ವೈಶಾಖ ಮಾಸ ವಿಶೇಷತೆಯೇನು? ಧಾರ್ಮಿಕ , ಜ್ಯೋತಿಷ್ಯದ ದೃಷ್ಟಿಯಿಂದ ಈ ಮಾಸದ ವಿಶೇಷತೆಯೇನು?

ವೈಶಾಖ ಮಾಸ ಪ್ರಾರಂಭವಾಗಿದೆ, ಜೂನ್ 6ಕ್ಕೆ ಮುಗಿಯಲಿದೆ. ವೈಶಾಖ ಮಾಸ ಧಾರ್ಮಿಕ ಕಾರಣದಿಂದ ಪ್ರಮುಖವಾಗಿದೆ. ಇದೇ ಮಾಸದಲ್ಲಿ ಅಕ್ಷಯ ತೃತೀಯ ಬರುವುದು, ಈ ಮಾಸ ಜ್ಯೋತಿಷ್ಯದ ದೃಷ್ಟಿಯಿಂದಲೂ ಪ್ರಮುಖವಾಗಿದೆ. ಅಲ್ಲದೆ ಈ ಮಾಸದಲ್ಲಿ ನೀವು ಕಾರ್ಯಗಳನ್ನು ಮಾಡಿದರೆ ತುಂಬಾ ಒಳ್ಳೆಯದಂತೆ:

ವೈಶಾಖ ಮಾಸದಲ್ಲಿ ಏನು ಮಾಡಬೇಕು

ದಾನ : ನೀವು ಈ ತಿಂಗಳಿನಲ್ಲಿ ದಾನ ಮಾಡಿದರೆ ವರ್ಷದವರೆಗೆ ದಾನ ಮಾಡಿದ ಫಲ ಸಿಗಲಿದೆ, ಆದ್ದರಿಂದ ಈ ತಿಂಗಳಿನಲ್ಲಿ ಮಾಡುವ ದಾನ ಪ್ರಮುಖವಾಗಿದೆ

ತರ್ಪಣ ಬಿಡಬಹುದು: ತೀರಿ ಹೋದ ಪಿತೃರಿಗೆ ತರ್ಪಣ ನೀಡುವುದರಿಂದ ಅವರಿಗೆ ಮೋಕ್ಷ ದೊರೆಯುವುದು. ತರ್ಪಣವನ್ನು ಈ ತಿಂಗಳಿನಲ್ಲಿಯೂ ಮಾಡಬಹುದು. ವೈಶಾಖ ಮಾಸದ ಅಮಾವಾಸ್ಯೆ ಮತ್ತು ಹುಣ್ಣಿಮೆಯಂದು ಪೂರ್ವಜರಿಗೆ ತರ್ಪಣ ನೀಡಿದರೆ ಅವರಿಗೂ ಮೋಕ್ಷ ಸಿಗುವುದು, ನಿಮಗೆ ಪಿತೃದೋಷದಿಂದ ಪರಿಹಾರ ಸಿಗುವುದು.

ಯಜ್ಞ,ಯಾಗ: ವೈಶಾಖದ ಸಮಯದಲ್ಲಿ ನಡೆಸುವ ಪೂಜೆ ಮತ್ತು ಆಚರಣೆಗಳು ತುಂಬಾನೇ ಫಲ ನೀಡುತ್ತದೆ, ಹಾಗಾಗಿ ಅಕ್ಷಯ ತೃತೀಯದಂದು ಯಾಗಗಳನ್ನು ಮಾಡಲಾಗುವುದು. ಮತ್ತು ಈ ಸಮಾರಂಭಗಳಲ್ಲಿ ಸಾಮುದಾಯಿಕ ಭೋಜನದಲ್ಲಿ ಪಾಲ್ಗೊಳ್ಳಲು ಶಿಫಾರಸು ಮಾಡಲಾಗುತ್ತದೆ.

