2025ರಲ್ಲಿ ಹೊರಟಿದ್ದ ವಿಮಾನ 2024ರಲ್ಲಿ ಲ್ಯಾಂಡಿಂಗ್..! ಈ ಅಚ್ಚರಿ ನಡೆದಿದ್ದು ಹೇಗೆ?

ತಿಂಗಳು, ವರ್ಷಗಳ ಹಿಂದೆ ಹೊರಟ ರೈಲಯ ತನ್ನ ನಿಲ್ದಾಣವನ್ನು ತಡವಾಗಿ ತಲುಪಿರುವ ಉದಾಹರಣೆಯನ್ನು ನೀವು ಕೇಳಿರುತ್ತೀರಿ. ವರ್ಷಗಳಿಗೂ ಹೆಚ್ಚು ತಡವಾಗಿ ನಿಲ್ದಾಣ ತಲುಪಿರುವ ರೈಲುಗಳ ಉದಾಹರಣೆ ಇದೆ. ಆದ್ರೆ ಇವತ್ತಿನ ದಿನಾಂಕದಲ್ಲಿ ಹೊರಟು ಹಿಂದಿನ ದಿನ ತಲುಪಿದ ವಿಚಿತ್ರ ಘಟನೆ ಎಲ್ಲಾದರೂ ನಡೆಯುತ್ತಾ? ಇಂತಹದೊಂದು ಘಟನೆ ಈಗ ಕುತೂಹಲಕ್ಕೆ ಕಾರಣವಾಗಿದೆ.

ಪ್ರಯಾಣಿಕರು ತುಂಬಿದ್ದ ವಿಮಾನವೊಂದು 2025ರಲ್ಲಿ ಹಾರಾಟ ಆರಂಭಿಸಿ 2024ರಲ್ಲಿ ಲ್ಯಾಂಡ್ ಆಗಿರುವ ಅಪರೂಪದ ಘಟನೆ ಇದು. ಅರೇ..ಇದು ಹೇಗೆ ಸಾಧ್ಯ ಎಂಬ ಕುತೂಹಲ ನಿಮ್ಮಲ್ಲೂ ಮೂಡಬಹುದು. ಆದ್ರೆ ಈ ರೀತಿಯ ಅಪರೂಪದ ಹಾಗೂ ವಿಚಿತ್ರ ಘಟನೆಗೆ ನೂರಾರು ಮಂದಿ ಸಾಕ್ಷಿಯಾಗಿದ್ದಾರೆ. 2025ರಲ್ಲಿ ಆಕಾಶಕ್ಕೆ ಹಾರಿದ ವಿಮಾನ 2024ರಲ್ಲಿ ಬಂದು ಇಳಿದಿದೆ.

ಏನಿದು ವಿಚಿತ್ರ ಘಟನೆ

ಇದು ನಡೆದಿರುವುದು ಈ ಹೊಸ ವರ್ಷದ ದಿನದಂದು ವಿಮಾನ 2025ರಲ್ಲಿ ಅಂದರೆ ಹೊಸ ವರ್ಷ ಆರಂಭಗೊಂಡಾಗ ಪ್ರಯಾಣಿಕರ ತುಂಬಿಸಿಕೊಂಡು ಹಾರಾಟ ಆರಂಭಿಸಿದೆ. ಆದ್ರೆ ವಿಮಾನ ತನ್ನ ನಿಗದಿತ ನಿಲ್ದಾಣಕ್ಕೆ ಬಂದು ಇಳಿದಾಗ ಅಲ್ಲಿನ್ನು 2024ನೇ ವರ್ಷ ಚಾಲ್ತಿಯಲ್ಲಿದೆ. ಇಂತಹ ಅಚ್ಚರಿ ವಿದ್ಯಮಾನವೊಂದು 2 ದಿನದ ಹಿಂದೆ ನಡೆದಿದೆ.

ಜನವರಿ 1, 2025 ರಂದು ಹಾಂಗ್ ಕಾಂಗ್‌ನಿಂದ ಹೊರಟ ಪ್ರಯಾಣಿಕರ ವಿಮಾನವು ಲಾಸ್ ಏಂಜಲೀಸ್‌ನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದು ತಲುಪಿದಾಗ ಅಲ್ಲಿನ್ನು 2024ನೇ ವರ್ಷವೇ ಆಗಿತ್ತು. ಕ್ಯಾಥೆ ಪೆಸಿಫಿಕ್ ಫ್ಲೈಟ್ 880 ಹಾಂಗ್‌ಕಾಂಗ್‌ನ ಸ್ಥಳೀಯ ಸಮಯ ಸುಮಾರು 12 ಗಂಟೆಗೆ ಟೇಕ್ ಆಫ್ ಆಗಿತ್ತು. ಇದು ಲಾಸ್ ಎಂಜಲೀಸ್‌ಗೆ ಪ್ರಯಾಣಿಸಲು ಸುಮಾರು 12 ಗಂಟೆಗಳ ಕಾಲ ತೆಗೆದುಕೊಳ್ಳುತ್ತದೆ. ಆದ್ರೆ ವಿಮಾನ ಲಾಸ್ ಎಂಜಲಿಸ್‌ಗೆ ಬಂದು ಇಳಿಯುವಾಗ ರಾತ್ರಿ 8:30 ಆಗಿತ್ತು.

