ಕಯಾಕ್‌ನಲ್ಲಿದ್ದ ವ್ಯಕ್ತಿಯನ್ನು ನುಂಗಿದ ತಿಮ್ಮಿಂಗಿಲ, ಆದರೂ ತಿಮ್ಮಿಂಗಿ ಹೊಟ್ಟೆಯಿಂದ ಬಂದ: ರೋಚಕ ವೀಡಿಯೋ ವೈರಲ್

ತಿಮ್ಮಿಂಗಲ ಹೊಟ್ಟೆಯೊಳಗೆ ಹೋದರೆ ಹೊರಗಡೆ ಬರುವುದುಂಟೇ? ಆದರೆ ತಿಮಿಂಗಿಲ ಹೊಟ್ಟೆಯೊಳಗಡೆ ಹೋಗಿ ನಿಮಿಷಾರ್ಧದಲ್ಲಿ ಹೊರ ಬಂದ ವ್ಯಕ್ತಿಯ ವೀಡಿಯೋ ವೈರಲ್‌ ಆಗಿದೆ. ಈ ಎಲ್ಲಾ ದೃಶ್ಯ ವೀಡಿಯೋದಲ್ಲಿ ಸೆರೆಯಾಗಿದ್ದು ವೀಡಿಯೋ ವೈರಲ್ ಆಗಿದೆ. ಬೃಹದಾಕಾರದ ತಿಮ್ಮಿಂಗಲ ಜೊತೆಗೆ ಕಯಾಕ್‌ ನುಂಗಿದೆ, ಆ ದೃಶ್ಯವೇ ಭಯಾನಕವಾಗಿದೆ, ಆದರೆ ಆ ವ್ಯಕ್ತಿ ತಿಮ್ಮಿಂಗಲ ಹೊಟ್ಟೆಯಿಂದ ಹೊರ ಬೀಳುತ್ತಿರುವ ದೃಶ್ಯ ಕೂಡ ಅಷ್ಟೇ ರೋಚಕವಾಗಿದೆ.

ಕಯಾಕ್‌ ಕೆಳಗಡೆಯಿಂದ ಇದ್ದಕ್ಕಿದ್ದಂತೆ ಮೇಲೆ ಬಂದ ತಿಮ್ಮಿಂಗಲ
ಆಡ್ರಿಯಾನ್‌ ಸಿಮ್ನಾಕಾಸ್‌ ಎಂಬ ವ್ಯಕ್ತಿ ತಂದೆ ಜೊತೆ ಕಯಾಕರ್ ಪೆಡಲಿಂಗ್ ಮಾಡ್ತಾ ಸಮುದ್ರದಲ್ಲಿ ಹೋಗ್ತಾ ಇದ್ದರು, ತಂದೆ ಮಗ ಪೆಡಲಿಂಗ್ ಮಾಡುತ್ತಿರುವ ದೃಶ್ಯವನ್ನು ಖುಷಿಯಿಂದ ವೀಡಿಯೋ ಮಾಡ್ತಾ ಇದ್ದರು, ಆದರೆ ಮುಂದೇನು ಆಗುತ್ತೆ ಅಂತ ಚಿಕ್ಕ ಸುಳಿವು ಅವರಿಗೆ ಇರಲಿಲ್ಲ, ಅವರು ಹೋಗುತ್ತಿದ್ದ ಕಡೆ ಬೃಹದಾಕಾರದ ತಿಮ್ಮಿಂಗಲ ಇತ್ತು, ಇದ್ದಕ್ಕಿದ್ದಂತೆ ನೀರಿನಿಂದ ಮೇಲೆ ಬಂದ ತಿಮ್ಮಿಂಗಲ ಹಳದಿ ಬಣ್ಣದ ಕಯಾಕ್‌ ನುಂಗಿದೆ, ಇದೀಗ ಈ ವೀಡಿಯೋವನ್ನು ಅಸೋಸಿಯೇಟೆಡ್‌ ಪ್ರೆಸ್‌ X ಮೀಡಿಯಾದಲ್ಲಿ ಪೋಸ್ಟ್ ಮಾಡಿದೆ.

