ಚಲಿಸುತ್ತಿರುವ ಲಾರಿಯಲ್ಲಿ ಸ್ಟಂಟ್‌ ಮತ್ತೆ ಏನಾಯ್ತು ನೋಡಿ ಈ ಭೂಪನಿಗೆ: ವೈರಲ್‌ ವೀಡಿಯೋ

ಚಲಿಸುತ್ತಿರುವ ಟ್ಯಾಂಕರ್‌ ಲಾರಿ ಮೇಲೆ ಶಕ್ತಿಮಾನ್ ಸ್ಟಂಟ್‌ ಮಾಡಿದ ಯುವಕ, ನಂತರ ಆಗಿದ್ದೇ ಬೇರೆ, ವೀಡಿಯೋ ನೋಡಿದವರು ಬೇಕಿತ್ತಾ ಮಗನೇ ನಿಂಗೆ... ಎನ್ನುತ್ತಿದ್ದಾರೆ

ಈ ಸ್ಟಂಟ್‌ ಮಾಡುವ ಹುಚ್ಚು ಇದೆಯೆಲ್ಲಾ ಅದು ಎಂಥ ಅಪಾಯವನ್ನು ತರುತ್ತದೆ ಎಂಬುವುದಕ್ಕೆ ಈ ವೀಡಿಯೋನೇ ಸಾಕ್ಷಿ. ಈ ರೀತಿ ಹುಚ್ಚುತನ ಮಾಡುವವರ ಮೇಲೆ ಕೇಸ್‌ ದಾಖಲಿಸಿ ಸರಿಯಾದ ಶಿಕ್ಷೆ ನೀಡಬೇಕು, ಈ ಸೋಷಿಯಲ್‌ ಮೀಡಿಯಾದಲ್ಲಿ ಫೇಮಸ್ ಆಗುವ ಕ್ರೇಝ್‌ ಇದೆಯೆಲ್ಲಾ ಅದು ಅವರಿಂದ ಈ ರೀತಿಯ ಹುಚ್ಚುತನ ಮಾಡಿಸುತ್ತೆ. ಇತ್ತೀಚೆಗೆ ಒಬ್ಬರು ಹುಡುಗರು ಕರೆಂಟ್‌ ಲೈನ್‌ನ ತಂತಿಗಳಲ್ಲಿ ಸ್ಟಂಟ್‌ ಮಾಡಿದ್ದರು, ಕರೆಂಟ್‌ ಇಲ್ಲ ಎಂದು ಸ್ಟಂಟ್‌ ಮಾಡೋಕೆ ಹೋಗಿದ್ದರು, ಎಲ್ಲಾದರೂ ಕರೆಂಟ್‌ ಬಂದಿದ್ದರೆ ಜೀವನ ಅಲ್ಲಿಗೆ ಸ್ತಬ್ಧವಾಗುತ್ತಿತ್ತು.

ಇಲ್ಲಿ ಕೂಡ ಈ ಭೂಪ ಚಲಿಸುತ್ತಿರುವ ಟ್ಯಾಂಕರ್ ಲಾರಿ ಮೇಲೆ ಸ್ಟಂಟ್ ಮಾಡೋಕೆ ಹೋಗಿದ್ದಾರೆ. ಅದೂ ಶಕ್ತಿ ಮಾನ್‌ ಸ್ಟಂಟ್‌ ಅಂತೆ, ಈಗ ಚಲಿಸಲೂ ಶಕ್ತಿ ಇಲ್ಲದೆ ಬಿದ್ದಿದ್ದಾನೆ.

ಟ್ಯಾಂಕರ್‌ ಲಾರಿ ಚಲಿಸುತ್ತಿರುತ್ತದೆ ಅದರ ಮೇಲೆ ಕೆಲವೊಂದು ಪುಶ್‌ಅಪ್ ಮಾಡುತ್ತಾನೆ, ನಂತರ ಎದ್ದು ನಿಲ್ಲುತ್ತಾನೆ, ಏನೋ ಸ್ಟಂಟ್‌ ಮಾಡೋಕೆ ಹೋಗ್ತಾನೆ ಅಷ್ಟೇ ನಂತರ ಕಾಣುವುದು ಏಳಲಿಕ್ಕೂ ಸಾಧ್ಯವಾಗದೆ ಚಾಪೆ ಮೇಲೆ ಮಲಗಿರುವನನ್ನು, ಇಂಥವರನ್ನು ನೋಡುವಾಗ ಕನಿಕರ ಬರಲ್ಲ, ಬದಲಿಗೆ ನಿನಗೆ ನೀನೇ ಮಾಡಿಕೊಂಡಿರುವುದು ತಾನೇ ಅನುಭವಿಸು ಅಂತ ನೆಟ್ಟಿಗರು ಹೇಳುತ್ತಿದ್ದಾರೆ.