
ಮಹಿಳೆಯರ 57 ಕೆಜಿ ಸುತ್ತಿನ 32 - 4:38 PM ನಂತರ

ಟೆನಿಸ್
ಪುರುಷರ ಸಿಂಗಲ್ಸ್ ಎರಡನೇ ಸುತ್ತು - ಮಧ್ಯಾಹ್ನ 3:30 ರಿಂದ
ಪುರುಷರ ಡಬಲ್ಸ್ ಕ್ವಾರ್ಟರ್-ಫೈನಲ್ - ಮಧ್ಯಾಹ್ನ 3:30 ರಿಂದ