ಇಂಟರ್ನ್ಯಾಷನಲ್ ಡೇಟ್ ಲೈನ್ (ಅಕಾ ಐಡಿಎಲ್) ಪೆಸಿಫಿಕ್ ಮಹಾಸಾಗರದ ಮಧ್ಯದಲ್ಲಿ ಒಂದು ಅದೃಶ್ಯ ರೇಖೆಯಾಗಿದೆ. ಇದು ಎರಡು ದಿನಾಂಕಗಳನ್ನು ಪರಸ್ಪರ ಬೇರ್ಪಡಿಸುವ ಬಿಂದು ಎಂದು ಒಪ್ಪಿಕೊಳ್ಳಲಾಗಿದೆ. ಈ ರೇಖೆಯನ್ನು ದಾಟಿದರೆ ಸುಮಾರು 6 ಗಂಟೆಗಳ ವ್ಯತ್ಯಾಸ ನೋಡಬಹುದು. ಅಂದರೆ ಒಂದು ಬದಿಯಲ್ಲಿ ವಾಸಿಸುವ ಮಂದಿ ಒಂದು ದಿನ ಮುಂದೆ ಇರುತ್ತಾರೆ. ಆದ್ರೆ ಮತ್ತೊಂದು ಬದಿಯಲ್ಲಿ ಒಂದು ದಿನ ಹಿಂದೆ ಜೀವಿಸುತ್ತಿರುತ್ತಾರೆ.

ಈ ಫೆಸಿಫಿಕ್ ತೀರದಲ್ಲಿ ಎರಡು ದಿನಗಳನ್ನು ಒಂದೇ ದಿನದಲ್ಲಿ ನಾವು ಜೀವಿಸಬಹುದು. ಹಾಗೆ ಇದೊಂದು ವಿಚಿತ್ರ ವಿದ್ಯಮಾನ ನಡೆಯವ ಸ್ಥಳವಾಗಿ ಮಾರ್ಪಟ್ಟಿದೆ. ಇಲ್ಲಿ ಅಂತಾರಾಷ್ಟ್ರೀಯ ಸಮಯ ಗಡಿ ರೇಖೆ ಇರುವುದರಿಂದ ಇಂತಹ ವಿದ್ಯಮಾನ ಸಾಮಾನ್ಯ ಎನ್ನುವಂತಾಗುತ್ತದೆ. ಅಂತರರಾಷ್ಟ್ರೀಯ ದಿನಾಂಕ ರೇಖೆಯು ಸುಮಾರು 180° ಪೂರ್ವದಲ್ಲಿ ನೆಲೆಗೊಂಡಿದೆ. ಇದು ಯುಕೆ ಗ್ರೀನ್‌ವಿಚ್ ಮೂಲಕ ಹಾದುಹೋಗುತ್ತದೆ. ಈ ಎರಡು ಬದಿಯ ಪ್ರದೇಶದಲ್ಲಿ ಬೇರೆ ಬೇರೆ ಸಮಯಕ್ಕೆ ಇದು ಕಾರಣವಾಗುತ್ತದೆ.

ಈ ರೇಖೆಯ ಮೇಲೆ ನೀವು ಯಾವುದೇ ವಿಮಾನದಲ್ಲಿ ಹಾರಾಡಿದರು ಕೂಡ ಸಮಯದಲ್ಲಿ ಮಾತ್ರವಲ್ಲ ದಿನಾಂಕದಲ್ಲೂ ಬದಲಾವಣೆಯಾಗುವುದು ನೋಡಬಹುದು. ಅದರಲ್ಲೂ 2025ರಂದು ಹಾರಾಟ ನಡೆಸಿದಾಗ ನೀವು 2024ಕ್ಕೆ ಬಂದು ಇಳಿಯಬೇಕಾಗುತ್ತದೆ. ಇಂದೊಂದು ರೀತಿಯಲ್ಲಿ ಟೈಮ್ ಟ್ರಾವೆಲಿಂಗ್ ಎನ್ನಬಹುದು.