ನನ್ನ ಮದುವೆಯಾಗುವವಳಿಗೆ 50 ಎಕರೆ ಕಾಫಿ ಎಸ್ಟೇಟ್‌ ಬರೆಯುತ್ತೇನೆ ಎಂದ ಅಸಾಮಿ, ಆದರೂ ಆದ ಫುಲ್ ಟ್ರೋಲ್

ಇಲ್ಲೊಬ್ಬ ಅಸಾಮಿ ಹಾಯ್‌ ಫ್ರೆಂಡ್ಸ್‌, ಇಲ್ಲಿ ಕಾಣುವುದೆಲ್ಲಾ ಕಾಫಿ ಎಸ್ಟೇಟ್‌ , ನನ್ನ ಹೆಸರು ರವಿಚಂದ್ರನ್ ಅಂತ, ಈ ಎಸ್ಟೇಟ್ ಎಲ್ಲಾ ನಂದೇ, ಸುಮಾರು 50 ಎಕರೆ ಇದೆ, ನನ್ನ ಮದುವೆಯಾಗುವ ಹುಡುಗಿಗೆ ಈ ಎಸ್ಟೇಟ್‌ ಬರೆದುಕೊಡುತ್ತೇನೆ, ಪ್ಲೀಸ್ ಮ್ಯಾರಿ ಮಿ, ಯಾರಾದರೂ ರೆಡಿಯಾಗಿದ್ದಾರೆ ಎನಿ ಟೈಮ್ , ಎನಿವೇರ್ I am Ready ಎಂದು ಮದುವೆಗಾಗಿ ಅಂಗಲಾಚುವ ವೀಡಿಯೋ ವೀಕ್ಷಕರ ಮುಖನದಲ್ಲಿ ನಗು ಮೂಡಿಸುವಂತಿದೆ, ಜನರನ್ನು ರಂಜಿಸಲು ಆತ ಮಾಡಿರುವ ಪ್ರಯತ್ನವನ್ನು ಮೆಚ್ಚಿಕೊಳ್ಳಬೇಕು.

ಹಸಿ ಸುಳ್ಳು ಹೇಳುವ ಮೂಲಕ ಜನರಿಗೆ ಸಿಕ್ಕಾಪಟ್ಟೆ ಮನರಂಜನೆ ನೀಡಿದ್ದಾರೆ, ಏಕೆಂದರೆ ಅವರು ಕಾಫಿ ಎಸ್ಟೇಟ್‌ ನಂದೇ ಎಂದು ತೋರಿಸಿದ್ದು ಮಾತ್ರ ಟೀ ಎಸ್ಟೇಟ್‌ ಅನ್ನು..... ಅದರಲ್ಲಿಯೇ ಗೊತ್ತಾಗುತ್ತೆ, ಆತ ಅದರ ಮಾಲೀಕವಲ್ಲ, ಸುಮ್ಮನೆ ಮನರಂಜನೆಗೆ ಹೀಗೆ ಮಾಡಿದ್ದಾನೆ. ಇದೀಗ ಈ ವೀಡಿಯೋ ಸಿಕ್ಕಾಪಟ್ಟೆ ಕಮೆಂಟ್‌ಗಳು ಬರ್ತಿವೆ. ಅದು ಕಾಫಿ ಎಸ್ಟೇಟ್‌ ಗುರೂ ಎಂದು ಕೆಲವರು ಕಾಮೆಂಟ್ ಮಾಡಿದರೆ ಇನ್ನು ಕೆಲವರು ಈತ ಹೇಳಿರುವುದನ್ನು ನಿಜವಿರಬಹುದೆಂದು ನಂಬಿ ಮದುವೆಯಾಗುವ ಆತುರದಲ್ಲಿ ಆತ ಟೀ ಬದಲಿಗೆ ಕಾಫಿ ಎನ್ನುತ್ತಿದ್ದಾನೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಆತನಿಗೂ ತಾನು ನಿಂತಿರುವುದು ಟೀ ಎಸ್ಟೇಟ್‌ನಲ್ಲಿ ಎಂಬುವುದು ಗೊತ್ತಿದೆ, ಫ್ರೆಂಡ್ಸ್‌ ಜೊತೆ ಕೇರಳ ಟ್ರಿಪ್‌ ಮಾಡುವಾಗ ಅಲ್ಲಿಯ ಟೀ ಎಸ್ಟೇಟ್‌ವೊಂದರಲ್ಲಿ ಮಾಡಿರುವ ವೀಡಿಯೋ ಅದಾಗಿದ್ದು, ತಮಾಷೆಗಾಗಿ ಮಾಡಿರುವ ವ ವೀಡಿಯೋವನ್ನು ಅಪ್ಲೋಡ್‌ ಮಾಡುವ ಮೂಲಕ ಸಕತ್‌ ಫನ್ನಿಯಾಗಿ ಗಮನ ಸೆಳೆದಿದ್ದಾರೆ. ಆತ ಅದನ್ನು ಕಾಫಿ ಎಸ್ಟೇಟ್ ಎಂದಿರುವುದು ಆತನ ಪುಣ್ಯ, ಇಲ್ಲದಿದ್ದರೆ ಅದರ ನಿಜವಾದ ಓನರ್ ಆಘಾತಕ್ಕೆ ಒಳಗಾಗುತ್ತಿದ್ದ ಅಲ್ವಾ?

ಹಾಯ್‌ ಫ್ರೆಂಡ್ಸ್‌ ನಾನು ಬೆಳಗ್ಗೆ ಎದ್ದೆ, ಹಲ್ಲುಜ್ಜಿದೆ ಎಂದು ಮಾಡುವ ವೀಡಿಯೋಗಿಂತ ನಗು ಮೂಡಿಸುವ ಇಂಥ ವೀಡಿಯೋ ಸೂಪರ್ ಆಗಿದೆ ಅಲ್ವಾ?