ರೆಮಾಲ್ ಚಂಡಮಾರುತದ ವೀಡಿಯೋ ನೋಡುತ್ತಿದ್ದರೆ ಎದೆಯಲ್ಲಿ ತಣ್ಣನೆಯ ನಡುಕ ಹುಟ್ಟುವುದು

ಈಗ ರೆಮಾಲ್ ಚಂಡಮಾರುತದಿಂದಾಗಿ ದೇಶದ ಹಲವೆಡೆ ಮಳೆ ಬೀಸುತ್ತಿದೆ, ಒಂದು ವಾರದಿಂದ ಮಳೆ ಸುರಿಯುತ್ತಿದೆ, ಈ ಚಂಡ ಮಾರುತ ಉಂಟಾದಾಗ ರಭಸವಾದ ಗಾಳಿ ಬೀಸುವುದನ್ನು ನೋಡುತ್ತೇವೆ, ಆದರೆ ಮೋಡಗಳು ಯಾವ ರೀತಿ ಕಾಣುತ್ತದೆ ಎಂಬ ವೀಡಿಯೋ ವೈರಲ್ ಆಗಿದೆ.

ಆ ವೀಡಿಯೋ ನೋಡಿದಾಗ ಈ ಚಂಡಮಾರುತ ಎಂಬುವುದು ಎಷ್ಟೊಂದು ಭೀಕರವಾಗಿರುತ್ತದೆ ಎಂಬುವುದು ತಿಳಿಯುವುದು. ಆ ವೀಡಿಯೋವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಎದೆಯಲ್ಲಿ ತಣ್ಣನೆ ನಡುಕ ಉಂಟಾಗುವುದು, ಅಬ್ಬಾ ಪ್ರಕೃತಿ ಮುನಿದರೆ ಎಂಥ ರೌದ್ರಾವತಾರ ಅಲ್ವಾ? ಎಂದನಿಸುವುದು.

ಈ ವೀಡಿಯೋವನ್ನು ಬಂಗ್ಲಾದೇಶದ ಡೈಲಿ ದಿ ಡೈಲಿ ಸ್ಟಾರ್ ವೀಡಿಯೋಗ್ರಾಫರ್ ವೀಡಿಯೋ ಮಾಡಿದ್ದು ಇದೀಗ ಆ ವೀಡಿಯೋ ತುಂಬಾ ವೈರಲ್ ಆಗಿದೆ. ಕಪ್ಪು ಮೋಡಗಳು ಸುರುಳಿ ಸುರುಳಿಯಾಗಿ ಆಕಾಶದಲ್ಲಿ ಕಂಡು ಬರುತ್ತಿದೆ, ಆ ಮೋಡಗಳು ಸಮುದ್ರವನ್ನು ತಟ್ಟುವಂತಿದೆ, Spectacular shot of #CycloneRemal formation in the Bay of #Bengal by Daily Star #Bangladesh ಎಂಬ ಕ್ಯಾಪ್ಷನ್ ಅಡಿಯಲ್ಲಿ ಇಂದ್ರಜಿತ್ ಕುಂಡು ಎಂಬವವರು ಈ ವೀಡಿಯೋ ಶೇರ್ ಮಾಡಿದ್ದು ವೀಡಿಯೋ ತುಂಬಾನೇ ವೈರಲ್‌ ಆಗಿದೆ.

ಭಾರತದ ಹವಮಾನ ಇಲಾಖೆ ಪ್ರಕಾರ ಭಾನುವಾರ ಬೆಳಗ್ಗೆ 8:30ಕ್ಕೆ ಚಂಡಾಮಾರುತ ಉಂಟಾಗಿ ನಂತರ ಉತ್ತರದ ಕಡೆಗೆ ಚಲಿಸಿದೆ, ನಂತರ ಸೋಮವಾರಕ್ಕೆ ಚಂಡಾಮಾರುತದ ತೀವ್ರತೆ ಕಡಿಮೆಯಾಗುತ್ತಾ ಬಂತು

ಈ ಚಂಡಾಮಾರುತದ ಪ್ರಭಾವದಿಂದ ಭಾರತದ ಹಲವು ಪ್ರದೇಶಗಳಲ್ಲಿ ಮಳೆಯಾಗಲಿದೆ
ಭಾರತದ ಹಲವು ಕಡೆ ಅಸ್ಸಾಂ, ಮೆಘಾಲಯ. ಅರುಣಾಚಲ ಪ್ರದೇಶ, ನಾಗಲ್ಯಾಂಡ್, ಮಿಝೋರಾಂ, ಮಣಿಪುರ, ತ್ರಿಪುರ ಈ ಕಡೆಗಳಲ್ಲಿ ಮೇ ತಿಂಗಳ ಮೇ 28ರಂದು ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.

ರೆಮಾಲ್ ಚಂಡಮಾರುತದಿಂದ ಹಲವಾರು ನಷ್ಟ ಸಂಭವಿಸಿದೆ
ಬಾಂಗ್ಲಾದೇಶದಲ್ಲಿ ಎದ್ದ ರೇಮ್ ಚಂಡಮಾರುತದಿಂದಾಗಿ ಹಲವಾರು ನಷ್ಟಗಳು ಉಂಟಾಗಿವೆ. ಈ ಚಂಡಾಮಾರುತ 120 kmph ವೇಗದಲ್ಲಿ ಅಪ್ಪಳಿಸಿತ್ತು, 7 ಜನರು ಚಂಡಾಮಾರುತದಿಂದಾಗಿ ಸಾವನ್ನಪ್ಪಿದ್ದರು. ಹಲವು ಕಡೆ 12 ಗಂಟೆಯವರೆಗೆ ವಿದ್ಯುತ್ ಸಂಪರ್ಕ ಕಡಿದು ಹೋಗಿತ್ತು. ಬಾಂಗ್ಲಾದೇಶದ ಅಧಿಕಾರಿಗಳು ಭಾನುವಾರ 800,000 ಜನರನ್ನು ಸ್ಥಾಳಾಂತರ ಮಾಡಿದ್ದರಿಂದಾಗಿ ಹೆಚ್ಚಿನ ಸಾವು ನೋವು ಸಂಭವಿಸಿಲ್ಲ.