ಅ ಅಕ್ಷರದಿಂದ ಹೆಸರು ಆರಂಭವಾಗುವವರ ವ್ಯಕ್ತಿತ್ವ ಇದು..! ದಾಂಪತ್ಯ, ಗುಣವೇನು?

ನಮ್ಮ ಗುಣ ಸ್ವಭಾವ ಹೇಗಿದೆ, ನಮ್ಮಲ್ಲಿ ಯಾವ ಒಳ್ಳೆ ಗುಣ ಇದೆ, ಯಾವುದು ಕೆಟ್ಟದು, ಯಾವ ವಿಚಾರದಲ್ಲಿ ನಾವು ಇನ್ನಷ್ಟು ತಿದ್ದಿಕೊಳ್ಳಬೇಕು ಎಂಬ ಆಸಕ್ತಿ ಹಾಗೂ ಕುತೂಹಲ ಎಲ್ಲರಲ್ಲೂ ಇದ್ದೇ ಇರುತ್ತದೆ. ನಮ್ಮ ಹೆಸರು ನಾವು ಹುಟ್ಟಿದ ದಿನ, ಗಳಿಗೆ ಎಲ್ಲವೂ ನಮ್ಮ ನಡತೆ, ಭಾವನೆ, ಗುಣವನ್ನ ನಿರ್ಧರಿಸುತ್ತವೆ.

ನಮ್ಮ ಹೆಸರು ಆರಂಭವಾಗುವ ಪದಗಳು ಸಹ ನಮ್ಮ ಗುಣಗಳನ್ನು ಹೇಳುತ್ತವೆ. ನಾವು ಯಾವ ರೀತಿಯ ಗುಣ ಹೊಂದಿದ್ದೇವೆ, ನಮ್ಮ ಹೆಸರಿಗೆ ಸೂಕ್ತವಾಗುವ ಕೆಲಸ ಯಾವುದು? ನಮ್ಮ ಹೆಸರಿಗೂ ನಮ್ಮ ಗುಣಕ್ಕೆ ಇರುವ ಸಂಬಂಧವೇನು ಎಂಬುದನ್ನು ಸೂಚಿಸುತ್ತವೆ.

ಹಾಗಾದರೆ ನಾವಿಂದು ಅ ಅಥವಾ A ಅಕ್ಷರದಿಂದ ಆರಂಭವಾಗುವ ಹೆಸರಿನ ವ್ಯಕ್ತಿಗಳ ಗುಣಗಳೇನು? ಅವರಿಗೆ ಸರಿಹೊಂದುವ ಕೆಲಸ ಯಾವುದು? ಅವರು ಯಾವ ಕೆಲಸ ಮಾಡಬಾರದು ಎಂಬ ಕುರಿತು ತಿಳಿದುಕೊಳ್ಳೋಣ.

ಸಂಖ್ಯಾಶಾಸ್ತ್ರದ ಪ್ರಕಾರ, ಯಾವುದೇ ವ್ಯಕ್ತಿಯ ಹೆಸರಿನ ಮೊದಲ ಅಕ್ಷರವು ಅವನ ವ್ಯಕ್ತಿತ್ವದ ಮೇಲೆ ಪರಿಣಾಮ ಬೀರುತ್ತದೆ. ಹೆಸರಿನ ಮೊದಲ ಅಕ್ಷರದಿಂದ ವ್ಯಕ್ತಿಯ ಸ್ವಭಾವ ಮತ್ತು ಗುಣಗಳನ್ನು ಸುಲಭವಾಗಿ ಅಂದಾಜು ಮಾಡಬಹುದು. ಪ್ರತಿಯೊಂದು ಅಕ್ಷರಕ್ಕೂ ತನ್ನದೇ ಆದ ಶಕ್ತಿ ಮತ್ತು ಅದರೊಂದಿಗೆ ಸಂಬಂಧಿಸಿದ ಗುಣಗಳಿವೆ ಎಂದು ಹೇಳಲಾಗುತ್ತದೆ. ಹೆಸರಿನ ಮೊದಲ ಅಕ್ಷರವು ವ್ಯಕ್ತಿಯ ವ್ಯಕ್ತಿತ್ವ ಮತ್ತು ಅವನ ಸ್ವಭಾವ ಮತ್ತು ಇತರ ಹಲವು ವಿಷಯಗಳನ್ನು ಹೇಳುತ್ತದೆ. ಮೊದಲ ಅಕ್ಷರ A ಯಿಂದ ಪ್ರಾರಂಭವಾಗುವ ಜನರ ಸ್ವಭಾವ ಮತ್ತು ವ್ಯಕ್ತಿತ್ವ ಏನು? ನೋಡಿ.

'A' ಅಕ್ಷರವನ್ನು ಹೊಂದಿರುವ ಜನರು ಶ್ರಮ ಜೀವಿಗಳು

ಸಂಖ್ಯಾಶಾಸ್ತ್ರದ ಪ್ರಕಾರ ಅ ಅಕ್ಷರದಿಂದ ಹೆಸರು ಆರಂಭವಾಗುವ ಮಂದಿ ಬಹಳ ಶ್ರಮಜೀವಿಗಳಾಗಿರುತ್ತಾರೆ. ಮಾನಸಿಕವಾಗಿ ತುಂಬಾ ಬಲಶಾಲಿಯಾಗಿರುತ್ತಾರೆ. ಯಾವುದೇ ಪರಿಸ್ಥಿತಿಗೆ ಹೇಗೆ ಪರಿಹಾರ ಕಂಡುಕೊಳ್ಳಬೇಕೆಂದು ಅವರಿಗೆ ತಿಳಿದಿದೆ. ಅಲ್ಲದೆ, 'A' ಅಕ್ಷರದಿಂದ ಪ್ರಾರಂಭವಾಗುವ ಹೆಸರನ್ನು ಹೊಂದಿರುವ ಜನರು ತಾಳ್ಮೆಯಿಂದಿರುತ್ತಾರೆ. ಅವರು ಸುಲಭವಾಗಿ ಕೋಪಗೊಳ್ಳುವುದಿಲ್ಲ.

