ವಾವ್‌! ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಹೀಗೊಂದು ರೆಸ್ಟೋರೆಂಟ್

ಭವಿಷ್ಯದ ಹೋಟೆಲ್ ಹೀಗಾಗಬಹುದಾ?

Image Courtesy

ಜನರು ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು, ಗ್ರಾಹಕರನ್ನೂ ಸೆಳೆಯಬೇಕು ಎಂದು ಯೋಚಿಸುತ್ತಿದ್ದ ನೆದರ್‌ಲ್ಯಾಂಡ್‌ನ ಮೀಡಿಯಾಮೇಟಿಕ್ ಈಟೆನ್ ಎಂಬ ರೆಸ್ಟೋರೆಂಟ್‌ ಅದ್ಭುತವಾದ ಐಡಿಯಾ ಮಾಡಿದೆ. ಪ್ರತ್ಯೇಕ ಕ್ವಾರೆಂಟೈನ್‌ ಗ್ರೀನ್‌ ಹೌಸಸ್‌ ಮಾಡಿ ಗ್ರಾಹರಿಗೆ ಆಹಾರ ನೀಡುತ್ತಿದೆ.

ಸದ್ಯಕ್ಕೆ ಇದೀಗ ಟ್ರಯಲ್‌ನಲ್ಲಿದೆ. ಹೋಟೆಲ್‌ನ ಉದ್ಯೋಗಿಗಳು, ಕುಟುಂಬಸ್ಥರಿಗೆ ಈ ಹೋಟೆಲ್‌ ಸರ್ವ್‌ ಮಾಡುತ್ತಿದೆ. ಇದರ ವಿನ್ಯಾಸವನ್ನು ಇನ್ನೂ ಸ್ವಲ್ಪ ಮಾಡಲಿದ್ದು ಅದು ಮುಗಿದ ಮೇಲೆ ಗ್ರಾಹರಿಕೆ ಬರಲು ಅವಕಾಶ ನೀಡಲು ಕಂಪನಿ ಚಿಂತನೆ ಮಾಡಿದೆ.

ಕೋವಿಡ್‌ 19 ಭಯ ಪಡೆಯದೆ ಆಹಾರ ಸವಿಯಬಹುದು

ಇಲ್ಲಿಗೆ ಕುಟುಂಬಸ್ಥರ ಜೊತೆ ಪ್ರತ್ಯೇಕ ಹೋಗಿ ಕೂರಬಹುದು ಹಾಗೂ ಗ್ಲಾಸ್‌ನಿಂದ ಮಾಡಿರುವುದರಿಂದ ಯಾರೂ ಕೆಮ್ಮಿದರೂ, ಸೀನಿದರೂ ಈ ಕೋಣೆಯಲ್ಲಿ ಕೂತು ತಿಂದರೆ ಅವರು ಸುರಕ್ಷಿತ. ಇನ್ನು ಮುಂದೆ ಇಂತಹ ಸಾಕಷ್ಟು ಹೋಟೆಲ್‌ಗಳು ಬರುವುದರಲ್ಲಿ ನೋ ಡೌಟ್.

ಹೋಟೆಲ್‌ ಉದ್ಯಮದಲ್ಲಿ ಹೊಸ ಟ್ರಯಲ್

Image Courtesy

ಇದೊಂದು ನಾನ್‌ವೆಜ್‌ ಹೋಟೆಲ್‌ ಆಗಿದ್ದು, ಸದ್ಯಕ್ಕೆ ಇಲ್ಲಿ ವೆಜ್‌ ಆಹಾರಗಳನ್ನು ನೀಡಲಾಗುತ್ತಿದೆ. ಅದರಲ್ಲೂ ನಾಲ್ಕು ಬಗೆಯ ಆಹಾರಗಳಷ್ಟೇ ಸಿಗುತ್ತಿವೆ. ಹೋಟೆಲ್‌ ವಿನ್ಯಾಸ ಪೂರ್ಣಗೊಂಡ ಮೇಲೆ ರುಚಿಕರವಾದ ಮೆನುವಿನೊಂದಿಗೆ ಈ ಹೋಟೆಲ್‌ ಗ್ರಾಹರಕನ್ನು ಸ್ವಾಗತಿಸಲಿದೆ.

ಭಾರತದಲ್ಲಿಯೂ ಕಾಣಬಹುದೇ ಇಂಥ ರೆಸ್ಟೋರೆಂಟ್?

Image Courtesy

ಇದೀಗ ಭಾರತದಲ್ಲಿಯೂ ಮೆಲ್ಲ-ಮೆಲ್ಲನೆ ಲಾಕ್‌ಡೌನ್‌ ಸಡಲಿಕೆ ಆಗುತ್ತಿದೆ. ಆದರೆ ಕೇಸ್‌ಗಳು ಅಧಿಕವಾಗುತ್ತಿದೆ. ಇದು ನಿಜಕ್ಕೂ ಆತಂಕದ ಸಂಗತಿ. ಮುಂದೆ ಈ ರೀತಿಯ ಆತಂಕ ಎಷ್ಟು ದಿನ ಇರುತ್ತದೆ ಎಂದು ಯಾರಿಗೂ ಹೇಳಲು ಸಾಧ್ಯವಾಗುತ್ತಿಲ್ಲ. ಏಕೆಂದರೆ ಈ ಪಿಡುಗಿನಿಂದ ಪಾರಾಗಲು ಇನ್ನುನ ಔಷಧಿಯೂ ಸಿಕ್ಕಿಲ್ಲ, ಮಹಾಮಾರಿ ಕಡಿಮೆಯೂ ಆಗುತ್ತಿಲ್ಲ. ವೈರಸ್‌ನೊಂದಿಗೆ ಜೀವಿಸುವ ಸ್ಕಿಲ್ ಕಲಿಯಬೇಕಾಗಿದೆ. ಜನರು ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಇಂಥ ಹೋಟೆಲ್‌ಗಳು ಸಾಕಷ್ಟು ಹುಟ್ಟಿಕೊಳ್ಳುವುದು ಗ್ಯಾರಂಟಿ, ನಾವು ಏನೇ ಮಾಡಿದರು ಅದರಲ್ಲಿ ಮೊದಲೇ ಪ್ರಾಮುಖ್ಯತೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಹೇಗೆ ಎಂಬುವುದಾಗಿದೆ ಅಲ್ವಾ?