ಈ ಚಪ್ಪಲಿ ನಿಮ್ಮ ಬಳಿಯೂ ಇದೆಯೇ..? ಒಂದು ಜೋಡಿಗೆ ₹1 ಲಕ್ಷ ರೂಪಾಯಿ!

ನಿಮ್ಮ ಬಳಿಯೂ ಟ್ರೆಂಡಿ ಚಪ್ಪಲಿ ಇರಬಹುದು. ಅಂದ್ರೆ ಒಂದು ಸಮಯದಲ್ಲಿ ಮಾತ್ರ ಈ ಚಪ್ಪಲಿಗಳು ಭಾರೀ ಸದ್ದು ಮಾಡುತ್ತವೆ. ಇಂತಹ ಚಪ್ಪಲಿಯನ್ನ ಯುವ ಸಮುದಾಯ ಇಂತಹ ಟ್ರೆಂಡ್‌ಗಳ ಮೊರೆ ಹೋಗುವುದನ್ನು ನಾವು ನೋಡದ್ದೇವೆ. ಆದ್ರೆ ನೀವು ಈ ಪ್ಯಾರಗಾನ್ ಚಪ್ಪಲಿಯನ್ನ ಧರಿಸಿರಬಹುದು.

ಹೌದು ಒಂದು ಕಾಲದಲ್ಲಿ ಪ್ಯಾರಗಾನ್ ಚಪ್ಪಲಿ ತುಂಬಾನೆ ಫೇಮಸ್ ಆಗಿತ್ತು. ಆದ್ರಲ್ಲೂ ರೈತರು, ಕೆಲಸಕ್ಕೆ ಹೋಗುವವರು ಈ ಚಪ್ಪಲಿಗಳ ಹೆಚ್ಚಾಗಿ ಬಳಸುತ್ತಿದ್ದರು. ಹಾಗೆ ಮನೆಯ ಸುತ್ತ ಓಡಾಡಲು ಈ ಚಪ್ಪಲಿ ಇರಲೇಬೇಕಿತ್ತು, ನೀಲಿ ಪಟ್ಟಿ ಹಾಗೂ ಬಿಳಿ ಬಣ್ಣದಿಂದ ಕೂಡಿರುತ್ತಿದ್ದ ಈ ಚಪ್ಪಲಿ ಒಂದು ಕಾಲದ ಟ್ರೆಂಡಿ ಚಪ್ಪಲಿ ಎನಿಸಿತ್ತು.

ಆದ್ರೆ ಈ ಸುದ್ದಿ ಈಗ್ಯಾಗೆ ಹೇಳುತ್ತಿದ್ದೇವೆ ಎಂದು ನಿಮಗೆ ಅಚ್ಚರಿಯಾಗುತ್ತಿರಬಹುದು. ಈ ಚಪ್ಪಲಿ ಭಾರತದಲ್ಲಿ 200 ರೂಪಾಯಿ ಒಳಗೆ ಸಿಗಬಹುದು. ಅಥವಾ 100 ರೂಪಾಯಿಗೂ ಸಿಗಬಹುದು. ಏಕೆಂದರೆ ಇದು ಭಾರತದಲ್ಲಿ ಅತ್ಯಂತ ಕಡಿಮೆ ಬೆಲೆಯ ಚಪ್ಪಲಿಯಾಗಿದೆ. ಈಗ ಈ ಚಪ್ಪಲಿಯನ್ನ ಹಿರಿಯರು ಮನೆಯಲ್ಲಿ ಓಡಾಡಲು, ಕೆಲಸಕ್ಕೆ ಹೋಗುವಾಗ ಹಾಕಲು ಬಳಸುತ್ತಾರೆ.

ಆದ್ರೆ ಇದೇ ಚಪ್ಪಲಿಗೆ 1 ಲಕ್ಷ ರೂಪಾಯಿ ಅಂದರೆ ನಂಬುತ್ತೀರಾ? ಹೌದು ಈ ಚಪ್ಪಲಿಗೆ ಕುವೈತ್‌ನ ಮಾಲ್‌ನಲ್ಲಿ ಬರೋಬ್ಬರಿ 4,500 ರಿಯಲ್ ಅಂದರೆ ಭಾರತೀಯ ರೂಪಾಯಿಯಲ್ಲಿ ಬರೋಬ್ಬರಿ 1 ಲಕ್ಷ ರೂಪಾಯಿಗಳು. ನಿಮಗೆ ಅಚ್ಚರಿಯಾಗಬಹುದು. ಇಲ್ಲಿನ ಅಂಗಡಿಯೊಂದರೆ ಫೋಟೋ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಈ ಚಪ್ಪಲಿಯ ದರ ನೋಡಿ ಜನ ಶಾಕ್ ಆಗಿದ್ದಾರೆ.

ಈ ಸಂಬಂಧ ಇನ್ಸ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ವೊಂದನ್ನು ಹಂಚಿಕೊಳ್ಳಲಾಗಿದ್ದು ಭಾರೀ ವೈರಲ್ ಆಗುತ್ತಿದೆ. ಆದ್ರೆ ಭಾರತೀಯ ಬಳಕೆದಾರರಿಗೆ ಇದು ಅಚ್ಚರಿ ಮೂಡಿಸಿದೆ. ಕೇವಲ 150 ರೂಪಾಯಿಗೆ ಸಿಗುವ ಈ ಚಪ್ಪಲಿ ಅಲ್ಲಿ 1ಲಕ್ಷ ರೂಪಾಯಿಗೆ ಏಕೆ ಮಾರಾಟವಾಗುತ್ತಿದೆ ಎಂಬ ಅಚ್ಚರಿ ಮೂಡಿಸಿದೆ.

ಹೀಗಾಗಿ ಈ ಪೋಸ್ಟ್‌ಗೆ ಸಾವಿರಾರು ಮಂದಿ ಕಮೆಂಟ್‌ ಮೂಲಕ ಪ್ರತಿಕ್ರಿಯಿಸಿದ್ದಾರೆ. ಈ ಚಪ್ಪಲಿ ಭಾರತದಲ್ಲಿ ಇಷ್ಟು ಕಡಿಮೆಗೆ ಸಿಗುತ್ತದೆ. ಅಲ್ಲದೆ ಮನೆ ಮನೆಯಲ್ಲೂ ಈ ಚಪ್ಪಲಿಗಳಿಗೆ ಆದ್ರೆ ಕುವೈತ್‌ನಲ್ಲಿ ಈ ಚಪ್ಪಲಿ ಏಕೆ ಈಗ ಟ್ರೆಂಡಿಯಾಗಿದೆ ಎಂದು ಪ್ರಶ್ನಸಿದ್ದಾರೆ.

ಈ ಚಪ್ಪಲಿಯನ್ನು ಭಾರತದಲ್ಲಿ ಟಾಯ್ಲೆಟ್ ಚಪ್ಪಲಿ ಎಂದು ಕರೆಯಲಾಗುತ್ತೆ. ಜನ ಬಾತ್‌ರೂಮ್‌ಗೆ ಹೋಗಲು ಬಳಸುತ್ತಾರೆ. ಆದ್ರೆ ಇಷ್ಟೊಂದು ದುವಾರಿ ಆಗಿಲ್ಲ ಅಷ್ಟೇ ಎಂದು ಮತ್ತೊಬ್ಬ ಬಳಕೆದಾರರು ಬರೆದುಕೊಂಡಿದ್ದಾರೆ.

ಈ ಚಪ್ಪಲಿ ಪ್ರತಿಯೊಬ್ಬ ಭಾರತೀಯ ತಾಯಿಯ ಆಯುಧವಾಗಿದೆ. ತಾಯಿ ಮಕ್ಕಳ ಮೇಲೆ ಪ್ರಯೋಗಿಸುವ ಮೊದಲ ಆಯುಧ ಇದು ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ. ನಾವು ಸಹ ವರ್ಷಗಳ ಹಿಂದೆಯೇ ಈ ಲಕ್ಷ ರೂಪಾಯಿಯ ಚಪ್ಪಲಿ ಧರಿಸಿದ್ದೇವೆ. ನಾವು ಯಾವಾಗಿಂದಲೂ ಶ್ರೀಮಂತರಾಗಿದ್ದೇವೆ ಎಂದು ಮತ್ತೊಬ್ಬರ ಕಮೆಂಟ್ ಗಮನ ಸೆಳೆದಿದೆ.

ಭಾರತೀಯರು ಇಲ್ಲಿ ಚಪ್ಪಲ್‌ಗಳನ್ನು 100 ರೂಪಾಯಿಗೆ ಖರೀದಿಸಿ 4,500 ರಿಯಾಲ್‌ಗೆ ಮಾರಾಟ ಮಾಡಲು ಅವಕಾಶ ನೀಡಬೇಕು. ಈ ಚಪ್ಪಲಿ ಮೇಲಿನ ಹೂಡಿಕೆ 1000x ಹೆಚ್ಚಾಗಿದೆ, ಸದ್ಯದ ಮಾರುಕಟ್ಟೆಯಲ್ಲಿ ಇದಕ್ಕಿಂತ ಲಾಭದಾಯಕ ಉದ್ಯಮ ಮತ್ತೊಂದು ಇಲ್ಲವೇ ಇಲ್ಲ ಎಂದು ಬಳಕೆದಾರರೊಬ್ಬರು ಇದರ ಮಾರಾಟ ಸಂಬಂಧ ತಮಾಷೆಯ ಕಮೆಂಟ್ ಮಾಡಿದ್ದಾರೆ.

ಈ ಚಪ್ಪಲಿಯನ್ನು ರಫ್ತು ಮಾಡುವ ಅನುಮತಿ ನನಗೆ ನೀಡಲಿ ಕೇವಲ 2 ಸಾವಿರ ರೂಪಾಯಿಗೆ ಒಂದು ಜೊತೆ ಚಪ್ಪಲಿಯಂತೆ ಒಂದು ಲೋಡ್ ಚಪ್ಪಲಿ ಕಳುಹಿಸುತ್ತೇನೆ, ಇದರಿಂದ ನಮಗೂ ಲಾಭ, ಮಾರಾಟ ಮಾಡುವವರಿಗೂ ಲಾಭ ಎಂದು ಮತ್ತೊಬ್ಬರು ಬರೆದಿದ್ದಾರೆ.