ನಾಯಕತ್ವದ ಗುಣಮಟ್ಟ

'A' ಹೆಸರಿನ ಜನರು ಇತರರನ್ನು ನಿಯಂತ್ರಿಸಲು ಇಷ್ಟಪಡುತ್ತಾರೆ, ಆದ್ದರಿಂದ ಅವರು ಉತ್ತಮ ನಾಯಕತ್ವದ ಗುಣವನ್ನು ಹೊಂದಿರುತ್ತಾರೆ. ಅವರು ಚೆನ್ನಾಗಿ ಮಾತಿನ ಶೈಲಿ ಹೊಂದಿರುತ್ತಾರೆ. ತಮ್ಮದೆ ಸಿದ್ಧಾಂತಗಳಲ್ಲಿ ಅವರು ನಂಬಿಕೆ ಇಟ್ಟಿರುತ್ತಾರೆ.

ಆತ್ಮ ವಿಶ್ವಾಸ

ಹೆಸರು 'A' ಅಕ್ಷರದಿಂದ ಪ್ರಾರಂಭವಾಗುವ ಜನರು ಅದ್ಭುತವಾದ ಆತ್ಮವಿಶ್ವಾಸವನ್ನು ಹೊಂದಿರುತ್ತಾರೆ. ದೊಡ್ಡ ವಿಷಯವೆಂದರೆ 'ಅ' ಅಕ್ಷರದಿಂದ ಪ್ರಾರಂಭವಾಗುವ ಜನರು ತಮ್ಮದೇ ಆದ ರೀತಿಯಲ್ಲಿ ಜೀವನವನ್ನು ನಡೆಸಲು ಇಷ್ಟಪಡುತ್ತಾರೆ. ಯಾವಾಗಲು ಹೊಸ ವಿಚಾರಗಳ ಕಲಿಯಲು ಮುಂದಾಗುತ್ತಾರೆ.

ವೃತ್ತಿ

ವೃತ್ತಿಜೀವನದ ಕುರಿತು ಹೇಳುವುದಾದರೆ 'ಅ' ಹೆಸರಿನ ಜನರು ಉದ್ಯಮಿಗಳು, ಶಿಕ್ಷಕರು, ಸಂಶೋಧಕರು ಅಥವಾ ಅಂತಹ ಯಾವುದೇ ನಾಯಕತ್ವದ ಪಾತ್ರಕ್ಕೆ ಉತ್ತಮರಾಗಿರುತ್ತಾರೆ. ಅವರಿಗೆ ರಾಜಕೀಯದಲ್ಲಿ ಬಹಳ ಗೌರವವಿರುತ್ತದೆ.

ಪ್ರೀತಿ ಮತ್ತು ಮದುವೆ

ಪ್ರೀತಿ ಮತ್ತು ಮದವೆಯ ವಿಚಾರದಲ್ಲಿ ಇವರು ಬಹಳ ಬುದ್ಧಿವಂತರಾಗಿರುತ್ತಾರೆ. ತಮ್ಮ ಸಂಗಾತಿ ಆಯ್ಕೆಯಲ್ಲಿ ಬಹಳಷ್ಟು ಯೋಚಿಸುತ್ತಾರೆ. ಜೊತೆಗೆ ಕಡಿಮೆ ವಯಸ್ಸಿನಲ್ಲಿ ವಿವಾಹಯೋಗವಿರುತ್ತದೆ. ಹೆಚ್ಚು ಮಕ್ಕಳ ಯೋಗ, ಸಂಪತ್ತಿನ ಯೋಗವು ಇವರದ್ದಾಗಿರುತ್ತದೆ. ಆದರೆ ಕೆಲವು ಪ್ರಕರಣದಲ್ಲಿ ವಿವಾಹೇತರ ಸಂಬಂಧಗಳು, ಗಲಾಟೆಗಳ ಕಾಣಬಹುದು. ಇನ್ನು ಮದುವೆಯ ಬಳಿಕ ಹೆಚ್ಚು ವರ್ಷ ಜೊತೆಗೆ ಬಾಳುತ್ತಾರೆ. ದಾಂಪತ್ಯದಲ್ಲಿ ಅವರದ್ದೆ ನಿಯಮಗಳ ಹಾಕಿಕೊಂಡಿರುತ್ತಾರೆ.

ಆರೋಗ್ಯ ಜೀವನ

ಅ ಅಕ್ಷರಿದಿಂದ ಆರಂಭವಾಗುವ ಮಂದಿ ಅತ್ಯುತ್ತಮ ಅರೋಗ್ಯ ಹೊಂದಿದವರು. ಅವರಲ್ಲಿ ಅನಗತ್ಯವಾಗಿ ಯಾವ ರೋಗವು ಕಾಣಿಸುವುದಿಲ್ಲ. ಜೊತೆಗೆ ಆಸ್ಪತ್ರೆಗೆ ತೆರಳುವುದು, ಔಷಧಿ ಸೇವಿಸುವುದು ಬಲು ಅಪರೂಪ. ಒಂದು ವೇಳೆ ಅವರು ಕಾಯಿಲೆ ಬಿದ್ದರೂ ಅವರಲ್ಲಿ ಹೆಚ್ಚಿನ ಸಮಸ್ಯೆ ನೀಡುವುದಿಲ್ಲ