19 ಸೆ. ಮೀ ಉದ್ದದ ಮೂಗಿನ ವ್ಯಕ್ತಿ: ಈತನ ಕತೆ ಆಗಿದೆ ವೈರಲ್, ಯಾರೀತ?

ನೀವು ಟ್ವಿಟರ್‌ ಬಳಕೆದಾರರಾಗಿದ್ದರೆ ಉದ್ದ ಮೂಗಿನ ವ್ಯಕ್ತಿ ತುಂಬಾ ವೈರಲ್ ಆಗಿರುವುದು ಗಮನಕ್ಕೆ ಬಂದಿರಬಹುದು. ಮನುಷ್ಯರಿಗೆ ಇಷ್ಟುದ್ದದ ಮೂಗು ಇರುವುದೇ? ಎಂದು ಅಚ್ಚರಿಪಡುವಷ್ಟಿದೆ ಆ ಮೂಗು.

ಇದೀಗ ಆ ವ್ಯಕ್ತಿಯ ಬಗ್ಗ ಮತ್ತಷ್ಟು ಮಾಹಿತಿಯನ್ನು Historic Vids ಪೋಸ್ಟ್‌ ಮಾಡಿದ್ದು ಉದ್ದ ಮೂಗಿನ ವ್ಯಕ್ತಿ ಬಗ್ಗೆ ಮಾಹಿತಿ ನೀಡಲಾಗಿದೆ. ಈ ಉದ್ಧ ಮೂಗಿನ ವ್ಯಕ್ತಿ ಬಗ್ಗೆ ತಿಳಿದು ಜನ ಮತ್ತಷ್ಟು ಥ್ರಿಲ್ ಆಗುತ್ತಿದ್ದಾರೆ. ಇವರಾರು? ಈಗ ಬದುಕಿದ್ದಾರೆಯೇ ಎಂಬ ಮಾಹಿತಿ ತಿಳಿಯೋಣ ಬನ್ನಿ.

ಈ ಉದ್ದ ಮೂಗಿನ ವ್ಯಕ್ತಿ ಈಗ ಬದುಕಿಲ್ಲ, ಆದರೆ 18ನೇ ಶತಮಾನದಲ್ಲಿ ಇಂಥ ಒಬ್ಬ ವ್ಯಕ್ತಿ ಇದ್ದರು. ಅವರ ಹೆಸರು ಮಿ. ವೆಡ್ಡರ್ಸ್. ಅವರ ಮೂಗು 7.5 ಉದ್ದವಿದ್ದು, ಈ ವ್ಯಕ್ತಿ ಬರೀ ಮೂಗಿನಿಂದ ಮಾತ್ರ ತನ್ನ ಪ್ರತಿಭೆಯಿಂದಲೂ ಗಮನ ಸೆಳೆಯುತ್ತಿದ್ದರು, ಏಕೆಂದರೆ ಇವರು ಸರ್ಕಸ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು.

ಇವರು ಟ್ರಾವೆಲಿಂಗ್ ಫ್ರೀಕ್‌ ಸರ್ಕಸ್‌ನ ಮೆಂಬರ್‌ ಆಗಿದ್ದರು. ಇವರ ಬಗ್ಗೆ ಗಿನ್ನೀಸ್ ವರ್ಲ್ಡ್ ರೆಕಾರ್ಡ್‌ನಲ್ಲಿ ಒಂದು ಪೇಜ್‌ ಕೂಡ ಇದೆ. ಅದರಲ್ಲಿ ವಿಶ್ವದಲ್ಲಿಯ ಅತೀ ಉದ್ದದ ಮೂಗು ಹೊಂದಿದ್ದ ವ್ಯಕ್ತಿ ಎಂದು ಹೇಳಲಾಗಿದೆ. ಇವರ ಮೂಗು 19ಸೆ. ಮೀ ಇತ್ತು ಎಂದು ಆ ಟ್ವೀಟ್‌ನಲ್ಲಿ ಹೇಳಲಾಗಿದೆ.
ಆ ಟ್ವೀಟ್‌ ನನ್ನು 1. 20 ಲಕ್ಷಕ್ಕೂ ಅಧಿಕ ಜನ ಲೈಕ್ ಮಾಡಿದ್ದಾರೆ.

ಇತಿಹಾಸದ ಪುಟಗಳಲ್ಲಿಯೂ ಈ ವ್ಯಕ್ತಿಯ ಬಗ್ಗೆ ಹೇಳಲಾಗಿದೆ ಅಂತೆ. ಥಾಮಸ್ ವೆಡ್ಡರ್ಸ್ 1770ರಲ್ಲಿ ಇಂಗ್ಲೆಂಟ್‌ನಲ್ಲಿ ವಾಸಿಸುತ್ತಿದ್ದರು, ಅವರು ಮೂಗು 19 ಸೆ. ಮೀ ಉದ್ದವಿತ್ತು ಎಂಬೆಲ್ಲಾ ಮಾಹಿತಿ ಇದೆಯಂತೆ.

ಈಗ ಅತ್ಯಂತ ಉದ್ದದ ಮೂಗು ಹೊಂದಿರುವ ವ್ಯಕ್ತಿಯೆಂದರೆ ಟರ್ಕಿಯಲ್ಲಿರುವ ಮೆಹಮತ್ ಒಝೆಯರ್ಕ್‌, ಈತನ ಮೂಗು 3.46 ಉದ್ದ ಹೊಂದಿದೆ.

ನೀಳ ಮೂಗಿನವರ ವ್ಯಕ್ತಿತ್ವ ಆಕರ್ಷಕ ಅಂತಾರೆ, ಆದರೆ ಇಷ್ಟುದ್ದದ ಮೂಗು ಹೊಂದಿದ್ದರೆ ಅಟ್ರಾಕ್ಷನ್ ಆಫ್ ಮಾಸ್, ನೀವೇನು ಅಂತೀರಿ?