ಲಟ್ಟಣಿಗೆ ಬಳಸದೆ ಹೀಗೂ ರೌಂಡಾಗಿ, ಪಟ್‌ ಅಂಥ ಚಪಾತಿಗೆ ತಟ್ಟಬಹುದು : ವೈರಲ್ ಆಯ್ತು ಈ ವೀಡಿಯೋ

ಟ್ವಿಟರ್‌ನಲ್ಲಿ ಟ್ರೆಂಡ್ ಆಯ್ತು ವೀಡಿಯೋ

ಚಪಾತಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದೆಂದು ಈಗ ಎಲ್ಲಾ ಹೆಚ್ಚಾಗಿ ಮನೆಯಲ್ಲಿ ಒಂದು ಹೊತ್ತು ಚಪಾತಿ ಮಾಡಲಾಗುವುದು. ಚಪಾತಿ ಮಾಡುವುದು ಕೆಲವರಿಗೆ ಸುಲಭದ ಕೆಲಸವಾದರೂ ಬಹುತೇಕರಿಗೆ ಅದೊಮದು ಕಷ್ಟದ ಕೆಲಸವೇ. ಚಪಾತಿ ಹಿಟ್ಟು ಕಲಿಸಬೇಕು, ನಂತರ ಉಂಡೆ ಕಟ್ಟಿ ಅದನ್ನು ಉತ್ತುವುದೇ ದೊಡ್ಡ ವಿಷಯ, ಅದಕ್ಕೇ ತುಂಬಾ ಸಮಯ ಬೇಕಾಗುವುದು. ಆದರೆ ಈ ಹುಡ್ಗಿ ಮಾಡಿರುವ ಕಿಚನ್ ಹ್ಯಾಕ್‌ ತುಂಬಾನೇ ಸುಲಭವಾಗಿದೆ. ಆದ್ದರಿಂದಲೇ ತುಂಬಾ ಜನರ ಗಮನ ಸೆಳೆದಿದೆ.

ಚಪಾತಿ ತಟ್ಟಲು ಲಟ್ಟಣಿಗೆ ಬೇಡ, ತಟ್ಟೆ ಸಾಕು

ಈಕೆ ತೋರಿಸಿರುವ ಪ್ರಕಾರ ಚಪಾತಿ ತಟ್ಟಲು ಲಟ್ಟಣಿಗೆ ಬೇಕಾಗಿಲ್ಲ, ಎರಡು ಸ್ವಲ್ಪ ಗಟ್ಟಿಯಾದ ತಟ್ಟೆಯಷ್ಟೇ ಸಾಕು. ಒಂದು ತಟ್ಟೆ ಮಗುಚಿ ಹಾಕಿ, ಅದರ ಮೇಲೆ ಪ್ಲಾಸ್ಟಿಕ್ ಹಾಕಿ ಎಣ್ಣೆ ಸವರಿ, ಚಪಾತಿ ಹಿಟ್ಟಿನ ಉಂಡೆಯನ್ನು ಹಿಡಿ, ನಂತರ ಅದರ ಮೇಲೆ ಮತ್ತೊಂದು ಪ್ಲಾಸ್ಟಿಕ್ ಇಟ್ಟು ಮತ್ತೊಂದು ತಟ್ಟೆಯಿಂದ ಒತ್ತಿದರೆ ಸಾಕು... ತವಾ ಮೇಲೆ ಬೇಯಿಸಲು ರೌಂಡಾದ ಚಪತಿ ರೆಡಿ.

ಸಮಯ ಲಾಭ, ಶೇಪ್ ಚೆನ್ನಾಗಿರುತ್ತದೆ

ಚಪಾತಿ ಲಟ್ಟಿಸುವಾಗ ಅದನ್ನು ರೌಂಡ್ ಶೇಪ್‌ಗೆ ತರುವುದು ದೊಡ್ಡ ಕೆಲಸ. ಇದರಲ್ಲಿ ಆದರೆ ಪಟ್ ಅಂಥ ಚಪಾತಿ ಒತ್ತ ಬಹುದು ಹಾಗೂ ಇದರ ಶೇಪ್ ಕೂಡ ಚೆನ್ನಾಗಿರುತ್ತದೆ. ಐಡಿಯೂ ಸೂಪರ್ ಅಲ್ವಾ?