ಏನು ಮಾಡಬಾರದು?
ಮದ್ಯ, ಮಾಂಸ ಸೇವಿಸಬಾರದು
ಮೈಗೆ ಎಣ್ಣೆ ಹಾಕಬಾರದು
ಹಗಲು ಹೊತ್ತಿನಲ್ಲಿ ನಿದ್ರಿಸಬಾರದು

ವೈಶಾಖ ಮಾಸದಲ್ಲಿ ಬರುವ ವಿಶೇಷ ದಿನಗಳು
ಅಕ್ಷಯ ತೃತೀಯ: ಮೇ 10, 2024 ಶುಕ್ರವಾರ
ವೃಷಭ ಸಂಕ್ರಾಂತಿ: ಮೇ 14, 2024 ಮಂಗಳವಾರ
ಮೋಹಿನಿ ಏಕಾದಶಿ : ಮೇ 19, 2024 ಭಾನುವಾರ
ಪ್ರದೋಷ ವ್ರತ : ಮೇ 20, 2024 ಸೋಮವಾರ
ವೈಶಾಖ ಹುಣ್ಣಿಮೆ ವ್ರತ: ಮೇ 23, 2024 ಗುರುವಾರ
ಸಂಕಷ್ಟಿ ಚತುರ್ಥಿ: ಮೇ 26, 2024, ಭಾನುವಾರ

ಗ್ರಹ ಸಂಚಾರ

ಮೇ 10ಕ್ಕೆ ಬುಧ ಸಂಚಾರ: ಬುಧನು ಮೇ 10ಕ್ಕೆ ಮೇಷ ರಾಶಿಗೆ ಸಂಚರಿಸಲಿದೆ, ಇದರಿಂದ ಬುಧಾದಿತ್ಯ ಯೋಗ ಉಂಟಾಗುವುದು. ಈ ಬುಧಾದಿತ್ಯ ಯೋಗ ತುಂಬಾ ಒಳ್ಳೆಯದು ಎಂದು ಪರಿಗಣಿಸಲಾಗುವುದು.

ವೃಷಭ ರಾಶಿಯಲ್ಲಿ ಸೂರ್ಯ ಸಂಕ್ರಾಂತಿ: ಮೇ 14 ಸೂರ್ಯ ವೃಷಭ ರಾಶಿಗೆ ಸಂಚರಿಸಲಿದೆ. ಈ ಸೂರ್ಯ ಸಂಚಾರ ದ್ವಾದಶ ರಾಶಿಗಳ ಮೇಲೆ ಪ್ರಭಾವ ಬೀರಲಿದೆ. ಇನ್ನು ಗುರು ಗ್ರಹವು ವೃಷಭ ರಾಶಿಯಲ್ಲಿಯೇ ಇದೆ, ಇದರಿಂದ ಗುರು ಹಾಗೂ ಸುರ್ಯನ ಸಂಯೋಗವಾಗಲಿದೆ.

ವೃಷಭ ರಾಶಿಯಲ್ಲಿ ಶುಕ್ರ ಸಂಚಾರ: ಮೇ 19ಕ್ಕೆ ಅದೃಷ್ಟದ ಗ್ರಹವಾದ ಶುಕ್ರ ಕೂಡ ವೃಷಭ ರಾಶಿಗೆ ಸಂಚರಿಸಲಿದೆ. ಶುಕ್ರ ಸಂಚರಿಸಿದಾಗ ಗುರು, ಸೂರ್ಯ, ಶುಕ್ರ ಗ್ರಹದ ಸಂಯೋಗವಾಗಲಿದೆ.

ವೃಷಭ ರಾಶಿಯಲ್ಲಿ ಬುಧ ಸಂಚಾರ: ಈ ಮಾಸ ಬುಧ ಎರಡು ಬಾರಿ ಸಂಚರಿಲಿದೆ. ಮೇ 10ಕ್ಕೆ ಮೇಷ ರಾಶಿಗೆ ಸಂಚರಿಸಿದ ಬುಧ ವೃಷಭ ರಾಶಿಗೆ ಸಂಚರಿಸಲಿದೆ.