ಕಳ್ಳನ ರೀತಿ ಬಂದು ಚಪ್ಪಲಿ ತಗೊಂಡು ಓಡಿದ ಹಾವು: ನಕ್ಕು-ನಕ್ಕು ಹೊಟ್ಟೆ ಹುಣ್ಣಾಗಿಸುವ ವೀಡಿಯೋ

ಕೆಲವೊಮ್ಮೆ ಇಂಟರ್‌ನೆಟ್‌ನಲ್ಲಿ ಹರಿದಾಡುವ ವೀಡಿಯೋಗಳು ಸಿಕ್ಕಾಪಟ್ಟೆ ಫನ್ನಿಯಾಗಿದ್ದು ವೈರಲ್‌ ಆಗುತ್ತವೆ. ಅಂಥದ್ದೇ ಒಂದು ವೀಡಿಯೋವನ್ನು ಪ್ರವೀಣ್‌ ಕಶ್ವಾನ್‌ ಎಂಬ ಐಎಫ್‌ಎಸ್‌ ಆಫೀಸರ್‌ ಶೇರ್ ಮಾಡಿದ್ದು ಈ ವೀಡಿಯೋ ವೈರಲ್‌ ಆಗಿದೆ. ಇಂಥ ದೃಶ್ಯ ಬಹುಶಃ ನೀವು ನೋಡಿರಲಿಕ್ಕೆ ಸಾಧ್ಯನೇ ಇಲ್ಲ.

ಈ ವೀಡಿಯೋದಲ್ಲಿ ಹಾವು ಚಪ್ಪಲಿ ತೆಗೆದುಕೊಂಡು ಹೋಗುವುದನ್ನು ನೋಡಬಹುದು. ಹಾವೊಂದು ಅಂಗಳಕ್ಕೆ ಬರುತ್ತದೆ. ಅಲ್ಲಿಗೆ ಬಂದ ಹಾವು ಅಲ್ಲಿ ಬಿದ್ದಿದ್ದ ಹವಾಯಿ ಚಪ್ಪಲಿ ಕಚ್ಚಲಾರಂಭಿಸುತ್ತದೆ. ಅಂಗಳಕ್ಕೆ ಹಾವು ಬಂದಿರುವುದನ್ನು ನೋಡಿ ಬೊಬ್ಬೆ ಹಾಕುವುದು ಸ್ವಾಭಾವಿಕ. ಅದರಂತೆ ಜನ ಬೊಬ್ಬೆ ಹಾಕುತ್ತಾರೆ, ಹಾವು ಆ ಹವಾಯಿ ಚಪ್ಪಲಿ ತೆಗೆದುಕೊಂಡು ಓಡಿ ಹೋಗುತ್ತೆ. ಹಾವು ಹೋಯ್ತು, ಚಪ್ಪಲಿ ಹೋಯ್ತು... ಈ ವೀಡಿಯೋ ನೋಡಿದವರು ಬಿದ್ದು ಬಿದ್ದು ನಗುತ್ತಿದ್ದಾರೆ. ಅಷ್ಟಕ್ಕೂ ಆ ಹಾವಿಗೆ ಏಕೆ ಚಪ್ಪಲಿ ಎಂಬುವುದು ದೇವರಿಗೇ ಗೊತ್ತು.

ಇದು ನಾಗಿಣಿ ಆಗಿರಬೇಕು, ಅದರ ನಾಗರಾಜನಿಗಾಗಿ ಚಪ್ಪಲಿ ತೆಗೆದುಕೊಂಡು ಹೋಗಿದೆ ಎಂದು ಒಬ್ಬ ಪ್ರತಿಕ್ರಿಯಿಸಿದರೆ
ಅರೇ, ಆ ಹಾವು ನೋಡಿ ಎಷ್ಟೊಂದು ಚುರುಕಾಗಿ ಚಪ್ಪಲಿ ತೆಗೆದುಕೊಂಡು ಹೋಯ್ತು ಎಂದು ಪ್ರತಿಕ್ರಿಯಿಸಿದ್ದಾರೆ.

ನನಗೆ ಅನಿಸುತ್ತೆ ಯಾರೋ ಚಪ್ಪಲಿಯಲ್ಲಿ ಹಾವಿಗೆ ಹೊಡೆದಿರಬೇಕು, ಅದಕ್ಕೆ ಚಪ್ಪಿಲಿ ತಗೊಂಡು ಹೋಗಿರಬಹುದು ಎಂದು ಮತ್ತೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

ಈ ವೀಡಿಯೋ ನೋಡಿದವರು ತಮ್ಮದೇ ಫನ್ನಿ ಹೇಳಿಕೆ ಮೂಲಕ ಪ್ರತಿಕ್ರಿಯಿಸುತ್ತಿದ್ದು ಹಾವು ಮಾಡಿದ ಕಾರ್ಯ ನೋಡಿ ನಗುತ್ತಿದ್ದಾರೆ.

ಇಂಥ ಕೆಲ ವಿಚಿತ್ರ ವೀಡಿಯೋಗಳು ಮನುಷ್ಯನ ಮುಖದಲ್ಲಿ ನಗು ತರಿಸುತ್ತಿರುವುದರಲ್ಲಿ ನೋ ಡೌಟ್‌, ಆದ್ದರಂದಲೇ ಜನ ಇಂಥ ವೀಡಿಯೋ ನೋಡಲು ಇಷ್ಟಪಡುತ್ತಾರೆ, ಈ ವೀಡಿಯೋ ನೋಡಿ ನಿಮಗೇನಿಸಿತ್ತು ಕಮೆಂಟ್ ಮಾಡಿ....