ತನ್ನ ಕೇರ್‌ಟೇಕರ್‌ ನೋಡಿದಾಗ ಕುಣಿದು ಕುಪ್ಪಳಿಸಿದ ಘೆಂಡಾಮೃಗ: ಈ ಕ್ಯೂಟ್‌ ವೀಡಿಯೋ ಆಯ್ತು ತುಂಬಾನೇ ವೈರಲ್

ಪ್ರಾಣಿಗಳಿಗೆ ಹತ್ತಿರವಾಗಿರುವವರಿಗೆ ಮಾತ್ರ ಅದು ತೋರುವ ಪ್ರೀತಿಯ ಮೌಲ್ಯ ಗೊತ್ತಿರುತ್ತದೆ. ಮೂಕ ಪ್ರಾ ಣಿಗಳ ಪ್ರೀತಿಯಲ್ಲಿ ಯಾವುದೇ ಕಪಟವಿರಲ್ಲ. ಅವು ನಮ್ಮನ್ನು ಹಚ್ಚಿಕೊಂಡರೆ ನಮಗೆ ಅವುಗಳನ್ನು ಬಿಟ್ಟು ಒಂದು ಕ್ಷಣ ಇರಲೂ ಸಾಧ್ಯವಾಗುವುದಿಲ್ಲ ಎಷ್ಟೊಂದು ಕ್ಯೂಟ್‌.

ಇದೀಗ ಅಂಥದ್ದೊಂದು ವೈರಲ್‌ ವೀಡಿಯೋ ಟ್ವಿಟರ್‌ನಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಮೃಗಾಲಯದಲ್ಲಿರುವ ಘೆಂಡಾಮೃಗ ತನ್ನನ್ನು ನೋಡಿಕೊಳ್ಳುತ್ತಿರುವ(ಕೇರ್‌ ಟೇಕರ್) ಬಂದಾಗ ಕುಣಿದು ಕುಪ್ಪಳಿಸುತ್ತಿರುವ ತುಂಬಾನೇ ಗಮನ ಸೆಳೆದಿದೆ. ಟ್ವಿಟರ್‌ನಲ್ಲಿ B&S ಎಂಬ ಳಕೆದಾರರು ನವೆಂಬರ್ 11ಕ್ಕೆ ಈ ವೀಡಿಯೋ ಹಂಚಿಕೊಂಡಿದ್ದು ಅಲ್ಲಿಂದ ಇಲ್ಲಿಯವರೆಗೆ 7 ಮಿಲಿಯನ್‌ಗೂ ಅಧಿಕ ವ್ಯೂವ್ಸ್ ಬಂದಿದೆ.

ಈ ವೀಡಿಯೋದಲ್ಲಿ ಘೆಂಡಾಮೃಗ ಬೇಲಿಯೊಳಗೆ ನಿಂತಿದೆ, ಕೆಲವೇ ಕ್ಷಣಗಳಲ್ಲಿ ಅಲ್ಲಿಗೆ ಕೇರ್‌ ಟೇಕರ್ ಬರುತ್ತಾರೆ, ಅವರನ್ನು ನೋಡುತ್ತಿದ್ದಂತೆ ಘೆಂಡಾಮೃಗ ಕುಣಿದಾಡಲಾರಂಭಿಸುತ್ತದೆ.

ಇವರಿಬ್ಬರ ಸಂಬಂಧ ನೋಡಿ ತುಂಬಾ ಕ್ಯೂಟ್‌ ಎಂದು ಪ್ರತಿಕ್ರಿಯಿಸುತ್ತಿದ್ದಾರೆ. ಕೆಲವರು ಕಾಡುಪ್ರಾಣಿಗಳಲ್ಲಿ ಹೀಗೆ ಒಂಟಿಯಾಗಿ ಬಂಧಿಸಿಡುವುದು ಸರಿಯಲ್ಲ ಎಂಬ ಅಭಿಪ್ರಾಯ ಕೂಡ ಹೇಳುತ್ತಿದ್ದಾರೆ.
ಏನೇ ಆಗಲಿ ಪ್ರೀತಿಯಿಂದ ನೋಡಿಕೊಂಡರೆ ಕ್ರೂರ ಪ್ರಾಣಿಗಳೂ ಕೂಡ ಅಷ್ಟೇ ಪ್ರೀತಿಸುತ್ತವೆ ಎಂಬುವುದಕ್ಕೆ ಇದು ನಿದರ್ಶನ.