ಮೊಸಳೆಯನ್ನು ಮದುವೆಯಾದ ಮೆಕ್ಸಿಕೋ ಮೇಯರ್‌: ವಿಚಿತ್ರ ಘಟನೆಯ ಫೋಟೋಗಳು ವೈರಲ್

ಮದುಮಗಳಂತೆ ಅಲಂಕರಿಸಿಕೊಂಡು ಮೊಸಳೆಯನ್ನು ಮದುವೆಯಾದ ಮೇಯರ್

ಮೇಯರ್ ಅಲ್ಲಿ ಮೀನು ಹಿಡಿಯುವವರು ಅಧಿಕವಿರುವ ಚಿಕ್ಕ ಹಳ್ಳಿಯಿಂದ ಬಂದವರಾಗಿದ್ದು ಅಲ್ಲಿಯ ಸಂಪ್ರದಾಯದಂತೆ ಮೊಸಳೆಯನ್ನು ಮದುವೆಯಾಗಿದ್ದು ಅದಕ್ಕೆ ಮುತ್ತಿಟ್ಟಿದ್ದಾರೆ, ಈಗ ಆ ಫೋಟೋಗಳು, ವೀಡಿಯೋಗಳು ನೆಟ್ಟಿಗರ ಗಮನ ಸೆಳೆದಿದೆ.

ಪ್ರಕೃತ್ತಿಯನ್ನು ಆರಾಧಿಸಿ ಮಾಡುವ ಸಂಪ್ರದಾಯ

ಉತ್ತಮ ಮಳೆ-ಬೆಳೆಗಾಗಿ ಪ್ರಕೃತಿ ಮಾತೆಯನ್ನು ಪೂಜಿಸುವ ಸಂಪ್ರದಾಯ ಹಲವು ಕಡೆ. ನಮ್ಮಲ್ಲಿಯೂ ಪ್ರಕೃತಿಗೆ ವಿವಧ ರೀತಿಯಲ್ಲಿ ಪೂಜೆ ಸಲ್ಲಿಸುತ್ತೇವೆ. ಅದೇ ರೀತಿ ಮೆಕ್ಸಿಕೋದಲ್ಲಿ ಒಳ್ಳೆಯ ಮಳೆ-ಬೆಳೆಗಾಗಿ ಪ್ರಕೃತಿಯನ್ನು ಒಂದು ಸಮುದಾಯವರು ಈ ರೀತಿ ಪೂಜಿಸುವ ಸಂಪ್ರದಾಯವಿದೆ. ಸಾಕಷ್ಟು ಮಳೆ ಕೊಡು ದೇವರೇ, ಸಾಕಷ್ಟು ಆಹಾರ ಉತ್ಪಾದನೆಯಾಗಲಿ, ಏಕೆಂದರೆ ಮೀನುಗಳು ನದಿಯಲ್ಲಿವೆ, ನದಿಗಳು ತುಂಬಿ ಹರಿಯುವಂತಾಗಲಿ ಎಂದು ಅಲ್ಲಿ ಮೀನುಗಾರರು ಪ್ರಕೃತಿ ದೇವರಲ್ಲಿ ಬೇಡಿಕೊಳ್ಳುತ್ತಾರೆ. ಮೊಸಳೆ ಜೊತೆ ಮದುವೆಯಾಗುವುದು ಕೂಡ ಅದೇ ಸಂಪ್ರದಾಯದ ಭಾಗವಾಗಿದೆ.

ಮೊಸಳೆ ಜೊತೆ ಮದುವೆಯಾಗುವುದು ಏಕೆ?

7 ವರ್ಷ ಪ್ರಾಯದ ಮೊಸಳೆಗೆ ನವವಧುವಿನಂತೆ ಅಲಂಕರಿಸಿ ಅದಕ್ಕೆ ಕಲರ್‌ಫುಲ್ ಆಭರಣಗಳನ್ನು ತೊಡಿಸಲಾಗಿದೆ. ಮೊಸಳೆ ಭೂ ತಾಯಿಯ ಸ್ವರೂಪ ಎಂದು ಭಾವಿಸಲಾಗಿದೆ, ಅದರ ಜೊತೆ ಮನುಷ್ಯನ ಮದುವೆ ಮಾಡಿದರೆ ಮನುಷ್ಯ ದೇವರ ಜೊತೆ ಸೇರಿದಂತಾಗುವುದು, ಇದರಿಂದಾಗಿ ಪ್ರಕೃತಿ ಒಳ್ಲೆಯ ಮಳೆ, ಬೆಳೆ, ಆಹಾರ ನೀಡುತ್ತಾಳೆ ಎಂದು ನಂಬಲಾಗಿದೆ.

ಎಲ್ಲಾ ಕಡೆಯೂ ಚಿತ್ರ-ವಿಚಿತ್ರವಾದ ಆಚರಣೆಗಳಿವೆ, ಅದು ವಿಚಿತ್ರ ಅನಿಸಿದರೂ ಅದರ ಹಿಂದೆ ಒಂದು ಬಲವಾದ ನಂಬಿಕೆ ಇರುತ್ತದೆ, ಅದರಿಂದಾಗಿ ಹಿಂದಿನಿಂದಲೂ ಪಾಲಿಸುತ್ತಾ ಬರಲಾಗುವುದು. ಅಂದ್ಹಾಗೆ ನೀವು ನೋಡಿರುವ ವಿಚಿತ್ರವಾದ ಸಂಪ್ರದಾಯವೇನು, ಕಮೆಂಟ್‌ ಮಾಡಿ....