ಡ್ರೈವರ್‌ ಇಲ್ಲದೆ ಸ್ವಯಂ ಚಲಿಸಿ ಶೋ ರೂಂ ಪುಡಿ ಮಾಡಿದ ಟ್ಯಾಕ್ಟರ್, ವೀಡಿಯೋ ವೈರಲ್

Trends N Style

oi-Reena TK

By Reena Tk

Published: Saturday, March 4, 2023, 21:13 [IST]

ಡ್ರೈವರ್‌ ಇಲ್ಲದೆಯೇ ಸ್ಟಾರ್ಟ್‌ ಆಗಿ ಚಲಿಸಿದ ಟ್ಯಾಕ್ಟರ್, ಇಂಥದ್ದೊಂದು ವಿಚಿತ್ರ ಘಟನೆ ಯುಪಿಯಲ್ಲಿ ನಡೆದಿದೆ.

ಉತ್ತರ ಪ್ರದೇಶದ ಬಿಜಿನೋರ್‌ ಎಂಬಲ್ಲಿರುವ ಶೋ ರೂಂ ಅದು, ಹೊರಗಡೆ ಮಾರಾಟಕ್ಕಿರುವ ಟ್ಯಾಕ್ಟರ್ ನಿಲ್ಲಿಸಲಾಗಿತ್ತು. ಶೋ ರೂಂ ಕಡೆಗೆ ಮುಖ ಮಾಡುವಂತೆ ನಿಲ್ಲಿಸಲಾಗಿತ್ತು. ಎಲ್ಲರು ಅವರವರ ಕಾರ್ಯದಲ್ಲಿ ಮಗ್ನರಾಗಿದ್ದರೆ, ನೋಡಿದರೆ ಹೊರಗಡೆ ನಿಂತ ಟ್ಯಾಕ್ಟರ್ ಇದ್ದಕ್ಕಿದ್ದಂತೆ ಸ್ಟಾರ್ಟ್‌ ಆಯಿತು... ಆದರೆ ಟ್ಯಾಕ್ಟರ್‌ನಲ್ಲಿ ಡ್ರೈವರ್ ಮಾತ್ರ ಇರಲಿಲ್ಲ!

ಹೌದು ಅಚ್ಚರಿ ಅನಿಸಿದರೂ ಇದು ಸತ್ಯ, ಅದಕ್ಕೆ ಅಲ್ಲಿಯ ಸಿಸಿಟಿವಿ ಸಾಕ್ಷಿ, ಇದೀಗ ಆ ವೀಡಿಯೋ ಟ್ವಿಟರ್‌ನಲ್ಲಿ ತುಂಬಾ ಸದ್ದು ಮಾಡುತ್ತಿದೆ, ಜನರು ಈ ವೀಡಿಯೋ ನೋಡಿ, ಶೋ ರೂಮ್‌ ಆದ ಗತಿ ನೋಡಿ 'ಅಯ್ಯೋ ಶಿವನೇ' ಅಂತಿದ್ದಾರೆ.

ಶೋ ರೂಂ ಒಳಗಡೆ ರಿಸೆಪ್ಷನ್‌ನಲ್ಲಿ ಒಬ್ಬ ಕೂತು ಕೆಲಸ ಮಾಡುತ್ತಿದ್ದ, ನೋಡುತ್ತಾನೆ, ಹೊರಗಡೆ ನಿಂತ ಟ್ಯಾಕ್ಟರ್ ತನ್ನಿಂದ ತಾನೇ ಸ್ಟಾರ್ಟ್‌ ಆಗುತ್ತದೆ, ಆತ ಎದ್ದು ಹೊರಗಡೆ ಹೋಗುತ್ತಾನೆ, ಒಳಗಿದ್ದ ಮತ್ತೊಬ್ಬರು ಕೂಡ ಬರುತ್ತಾರೆ, ಅವರಿಗೆ ಏನು ಮಾಡಬೇಕೆಂದು ಏನೂ ತೋಚುವುದಿಲ್ಲ, ಹೀಗೆ ಶೋ ರೂಂನ 2-3 ಸ್ಟಾಫ್‌ ಹೊರಬಂದು ಟ್ಯಾಕ್ಟರ್ ನಿಲ್ಲಿಸುವ ಪ್ರಯತ್ನ ಮಾಡುತ್ತಾರೆ, ಆದರೆ ಟ್ಯಾಕ್ಟರ್ ಸ್ವಯಂ ಚಲಿಸುತ್ತಾ ಬಂದು ಶೋ ರೂಂ ಗ್ಲಾಸ್‌ ಡೋರ್‌ಗೆ ಹೊಡೆದು ಪುಡಿ ಪುಡಿ ಮಾಡಿದೆ, ನಂತರ ಅಲ್ಲಿಯ ಕೆಲಸಗಾರರಲ್ಲಿ ಒಬ್ಬ ಟ್ಯಾಕ್ಟರ್ ಏರಿ ಕುಳಿತು ಟ್ಯಾಕ್ಟರ್ ನಿಲ್ಲಿಸುತ್ತಾನೆ.

ಯಾವ ಕಾರಣಕ್ಕೆ ಟ್ಯಾಕ್ಟರ್ ಸ್ವಯಂ ಚಲಿಸಿತು ಎಂದು ಗೊತ್ತಿಲ್ಲ, ಈ ಕುರಿತು ಪೋಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಟ್ಯಾಕ್ಟರ್ ಸ್ವಯಂ ಚಲಿಸಿರುವುದು ಮಾತ್ರ ತುಂಬಾನೇ ಅಚ್ಚರಿಗೆ ಕಾರಣವಾಗಿದೆ.