14ಕ್ಕೂ ಅಧಿಕ ದಿನಗಳಿಂದ ಈ ಜಾಗವನ್ನು ನಿಲ್ಲದೆ ಸುತ್ತು ಹಾಕುತ್ತಿವೆ ನೂರಾರು ಕುರಿಗಳು, ಕಾರಣ ನಿಗೂಢ: ವೈರಲ್ ವೀಡಿಯೋ

ಕೆಲವೊಮ್ಮೆ ಪ್ರಾಣಿಗಳು ತುಂಬಾನೇ ವಿಚಿತ್ರವಾಗಿ ವರ್ತಿಸಲಾರಂಭಿಸುತ್ತವೆ, ಅವುಗಳ ನಿಗೂಢ ವರ್ತನೆಗೆ ಏನೋ ಒಂದು ಕಾರಣವಿರುತ್ತದೆ, ಏಕೆಂದರೆ ಪ್ರಕೃತಿಯಲ್ಲಿ ಏನಾದರೂ ಬದಲಾವಣೆಯಾದರೆ ಪ್ರಾಣಿಗಳು ವಿಚಿತ್ರವಾಗಿ ವರ್ತಿಸಲಾರಂಭಿಸುತ್ತದೆ.

ಸುನಾಮಿಗೆ ಮುನ್ನ ಜಲಚರಗಳು ವಿಚಿತ್ರವಾಗಿ ವರ್ತಿಸುತ್ತವೆ, ಭೂಕಂಪನಕ್ಕೆ ಮುನ್ನ ನಾಯಿ, ದನ ಮೊದಲಾದ ಪ್ರಾಣಿಗಳು ವಿಚಿತ್ರವಾಗಿ ವರ್ತಿಸಲಾರಂಭಿಸುತ್ತವೆ. ಇತ್ತೀಚೆಗಿನ ಒಂದು ವೀಡಿಯೋ ಇದೇ ರೀತಿ ತುಂಬಾನೇ ಗಮನ ಸೆಳೆದಿದೆ. ನೂರಾರು ಕುರಿಗಳ ಗುಂಪು ವೃತ್ತಾಕಾರವಾಗಿ ಒಂದು ಸ್ಥಳವನ್ನು10 ದಿನಗಳಿಗೂ ಅಧಿಕ ಸಮಯದಿಂದ ನಿಲ್ಲದೆ ಸುತ್ತು ಹಾಕುತ್ತಿರುವ ದೃಶ್ಯ ಸಿಸಿ ಕೆಮರಾದಲ್ಲಿ ಸೆರೆಯಾಗಿದ್ದು ಚೀನಾದಲ್ಲಿ ಈ ಘಟನೆ ಸಂಭವಿಸಿದೆ.

ಈ ಕುರಿಗಳು 14 ದಿನಗಳಿಂದ ಸುತ್ತು ಹಾಕುತ್ತಿರುವುದೇಕೆ ಎಂಬ ಕಾರಣ ಇನ್ನೂ ನಿಗೂಢವಾಗಿದೆ, ಚೀನಾದ ಮಂಗೋಲಿಯಾದಲ್ಲಿ ಕುರಿಗಳು ಈ ರಿತಿ ವಿಚಿತ್ರ ವರ್ತನೆ ತೋರುತ್ತಿವೆ, ಕುರಿಗಳು ಈ ರೀತಿ ಸುತ್ತಲು ಜನವರಿ ನಾಲ್ಕರಿಂದ ಸುತ್ತು ಹಾಕುತ್ತಿದೆ. ಈ ರೀತಿ ಸುತ್ತು ಹಾಕುತ್ತಿರುವ ಕುರಿಗಳೆಲ್ಲಾ ಆರೋಗ್ಯವಾಗಿದೆಯಂತೆ.

ಆದರೆ ಕುರಿಗಳು ಏಕೆ ಈ ವಿಚಿತ್ರ ವರ್ತನೆ ತೋರುತ್ತಿದೆ ಎಂದು ತಿಳಿಯದಿರುವುದು ಜನರ ಸೋಜಿಗಕ್ಕೆ ಕಾರಣವಾಗಿದೆ. ಇದೀಗ ಈ ಸಿಸಿ ಟಿವಿ ದೃಶ್ಯ ವೈರಲ್‌ ಆಗಿ ಜಗತ್ತಿನ ಗಮನ ಸೆಳೆಯುತ್ತಿದೆ.