Click it and Unblock the Notifications
Latest Updates
-
ಸುಪ್ರೀಂ ಕೋರ್ಟ್ ವಿಶೇಷ ಲೋಕ್ ಅದಾಲತ್: ವಿಚ್ಛೇದನ, ಕಸ್ಟಡಿ ಸಮಸ್ಯೆಗಳಿಗೆ ಇಲ್ಲಿದೆ ಸುಲಭ ಪರಿಹಾರ! -
ಅಪಾರ್ಟ್ಮೆಂಟ್ನಲ್ಲಿ ಪರಿಸರ ಸ್ನೇಹಿ ಗಣೇಶ ಹಬ್ಬ: ದಂಡ ತಪ್ಪಿಸಿ, ಸುಲಭವಾಗಿ ವಿಸರ್ಜನೆ ಮಾಡುವುದು ಹೇಗೆ? -
ಓಣಂ ಸದ್ಯದ ಸಂಭ್ರಮ: ಬೆಲೆ ಏರಿಕೆ ಮತ್ತು ಆರೋಗ್ಯದ ಚಿಂತೆಯಿಲ್ಲದೆ ಹಬ್ಬ ಆಚರಿಸುವುದು ಹೇಗೆ? -
ಆಗಸ್ಟ್ 2026 ಏಕಾದಶಿ: ಸ್ಮಾರ್ತ vs ವೈಷ್ಣವ ವ್ರತದ ದಿನಾಂಕಗಳ ಗೊಂದಲವೇ? ಮಧುಮೇಹಿಗಳಿಗೆ ಇಲ್ಲಿದೆ ಉಪವಾಸದ ಸೂತ್ರ! -
ರಾಷ್ಟ್ರೀಯ ಬಾಹ್ಯಾಕಾಶ ದಿನ 2026: ನಿಮ್ಮ ಮಕ್ಕಳೊಂದಿಗೆ ಚಂದ್ರನ ರಹಸ್ಯಗಳನ್ನು ಅನ್ವೇಷಿಸಲು ಇಲ್ಲಿದೆ ಬೆಸ್ಟ್ ಪ್ಲಾನ್! -
ಓಣಂ ಹಬ್ಬದ ಸಂಭ್ರಮ: ಮಳೆಯಲ್ಲೂ ಸ್ಟೈಲಿಶ್ ಆಗಿ ಕಾಣಲು ₹1,200 ರೊಳಗೆ ಬೆಸ್ಟ್ ಫ್ಯಾಷನ್ ಟಿಪ್ಸ್! -
ಮಳೆಗಾಲದಲ್ಲಿ ಹಿರಿಯರು ಜಾರಿ ಬೀಳುವ ಆತಂಕವೇ? ಸುರಕ್ಷಿತವಾಗಿರಲು ಈ 12 ನಿಮಿಷಗಳ ಚೇರ್-ಯೋಗ ಟ್ರೈ ಮಾಡಿ! -
ಹಿರಿಯರ ಆರೋಗ್ಯಕ್ಕೆ ದಿನಕ್ಕೆ 12 ನಿಮಿಷದ 'ಚೇರ್ ಯೋಗ': ಚೈತನ್ಯ ಮತ್ತು ಸಮತೋಲನಕ್ಕೆ ಇದುವೇ ಮಂತ್ರ! -
ಫ್ಯಾಮಿಲಿ ವಾಟ್ಸಾಪ್ ಗ್ರೂಪ್ನಲ್ಲಿ ರಾಜಕೀಯ ಜಗಳವೇ? ಈ ಟಿಪ್ಸ್ ಪಾಲಿಸಿ, ಸಂಬಂಧ ಉಳಿಸಿಕೊಳ್ಳಿ! -
ಓಣಂ ಹಬ್ಬದ ಸಂಭ್ರಮ: ಹೂವಿನ ಬೆಲೆ ಏರಿಕೆ ನಡುವೆ ಕಡಿಮೆ ದರದಲ್ಲಿ ಖರೀದಿಸಲು ಇಲ್ಲಿವೆ ಟಿಪ್ಸ್!
