ಕೊರೊನಾವೈರಸ್ ತಡೆಗೆ ಬಾಯ್‌ಫ್ರೆಂಡ್‌ ವೀರ್ಯವೇ ಈಕೆಗೆ ಔಷಧಿ

ರೋಗ ನಿರೋಧ ಶಕ್ತಿ ಹೆಚ್ಚಿಸಲು ವೀರ್ಯ ಬಳಸುವ ಮಹಿಳೆ

ಈಕೆಯ ಹೆಸರು ಟ್ರೇಸಿ ಕಿಸ್, 32 ವರ್ಷದ ಈಕೆಗೆ ಮೂರು ವರ್ಷಗಳಿಂದ ಒಂದು ಚಿಕ್ಕ ನೆಗಡಿ ಕೂಡ ಬಂದಿಲ್ವಂತೆ. ಅದಕ್ಕೆ ಕಾರಣ ಬಾಯ್‌ಫ್ರೆಂಡ್‌ನ ವೀರ್ಯವನ್ನು ದಾನವಾಗಿ ಪಡೆದು ಅದರಿಂದ ಸ್ಮೂತಿ ಮಾಡಿ ಕುಡಿಯುತ್ತಿರುವುದು ಎಂದು ಆಕೆಯೇ ಹೇಳಿದ್ದಾಳೆ.

ಆಕೆ ವೇಗನ್ ಡಯಟ್ ಫಾಲೋ ಮಾಡುತ್ತಿದ್ದು ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಬಾಯ್‌ಫ್ರೆಂಡ್‌ನ ವೀರ್ಯವನ್ನು ಆಹಾರದಲ್ಲಿ ಸೇವಿಸುತ್ತಿದ್ದಾರೆ. ' ರೋಗ ನಿರೋಧಕ ಔಷಧಿಗಳಲ್ಲಿ ರಾಸಾಯನಿಗಳಿರುತ್ತವೆ, ಅದರ ಬದಲಿಗೆ ರಾಸಾಯನಿಕ ಮುಕ್ತ ಪಾನೀಯ ಸೇವನೆ ಒಳ್ಳೆಯದು' ಎನ್ನುತ್ತಾರೆ ಟ್ರೇಸಿ ಕ್ರಿಸ್.

ಎರಡು ಮಕ್ಕಳ ತಾಯಿಯಾಗಿರುವ ಟ್ರೇಸಿ ಕಿಸ್‌ನ ಎರಡನೇ ಮಗು ತುಂಬಾ ಚಿಕ್ಕದಾಗಿದ್ದು ಅದಕ್ಕೆ ಹಾಲುಣಿಸುತ್ತಿದ್ದಾರೆ. ಎದೆ ಹಾಲುಣಿಸುವ ತಾಯಿ ಪೋಷಕಾಂಶವಿರುವ ಆಹಾರ ಸೇವಿಸಬೇಕು. ಹಾಗಾಗಿ ಈ ಸ್ಮೂತಿಗೆ ಹೆಚ್ಚು ಒತ್ತು ನೀಡುತ್ತಿದ್ದಾರೆ.

ವೀರ್ಯದಿಂದ ಸ್ಮೂತಿ

'ಇದು ಎಲ್ಲರೂ ಬಳಸುವುದಿಲ್ಲ, ಆದರೆ ಈ ಸ್ಮೂತಿಯಲ್ಲಿ ವಿಟಮಿನ್ಸ್ ತುಂಬಿವೆ. 2017ರಿಂದ ಇದನ್ನು ಬಳಸುತ್ತಿದ್ದೇನೆ. ಇದುವರೆಗೆ ಯಾವುದೇ ಆರೋಗ್ಯ ಸಮಸ್ಯೆ ಬಂದಿಲ್ಲ, ಅಲ್ಲದೆ ಸೌಂದರ್ಯ ವೃದ್ಧಿಗಾಗಿ ಇದನ್ನು ಮುಖಕ್ಕೆ ಹಚ್ಚುತ್ತೇನೆ' ಎನ್ನುತ್ತಾರೆ ಕಿಸ್.