ಈ ಘಟನೆ ನಡೆಯುವಾಗ ತಂದೆ ಕೆಲವೇ ಮೀಟರ್‌ಗಳಷ್ಟು ದೂರವಿದ್ದರು
ಮಗನನ್ನು ಕಯಾಕ್‌ ಜೊತೆ ತಿಮ್ಮಿಂಗಲ ನುಂಗಿದಾಗ ಸ್ವಲ್ಪವೇ ದೂರದಲ್ಲಿದ್ದ ತಂದೆ ಮಗನಿಗೆ "Stay calm, stay calm," ಎಂದ ಧೈರ್ಯ ತುಂಬುವ ಪ್ರಯತ್ನ ಮಾಡಿದರು.

ನಾನು ಸತ್ತೇ ಎಂದೇ ಯೋಚಿಸಿದ್ದೆ
ಆಂಡ್ರಿಯನ್‌ ನನ್ನ ತಿಮ್ಮಿಂಗಲ ನುಂಗಿದಾಗ ನಾನು ಸತ್ತೇ ಎಂದು ಯೋಚಿಸಿದ್ದೆ, ನಂತರ ನೋಡಿದರೆ ನಾನು ತೇಲಲಾರಂಭಿಸಿದೆ, ನನಗೆ ಏನಾದರು ಆಗಬಹುದು, ನನ್ನ ತಂದೆಗೆ ಏನಾದರು ಆಗಬಹುದು ಎಂದು ಭಯಪಟ್ಟೆ, ನಾವು ತಡ ಮುಟ್ಟುವುದಿಲ್ಲ ಕಾಣುತ್ತೆ ಎಂದೆಲ್ಲಾ ಆಲೋಚಿಸಿದ್ದೆ ಎಂದು ಹೇಳಿದ್ದಾರೆ.

ತಿಮ್ಮಿಂಗಲ ನುಂಗಿದ ಕೆಲವೇ ನಿಮಿಷದಲ್ಲಿ ಆ ವ್ಯಕ್ತಿ ಮತ್ತು ಕಯಾಕ್ ಹೊರಹಾಕಿತು
ತಿಮಿಂಗಿಲಕ್ಕೆ ನುಂಗಿದ ಮೇಲೆ ತಾನು ನುಂಗಿರುವುದು ಆಹಾರವಲ್ಲ ಎಂದು ತಿಳಿದಿರಬಹುದು ಕಯಾಕ್‌ ಹೊರಗೆ ಉಗುಳಿದೆ, ಕಯಾಕ್ ಜೊತೆಗೆ ಆ ವ್ಯಕ್ತಿಯು ಅದೃಷ್ಟದಿಂದ ಹೊರ ಬಂದಿದ್ದಾರೆ, ನಂತರ ತಂದೆ-ಮಗ ಇಬ್ಬರು ಬೇಗನೆ ತಡ ಸೇರಿದ್ದಾರೆ.

ಅದೃಷ್ಟವಿದ್ದರೆ ಸಾವು ಕೂಡ ದೂರಾಗುತ್ತೆ
ಸುಮ್ಮನೆ ದಾರಿಯಲ್ಲಿ ನಡೆದು ಹೋಗುತ್ತಿದ್ದ ವ್ಯಕ್ತಿ ಅಪಘಾತದಿಂದ ಸತ್ತ ಎಷ್ಟೋ ಉದಾಹರಣೆಗಳಿವೆ, ಆದರೆ ಈ ವ್ಯಕ್ತಿ ತಿಮಿಂಗಿಲ ಹೊಟ್ಟೆಯೊಳಗೆ ಹೋಗಿ ಹೊರ ಬಂದು ಜೀವಂತವಾಗಿದ್ದಾರೆ. ನಿಜಕ್ಕೂ ಅದೃಷ್ಟ ಮಾಡಿರಬೇಕು, ಈಗ ಆ ವೀಡಿಯೋ ಸಾಮಾಜಿಕ ತಾಣದಲ್ಲಿ ತುಂಬಾನೇ ವೈರಲ್ ಆಗುತ್ತಿದೆ.