ಅಪ್ಪನ ಡ್ರೀಮ್ ಬೈಕ್ ಗಿಫ್ಟ್ ಮಾಡಿದ ಮಗ: ಅಪ್ಪನ ರಿಯಾಕ್ಷನ್ ನೋಡಿ ನೆಟ್ಟಿಗರೂ ಫುಲ್ ಖುಷ್
ಮಧ್ಯಮವರ್ಗದ ಕುಟುಂಬದಲ್ಲಿ ಮಕ್ಕಳ ಆಸೆಗಳನ್ನು ಪೂರೈಸಲು ಪೋಷಕರು ತಮ್ಮೆಲ್ಲಾ ಆಸೆಗಳನ್ನು ಬದಿಗಿಡುತ್ತಾರೆ. ಒಂದೊಳ್ಳೆ ಸ್ಕೂಟರ್ ಬೇಕು ಎಂಬ ಮನಸ್ಸಿರುತ್ತದೆ, ಆದರೆ ಮಕ್ಕಳ ಫೀಸ್ ಕಟ್ಟಿ, ಮಕ್ಕಳಿಗೆ ಬೇಕಾಗಿರುವುದನ್ನು ಕೊಡಿಸುವಷ್ಟರಲ್ಲಿ ಜೇಬು ಖಾಲಿ..ಸದಾ ಮಕ್ಕಳು-ಮಕ್ಕಳು ಅಂತ ತಮ್ಮೆಲ್ಲಾ ಆಸೆಗಳನ್ನು ಮರೆತು ಬಿಡುತ್ತಾರೆ...
ಮಕ್ಕಳು ಬೆಳೆದು ದೊಡ್ಡವರಾದ ಮೇಲೆ ತಮ್ಮ ಪೋಷಕರ ಮನಸ್ಸು ಅರಿತು ನಡೆದುಕೊಂಡರೆ ಅವರೆಷ್ಟು ಖುಷಿ ಪಡುತ್ತಾರೆ ಎಂಬುವುದಕ್ಕೆ ಈ ವೀಡಿಯೋನೇ ಸಾಕ್ಷಿ. ಇದರಲ್ಲಿ ಮಗ ಅಪ್ಪನ ಹುಟ್ಟು ಹಬ್ಬಕ್ಕೆ ಬೈಕ್ ಉಡುಗೊರೆ ನೀಡಿದಾಗ ಆ ತಂದೆಯ ಮುಖದಲ್ಲಿ ಮೂಡಿದ ಖುಷಿ ನೋಡಿ ನೆಟ್ಟಿಗರು ತುಂಬಾನೇ ಇಷ್ಟಪಡುತ್ತಿದ್ದಾರೆ.
ಬೈಕ್ ಕೀಯನ್ನು ಗಿಫ್ಟ್ ಪ್ಯಾಕ್ ಮಾಡಿದ ರೀತಿಯಲ್ಲಿ ತಂದೆಗೆ ಕೊಡ್ತಾನೆ, ತಂದೆ ಓಪನ್ ಮಾಡಿ ನೋಡಿದರೆ ಬೈಕ್ ಕೀ... ನಂತರ ಮಗ ನೀಡಿದ ಬೈಕ್ ಏರಿ ಕೂರುವ ತಂದೆಯ ಖುಷಿ ಹೇಳತೀರದು.. ಈ ಎಲ್ಲಾ ಸುಂದರ ಕ್ಷಣಗಳನ್ನು ಮಗ ವೀಡಿಯೋ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದು ವೀಡಿಯೋ ತುಂಬಾನೇ ವೈರಲ್ ಆಗಿದೆ.
ಈ ವೀಡಿಯೋವನ್ನು ಉಜ್ವಲ್ ಸಿದ್ನಾಗ್ ಶೇರ್ ಮಾಡಿ, ತನ್ನ ತಂದೆಗೆ ಏಕೆ ನಾನು ಆ ಬೈಕ್ ಕೊಡಿಸಬೇಕೆಂದು ಯೋಚಿಸಿದೆ ಎಂಬುವುದನ್ನು ಬರೆದುಕೊಂಡಿದ್ದಾರೆ.
