ಮಗುವನ್ನು ಒಂಟಿಯಾಗಿ ಬಿಟ್ಟು 11 ದಿನ ಟ್ರಿಪ್‌ ಹೋದ ತಾಯಿ: ಆದರೆ ಕರ್ಮ ಬಿಡಲಿಲ್ಲ ಆಕೆಯನ್ನ

ಈ ವರ್ಷ ಫೆಬ್ರವರಿ ಮಾಸದಲ್ಲಿ ಒಂದು ತಾಯಿಯ ಕ್ರೌರ್ಯ ತುಂಬಾನೇ ಸದ್ದು ಮಾಡಿತು, ಅಂಥವಳು ತಾಯಿಯಾಗಲು ಹೇಗೆ ತಾನೆ ಸಾಧ್ಯ ಎಂದು ಜನರು ಕೇಳಲಾರಂಭಿಸಿದರು.

ಸಿಂಗಲ್ ಮದರ್ ಆದ ಆಕೆ ತನ್ನ ಬಾಯ್‌ಫ್ರೆಂಡ್ಸ್‌ ಜೊತೆ ವೆಕೇಷನ್ ಹೋಗಲು 16 ತಿಂಗಳ ಮಗುವನ್ನು ಮನೆಯಲ್ಲಿ 11 ದಿನ ಒಂಟಿಯಾಗಿ ಬಿಟ್ಟು ಹೋಗಿದ್ದಳು, ಆ ಮಗು ಹಸಿವಿನಿಂದ ತೀರಿ ಹೋಗಿತ್ತು. ಯುಎಸ್‌ನಲ್ಲಿ ನಡೆದ ಈ ಘಟನೆ ತುಂಬಾನೇ ಸದ್ದು ಮಾಡಿತ್ತು.

ಇದೀಗ ಈಕೆಯ ಸ್ಟೋರಿ ಮತ್ತೊಮ್ಮೆ ಸದ್ದು ಮಾಡುತ್ತಿದೆ, ಕರ್ಮ ಯಾವುದಾದರೂ ರೂಪದಲ್ಲಿ ತಟ್ಟುತ್ತೆ ಎಂದು ಆ ವೀಡಿಯೋ ನೋಡಿದವರು ಹೇಳುತ್ತಿದ್ದಾರೆ.

ಆಕೆಯ ಹೆಸರು ಕ್ರಿಸ್ಟೆಲ್‌ ಕ್ಯಾಂಡೆಲಾರೆಯೋ, ಆಕೆಗೆ 16 ತಿಂಗಳ ಮಗು ಇತ್ತು, ಈಕೆಗೆ ಇದ್ದಕ್ಕಿದ್ದ ಹಾಗೆ ಟ್ರಿಪ್ ಹೋಗಬೇಕು, ಆದರೆ ನನ್ನ ಟ್ರಿಪ್‌ಗೆ ಮಗು ಇದ್ದರೆ ತೊಂದರೆಯಾಗುತ್ತೆ ಎಂದು ಮಗುವನ್ನು ಮನೆಯಲ್ಲಿ ಬಿಟ್ಟು ಹೋಗಲು ತೀರ್ಮಾನಿಸಿದ್ದಾಳೆ.

ಅದರಂತೆ ಆಕೆ 16 ತಿಂಗಳ ಮಗುವನ್ನು ಮನೆಯಲ್ಲಿಯೇ ಬಿಟ್ಟು ಒಂದು ಕಡೆ ಒಂದು ಬಾಯ್‌ಫ್ರೆಂಡ್‌, ಮತ್ತೊಂದು ಕಡೆಗೆ ಹೋಗುವಾಗ ಮತ್ತೊಬ್ಬ ಬಾಯ್‌ಫ್ರೆಂಡ್‌ ಅಂತ ಸುತ್ತಿದ್ದಾಳೆ, ಅವಳು ಇಷ್ಟೊಂದು ದಿನ ಟ್ರಿಪ್‌ ಮಾಡುತ್ತೇನೆ ಎಂದು ಕೊಂಡಿರಲಿಲ್ವಾ? ಅಥವಾ ಬಾಯ್‌ಫ್ರೆಂಡ್ಸ್‌ ಜೊತೆ ಸುತ್ತುವಾಗ ಮಗುವನ್ನು ನೆನಪಾಗಲಿಲ್ವಾ ಗೊತ್ತಿಲ್ಲ, ಆರಾಮವಾಗಿ ಸುತ್ತಾಡಿದ್ದಾಳೆ.

