ಜಪಾನಿನಲ್ಲಿ ಮತ್ಸ್ಯೆಕನ್ಯೆ ರೂಪದ ಮಮ್ಮಿ ಪತ್ತೆ: ಈ ಜೀವಿ ತಿಂದವರು 800 ವರ್ಷ ಬದುಕುತ್ತಿದ್ದರಂತೆ!

ಜಪಾನಿನಲ್ಲಿ ಮತ್ಸ್ಯೆಕನ್ಯೆ ಆಕೃತಿಯ ಒಂದು ಮಮ್ಮಿ ಸಿಕ್ಕಿದ್ದು , ೀ ಪ್ರಾಣಿಯ ಮಾಂಸದ ರುಚಿಯನ್ನು ಸೇವಿಸಿದವರು ದೀರ್ಘಾಯುಷಿಗಳಾಗಿರುತ್ತಾರೆ ಅಂದರೆ 800 ವರ್ಷಗಳಿಗಿಂತಲೂ ಅಧಿಕ ಕಾಲ ಜೀವಿಸಿರುತ್ತಾರೆ ಎಂದು ಹೇಳಲಾಗುತ್ತಿದ್ದು ಇದರ ಮೂಲದ ಕುರಿತು ವಿಜ್ಞಾನಿಗಳು ಸಂಶೋಧನೆ ನಡೆಸುತ್ತಿದ್ದಾರೆ.

ಈ ವಿಚಿತ್ರವಾದ ಜೀವಿಯು 12 ಇಂಚು (30 ಸೆ.ಮೀ) ಇದ್ದು ಫೆಸಿಫಿಕ್‌ ಸಮುದ್ರದಲ್ಲಿ 1736 ರಿಂದ 1741ರ ನಡುವೆ ಸಿಕ್ಕಿತ್ತು ಎಂದು ಹೇಳಲಾಗುತ್ತಿದೆ.

ಈ ಜೀವಿಯ ಪಳೆಯುಳಿಕೆಯನ್ನು ಒಕಯಾಮಾದ ಅಸಕುಚಿ ನಗರದಲ್ಲಿರುವ ದೇವಾಲಯದಲ್ಲಿ ಸಂರಕ್ಷಿಸಿ ಇಡಲಾಗಿದೆ.

ಈ ಪಳಿಯುಳಿಕೆಯಲ್ಲಿ ಉಗುರು, ಹಲ್ಲುಗಳು, ತಲೆಯಲ್ಲಿ ಕೂದಲು ಹಾಗೂ ಕೆಳಭಾಗದ ದೇಹ ಕಾಣ ಸಿಗುತ್ತಿದ್ದು, ಈ ಆಕೃತಿಯನ್ನು ನೋಡಿದರೆ ಮತ್ಸ್ಯೆ ಕನ್ಯೆಯ ಆಕೃತಿಯಲ್ಲಿದೆ. ಇದೀಗ ಈ ಆಕೃತಿಯ CT ಸ್ಕ್ಯಾನ್‌ ಮಾಡಿ ಹೆಚ್ಚಿನ ಅಧ್ಯಯನ ನಡೆಸುತ್ತಿದೆ.

ಜಪಾನ್‌ನ ಅಸಾಹಿ ಶಿಂಬುನ್ ಪತ್ರಿಕೆ ವರದಿ ಪ್ರಕಾರ ಈ ಪಳಿಯುಳಿಕೆ ಒಂದು ಬಾಕ್ಸ್‌ನಲ್ಲಿ ಹಾಕಿ ಫೆಸಿಫಿಕ್‌ ಸಾಗರದಲ್ಲಿ ಸಮರಕ್ಷಿಸಲಾಗಿತ್ತು. ಇದು ಮೀನು ಹಿಡಿಯುವವರ ಬಲೆಗೆ 1936ರಿಂದ 1741 ಒಳಗಡೆ ಸಿಕ್ಕಿರಬಹುದು ಎಂದು ಅಂದಾಜಿಸಲಾಗಿದೆ.

ಇದನ್ನು ದೇವಾಲಯವು ವಶಪಡಿಸಿಕೊಳ್ಳುವ ಮುನ್ನ ಒಂದು ಕುಟುಂಬವು ಇಟ್ಟುಕೊಂಡಿತ್ತು, ಅದು ಆ ಕುಟುಂಬದಲ್ಲಿ ಒಬ್ಬರ ನಂತರ ಮತ್ತೊಬ್ಬರಿಗೆ ಹಸ್ತಾಂತರವಾಗುತ್ತಿತ್ತು.

ಈ ವಿಚಿತ್ರ ಜೀವಿಯ ಬಗ್ಗೆ ಅನೇಕ ಸಂಶೋಧನೆಗಳು ನಡೆಯುತ್ತಿದೆ, ಇದಕ್ಕೆ ಧಾರ್ಮಿಕ ಮಹತ್ವವೂ ಇದೆ ಎನ್ನಲಾಗುತ್ತಿದೆ. ಇದರ ಮಾಂಸವನ್ನು ಸೇವಿಸಿದ ಲೆಜೆಂಡ್‌ಗಳು ಸುಮಾರು 800 ವರ್ಷಗಳಿಗಿಂತ ಅಧಿಕ ಕಾಲ ಜೀವಿಸಿದ್ದರು ಎನ್ನಲಾಗುತ್ತಿದೆ.

ವಿಜ್ಞಾನಿಗಳು ಈ ಜೀವಿಯ ಕುರಿತು ಹೆಚ್ಚಿನ ಸಂಶೋಧನೆ ನಡೆಸುತ್ತಿದ್ದು ಮುಂದಿನ ವರ್ಷದಲ್ಲಿ ಇದರ ಬಗ್ಗೆ ಹೆಚ್ಚಿನ ಅಧ್ಯಯನ ವರದಿ ನೀಡಲಿದೆ.