'ನಿಮ್ಮ ಬಗ್ಗೆ ಹೇಳಿಕೊಳ್ಳಲು ಪದಗಳೇ ಸಿಗ್ತಾ ಇಲ್ಲ, ನೀವೇ ನನ್ನ ಸೂಪರ್ಮ್ಯಾನ್, ನೀವು ತುಂಬಾ ಒಳ್ಳೆಯವರು. ನನ್ನ ತಂದೆ ಯಾವಾಗಲೂ ನನ್ನಜ್ಜನ ಬೈಕ್ ತುಂಬಾ ಇಷ್ಟಪಡುತ್ತಿದ್ದರು, ನನ್ನಜ್ಜ ಸಬ್ಇನ್ಸ್ಪೆಕ್ಟರ್ ಆಗಿದ್ದರು, ಅವರಿಗೆ ಡಿಪಾರ್ಟ್ಮೆಂಟ್ ಬೈಕಾಗಿತ್ತು, ಕಳೆದ ವರ್ಷದವರೆಗೆ ನನ್ನ ತಂದೆಗೆ ನಾನು ಕೊಡಿಸಿದ ಬೈಕ್ ತುಂಬಾ ಇಷ್ಟ ಇತ್ತು ಎಂದು ಗೊತ್ತೇ ಇರಲಿಲ್ಲ, ಒಮ್ಮೆ ಹಾಗೇ ಸುಮ್ಮನೆ ಶೋ ರೂಮ್ಗೆ ಹೋದ್ವಿ, ಆಗ ಅಪ್ಪ ಈ ಬೈಕ್ಗೆ ತುಂಬಾನೇ ಬೆಲೆ,ನಮ್ಮಿಂದ ಇದು ಖರೀದಿಸಲು ಸಾಧ್ಯವಿಲ್ಲ ಎಂದಿದ್ದರು, ಆಗ ನನಗೆ ಅವರಿಗೆ ಆ ಬೈಕ್ ಎಂದರೆ ಎಷ್ಟು ಇಷ್ಟ ಎಂಬುವುದು ಗೊತ್ತಾಯ್ತು. ಏಕೆಂದರೆ ಅದೇ ಬೈಕ್ನ ಹಳೆಯ ಮಾಡಲ್ ನನ್ನಜ್ಜ ಬಳಸುತ್ತಿದ್ದರು, ಈ ಬೈಕ್ ಅದರ ಹೊಸ ವರ್ಸನ್. ಆಗ ನನಗೆ ಅಪ್ಪನಿಗೆ ಕೊಡಿಸಲು ಈ ಬೈಕ್ ಕೊಡಿಸುವುದಕ್ಕಿಂತ ದೊಡ್ಡ ಗಿಫ್ಟ್ ಬೇರೆಯಿಲ್ಲ ಎಂಬುವುದು ತಿಳಿಯಿತು, ಅವರ ಕನಸುಗಳನ್ನು ನನಸು ಮಾಡಲು ಶಕ್ತಿ ನೀಡಿದ ದೇವರಿಗೆ ಧನ್ಯವಾದಗಳು, ಇವತ್ತು ನಾನು ಏನಾಗಿದ್ದೇನೆ ಅದು ನಿಮ್ಮಿಂದಾಗಿ, ನಿಮ್ಮ ಬೆಂಬಲದಿಂದಾಗಿ. ನನಗೆ ಈಗಲೂ ನೆನಪಿದೆ ' ನಾನು ಕೆಲಸ ಬಿಟ್ಟು ಬ್ಯುಸ್ನೆಸ್ ಮಾಡ್ತೀನಿ ಎಂದಾಗ ನಿನಗೆ ಏ ಏನು ಖುಷಿ ಕೊಡುತ್ತದೋ ಅದನ್ನು ಮಾಡು ಅಂದಿದ್ದೀರಿ, ಇದಕ್ಕಿಂತ ಹೆಚ್ಚಿನದು ನಾನೇನು ಕೇಳಲು ಸಾಧ್ಯ, ಇದು ನನ್ನ ಜೀವನದ ಅತ್ಯಾದ್ಭುತ ದಿನವಾಗಿದೆ' ಎಂದು ಬರೆದುಕೊಂಡಿದ್ದಾರೆ.
ಈ ಅಪ್ಪ-ಮಗನ ನೋಡಿ ನೆಟ್ಟಿಗರು ತುಂಬಾನೇ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
Continue with Google