ಆದರೆ ಕಿಸ್‌ ನೀಡಿದ ಈ ಸಲಹೆ ಇನ್ನೂ ವಿಶ್ ಆರೋಗ್ಯ ಸಂಸ್ಥೆ ಪರಿಶೀಲನೆ ನಡೆಸಿಲ್ಲ. ಕೊರೊನಾವೈರಸ್ ತಡೆಗಟ್ಟಲು ಆಗಾಗ ಕೈ ತೊಳೆಯಿರಿ, ಸ್ಯಾನಿಟೈಸರ್ ಬಳಸಿ, ಜನರಿಂದ ಅಂತರ ಕಾಯ್ದುಕೊಳ್ಳಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.

ವೀರ್ಯ ಸಂಗ್ರಹಿಸಿ ಬಳಸುವ ಟ್ರೇಸಿ

ಟ್ರೇಸಿ ಹೇಳುವ ಪ್ರಕಾರ ತನ್ನ ಬಾಯ್‌ಫ್ರೆಂಡ್‌ನ ವೀರ್ಯ ಸಂಗ್ರಹಿಸಿ ಐಸ್‌ಕ್ಯೂಬ್‌ ಟ್ರೇಯಲ್ಲಿ ಹಾಕಿ ಫ್ರಿಡ್ಜ್‌ನಲ್ಲಿ ಇಡುತ್ತಾರೆ. ನಂತರ ಅದನ್ನು ಬಾಳೆ ಹಣ್ಣು ಅಥವಾ ಇತರ ಹಣ್ಣುಗಳ ಜೊತೆ ಮಿಶ್ರ ಮಾಡಿ ಸ್ಮೂತಿ ಮಾಡಿ ಕುಡಿಯುತ್ತಾರಂತೆ. ಈ ರೀತಿ ವಾರದಲ್ಲಿ 3 ಬಾರಿ ಬಳಸುತ್ತಾರೆ.

' ನಾನು ಆರೋಗ್ಯಕ್ಕೆ ತುಂಬಾ ಗಮನ ಕೊಡುತ್ತೇನೆ. ಜನರು ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಹೊಸ ವಿಧಾನ ಅನುಸರಿಸುವುದು ಒಳ್ಳೆಯದು. ರೋಗ ಲಕ್ಷಣ ಕಂಡು ಬಂದ ಮೇಲೆ ಔಷಧಿ ಮಾಡುವುದಕ್ಕಿಂತ ಅದಕ್ಕಿಂತ ಮೊದಲೇ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವುದು ಒಳ್ಳೆಯದು ಎಂದಿದ್ದಾರೆ.

ಬಾಯ್‌ಫ್ರೆಂಡ್‌ ಇಲ್ಲ ಎನ್ನುವವರು ನಿಮ್ಮ ಆರೋಗ್ಯವಂತ ಸ್ನೇಹಿತರ ಬಳಿ ಕೇಳಿ ಇದನ್ನು ಬಳಸಬಹುದು ಎನ್ನುತ್ತಾರೆ ಟ್ರೇಸಿ.

ಸೌಂದರ್ಯ ವೃದ್ಧಿಯಲ್ಲೂ ವೀರ್ಯ ಬಳಕೆ

ವೀರ್ಯವನ್ನು ಕೆಲವರು ಸೌಂದರ್ಯ ವೃದ್ಧಿಗೆ ಫೇಶಿಯಲ್‌ನಲ್ಲಿ ಬಳಸುತ್ತಾರೆ. ಆದರೆ ವೀರ್ಯದಿಂದ ಸ್ಮೂತಿ ಮಾಡಿ ಕುಡಿಯುವುದನ್ನು ಇದೇ ಮೊದಲ ಬಾರಿಗೆ ಈ ಮಹಿಳೆ ಹೇಳಿದ್ದಾರೆ. ವೀರ್ಯ ಪಡೆಯುವ ವ್ಯಕ್ತಿ ಆರೋಗ್ಯವಂತರಲ್ಲದಿದ್ದರೆ ಅವರ ಕಾಯಿಲೆಯೂ ಹರಡುವ ಸಾಧ್ಯತೆ ಇದೆ.

ಟ್ರೇಸಿ ಕಿಸ್ ನೀಡಿದ ಸಲಹೆ ಬಳಸುವುದು ಅವರವರ ಮನಸ್ಥಿತಿಗೆ ಬಿಟ್ಟದ್ದು. ಇದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ ಎಂಬುವುದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ.