ಆಮೆ ತಿಂದು ಅದರ ಚಿಪ್ಪನ್ನು ಹೆಲ್ಮೆಟ್‌ನಂತೆ ಧರಿಸಿ ಹೋಗುತ್ತಿರುವ ಕೊಮೊಡೊ ಡ್ರ್ಯಾಗನ್‌: ವೈರಲ್ ವೀಡಿಯೋ

ಕೊಮೊಡೊ ಡ್ರ್ಯಾಗನ್‌ ಪ್ರಪಂಚದ ಅತೀ ದೊಡ್ಡ ಹಲ್ಲಿ, ಇದರ ಹಲ್ಲುಗಳು ಶಾರ್ಕ್‌ನಂತೆ ಶಾರ್ಪ್‌ ಹಾಗೂ ತುಂಬಾನೇ ವಿಷಕಾರಿ ಪ್ರಾಣಿಯಾಗಿದೆ. ಇದೀಗ ಈ ಪ್ರಾಣಿ ಆಮೆಯನ್ನು ತಿಂದ ಹಳೆಯ ವೀಡಿಯೋ ಮತ್ತೆ ಟ್ರೆಂಡ್‌ ಆಗುತ್ತಿದೆ.

ಈ ವೀಡಿಯೋ 2019ರಲ್ಲಿ ಸಾಮಾಜಿಕ ತಾಣದಲ್ಲಿ ತುಂಬಾನೇ ಗಮನ ಸೆಳೆದಿತ್ತು. ಬೃಹದಾಕಾರದ ಈ ಹಲ್ಲಿ ಬೀಚ್‌ನಲ್ಲಿ ಆಮೆಯ ಚಿಪ್ಪನ್ನು ಹೆಲ್ಮೆಟ್‌ನಂತೆ ಧರಿಸಿಕೊಂಡು ಹೋದ ವೀಡಿಯೋ ತುಂಬಾನೇ ಗಮನ ಸೆಳೆದಿತ್ತು.

ಇದೀಗ ಆ ಹಳೆಯ ವೀಡಿಯೋ ಮತ್ತೊಮ್ಮೆ ಟ್ರೆಂಡ್‌ ಆಗುತ್ತಿದೆ. ದೊಡ್ಡ ಗಾತ್ರದ ಆಮೆಯನ್ನು ತಿಂದ ಕೊಮೆಡೊ ಡ್ರ್ಯಾಗನ್‌ ಅದರ ಚಿಪ್ಪಿನೊಳಗಡೆ ತನ್ನ ಮುಖ ಹಾಕಿ ಸ್ವಲ್ಪ ದೂರ ಸಾಗಿ ನಂತರ ಆ ಚಿಪ್ಪನ್ನು ಪಕ್ಕಕ್ಕೆ ಎಸೆದಿದೆ.

2021ರಲ್ಲಿ ಬೃಹದಾಕಾರದ ಹಲ್ಲಿಗಳನ್ನು ಅಳಿವಿನಂಚಿನಲ್ಲಿರುವ ಪ್ರಾಣಿಯೆಂದು ಗುರುತಿಸಿದೆ. ವಿಶ್ವದಲ್ಲಿಯೇ ಈ ಹಲ್ಲಿಗಳು ಕೊಮೆಡೊದ ನ್ಯಾಷನಲ್‌ ಪಾರ್ಕ್‌ ಹಾಗೂ ಇಂಡೋನೇಷ್ಯಾದಲ್ಲಿರುವ ದ್ವೀಪಗಳಲ್ಲಿಷ್ಟೇ ಕಂಡು ಬರುತ್ತಿದೆ.

ಇಂಡೋನೇಷ್ಯಾದ ಮೃಗಾಲಯಗಳಲ್ಲಿ ಈ ಕೊಮೆಡೊ ಹಲ್ಲಿಯನ್ನು ಸಂರಕ್ಷಿಸಲಾಗುತ್ತಿದೆ, ಇವುಗಳ ಸಂತತಿ ಹೆಚ್ಚಿಸಿ, ಸಂರಕ್ಷಿಸಲು ಪ್ರಯತ್ನ ನಡೆಯುತ್ತಿವೆ. ಆದರೆ ವಾತಾವರಣದಲ್ಲಿ ಆಗುತ್ತಿರುವ ಬದಲಾವಣೆ ಈ ಪ್ರಾಣಿಗಳ ಸಂತತಿ ಅಳಿವಿಗೆ ಪ್ರಮುಖ ಕಾರಣವಾಗುತ್ತಿದೆ.