ಹಸಿದು ಹೇಲು ತಿಂದ ಮಗು
ಮಗುವಿಗೆ ಹಸಿವು, ಬಾಯಾರಿಕೆ ಮನೆಯಲ್ಲಿ ಯಾರೂ ಇಲ್ಲ ತುಂಬಾ ಅತ್ತಿದೆ, ತನ್ನ ಹೇಲು, ಉಚ್ಚೆ ತಿಂದಿದೆ, ಹಸಿವಿನಿಂದ ಅತ್ತು-ಅತ್ತು ನಿತ್ರಾಣವಾಗಿದೆ, ಹಾಗೆಯೇ ಆ ಮಗು ಸಾವನ್ನಪ್ಪುತ್ತೆ, ಇವಳು ಬಂದು ನೋಡುತ್ತಾಳೆ, ಮಗುವಿಗೆ ಪ್ರಜ್ಞೆಯಿಲ್ಲ ಎಂದು ಭಾವಿಸಿ ಆಸ್ಪತ್ರೆಗೆ ಕೊಂಡೊಯ್ಯುತ್ತಾಳೆ, ವೈದ್ಯರು ಮಗು ಸತ್ತಿದೆ ಎಂದು ಹೇಳುತ್ತಾರೆ, ಆದರೆ ಇವಳು ಮಾತ್ರ ತನ್ನ ತಪ್ಪನ್ನು ಮುಚ್ಚಿ ಇಡಲು ಬಯಸುತ್ತಾಳೆ. ಮಗು ಸಾಯುವಾಗ ಮಗುವಿನ ದೇಹ ತುಂಬಾನೇ ನಿರ್ಜಲೀಕರಣದಿಂದ ಕೂಡಿತ್ತು ಎಂದು ವೈದ್ಯರು ಹೇಳುತ್ತಾರೆ. ಮಗುವಿನ ಮುಖದಲ್ಲಿ ಅದು ಕಕ್ಕ ತಿಂದ ಕಕ್ಕ ಹಾಗೆಯೇ ಒಣಗಿತ್ತು.

ಖಿನ್ನತೆಯಿಂದ ಬಳಲುತ್ತಿದ್ದೆ ಎಂದ ತಾಯಿ
ಯಾರಿಗೂ ಗೊತ್ತಿಲ್ಲ ನಾನೆಷ್ಟು ಖಿನ್ನತೆಯಿಂದ ಬಳಲುತ್ತಿದ್ದೇನೆ ಎಂದು, ನನ್ನ ತಪ್ಪು ನಾನು ಸಮರ್ಥಿಸಿಕೊಳ್ಳುವುದಿಲ್ಲ, ಆ ದೇವರು, ಮಗಳು ನನ್ನನ್ನು ಕ್ಷಮಿಸುತ್ತಾಳೆ ಎಂದು ಅಳುತ್ತಾಳೆ, ಆದರೆ ಹೀಗೆ ಮಾಡಿದರೆ ಯಾವ ದೇವರು ತಾನೆ ಸಹಿಸುತ್ತಾರೆ, ಆಕೆಗೆ ಜೀವನಪೂರ್ತಿ ಜೈಲ್‌ನಲ್ಲಿಯೇ ಕಳೆಯುವ, ಜೈಲ್‌ ಹೊರಗಡೆ ಹೋಗದಂಥ ಶಿಕ್ಷೆ ನೀಡಲಾಗುವುದು.

ಸೋಷಿಯಲ್‌ ಮೀಡಿಯಾದಲ್ಲಿ ಓಡಾಡುತ್ತಿದೆ ಆಕೆಯದು ಎನ್ನುವ ವೀಡಿಯೋ
ಸೋಷಿಯಲ್‌ ಮೀಡಿಯಾದಲ್ಲಿ ಒಬ್ಬ ಮಹಿಳೆ ಹುಚ್ಚಿಯಂತೆ ಕಿರುಚುತ್ತಿದ್ದಾಳೆ, ಅವಳ ಕೈ-ಕಾಲುಗಳನ್ನು ಪೊಲೀಸರು ಕಟ್ಟಿ ಹಾಕಿದ್ದಾರೆ, ಅವಳಿಗೆ ಏನೋ ಇಂಜೆಕ್ಷನ್ ಕೊಡುತ್ತಿದ್ದಾರೆ, ಜನರು ಅದು ಕ್ರಿಸ್ಟೆಲ್‌ ಕ್ಯಾಂಡೆಲಾರೆಯೋ ಎಂದು ಹೇಳಲಾಗುತ್ತಿದೆ, ಕರ್ಮ ಯಾರನ್ನೂ ಬಿಡಲ್ಲ ಎಂದು ಜನರು ಕಮೆಂಟ್‌ ಮಾಡುತ್ತಿದ್ದಾರೆ.

ಇನ್ನು ಕೆಲವರು ಅದು ಆಕೆಯದು ಅಲ್ಲ ಎಂದು ಹೇಳುತ್ತಿದ್ದಾರೆ, ಆದರೆ ಆಕೆಗೆ ಜೀವನ ಪರ್ಯಾಂತ ಜೈಲಿನಲ್ಲಿಯೇ ಕಳೆಯುವ ಶಿಕ್ಷೆ ಸಿಕ್ಕಿದ್ದು ನಿಜ, ಆದರೆ ಅವಳಿಗೆ ಸಾಯುವ ಇಂಜೆಕ್ಷನ್‌ ನೀಡಿದ್ದಾರೆ ಎಂಬುವುದು ಫೇಕ್ ಸುದ್ದಿ ಇರಬಹುದು.

ಎಂಥದ್ದೇ ಆಗಲಿ ಯಾವ ತಾಯಿಯೂ ಮಾಡಬಾರದ ಕೃತ್ಯ ಆಕೆ ಮಾಡಿದ್ದಾಳೆ, ಇತ್ತೀಚೆಗೆ ಕೇರಳದಲ್ಲಿ ತಾಯಿಯೊಬ್ಬಳು ಆಗಷ್ಟೇ ಹುಟ್ಟಿದ ಮಗುವನ್ನು 5ನೇ ಮಹಡಿಯಿಂದ ಬಿಸಾಡಿದ್ದಳು.. ತಾಯಿ ಮನಸ್ಸು ಇಷ್ಟೊಂದು ಕ್ರೂರಿಯಾದರೆ ಆಕೆ ತಾಯಿಯಾದಳೇ..