ಸೋಮವಾರ ವಾರದಲ್ಲಿಯೇ ಅತ್ಯಂತ ಕೆಟ್ಟ ದಿನವೆಂದ' ಗಿನ್ನಸ್ ವಿಶ್ವ ದಾಖಲೆ'

ಸೋಮವಾರವನ್ನು ತಮಾಷೆಗೆ ಸೋಮಾರಿಗಳ ದಿನವೆಂದು ಹೇಳಲಾಗುವುದು. ಸಾಮಾನ್ಯವಾಗಿ ಕೆಲಸದ ಸ್ಥಳಗಳಲ್ಲಿ ಭಾನುವಾರ ರಜೆ ಇರುತ್ತೆ, ರಜೆಯನ್ನು ಆರಾಮವಾಗಿ, ಸುತ್ತಾಡುತ್ತಾ ಅಥವಾ ಪಾರ್ಟಿ ಮಾಡುತ್ತಾ ಕಳೆದು ಸೋಮವಾರ ಬೆಳಗ್ಗೆ ಆದಾಗ ಏನೋ ಒಂದು ರೀತಿಯ ಉದಾಸೀನ.

ಇವತ್ತು ಕೂಡ ರಜೆ ಮಾಡಬೇಕು ಎಂದು ಮನಸ್ಸು ಹೇಳುತ್ತಿರುತ್ತದೆ, ಆದರೆ ಕೆಲಸಕ್ಕೆ , ಶಾಲಾ-ಕಾಲೇಜುಗಳಿಗೆ ಹೀಗೆ ನಮ್ಮ-ನಮ್ಮ ಕಾರ್ಯಗಳಿಗೆ ಹೋಗದೆ ವಿಧಿಯಿಲ್ಲ, ಹೋಗಬೇಕಾಗುತ್ತದೆ. ಸೋಮವಾರ ಈ ರೀತಿ ಉದಾಸೀನ ಉಂಟಾಗುವುದಕ್ಕೆ' Monday blues' ಎಂದು ಕರೆಯಲಾಗುತ್ತಿತ್ತು.

ಇದೀಗ ಗಿನ್ನಸ್ ವಿಶ್ವ ದಾಖಲೆಯು ಸೋಮವಾರವನ್ನು ವಾರದಲ್ಲಿಯೇ ಅತ್ಯಂತ ಕೆಟ್ಟ ದಿನವೆಂದು ಘೋಷಿಸಿದೆ. ಇದಕ್ಕೆ ನೆಟ್ಟಿಗರು ಕೂಡ ತುಂಬಾ ಪ್ರತಿಕ್ರಿಯಿಸುತ್ತಿದ್ದಾರೆ.

ಕೆಲವರು ಭಾನುವಾರ ಬಳಿಕ ಸೋಮವಾರ ಆಫೀಸ್‌ಗೆ ಹೋಗಲು ಇಷ್ಟವಾಗದೆ ರಜೆ ಹಾಕಿದೆ ಎಂದು ಹೇಳಿದರೆ ಇನ್ನು ಕೆಲವರು ಸೋಮವಾರ ಸರಿಯಾಗಿದ್ದರೆ ವಾರದ ಇನ್ನುಳಿದ ದಿನವು ಸರಿಯಿರುತ್ತದೆ ಎಂದು ಹೇಳಿದ್ದಾರೆ.

ಇನ್ನು ಕೆಲವರು ಭಾನುವಾರ ಸಂಜೆ ಉಂಟಾಗುವ ಫೀಲಿಂಗ್‌ ಸೋಮವಾರ ಬೆಳಗ್ಗೆ ಬರುವ ಫೀಲಿಂಗ್‌ಗಿಂತಲೂ ಕೆಟ್ಟದಾಗಿರುತ್ತದೆ ಎಂದು ಕಮೆಂಟ್‌ ಮಾಡಿದ್ದಾರೆ. ಹೀಗೆ ಸಾಮಾಜಿಕ ತಾಣದಲ್ಲಿ ಗಿನ್ನಿಸ್ ವಿಶ್ವ ದಾಖಲೆ ಈ ರೀತಿ ಹೇಳಿರುವುದಕ್ಕೆ ಹಲವಾರು ಪ್ರತಿಕ್ರಿಯೆಗಳು ಬರುತ್ತಿವೆ.

ಈ ಕುರಿತು ನಿಮಗೆ ಏನು ಅನಿಸುತ್ತೆ? ಸೋಮವಾರ ಬಂದಾಗ ಅಯ್ಯೋ ಭಾನುವಾರ ಮುಗಿದೇ ಹೋಯ್ತೇ ಎಂಬ ನಿರಾಸೆ ನಿಮ್ಮನ್ನೂ ಕಾಡುವುದೇ?