ವೈರಲ್: ಪ್ರೀತಿಯ ಭಾವ ಸಾರುವ ಸಾವಿರ ಪದಗಳನ್ನು ಸಾರುವ ಫೋಟೋವಿದು

ಪ್ರೀತಿಯ ಭಾವನೆಗಳನ್ನು ಪದಗಳಿಂದ ಹೇಳಲು ಸಾಧ್ಯವಿಲ್ಲ, ಆದರೆ ಇಲ್ಲೊಂದು ಆ ಪ್ರೀತಿಯ ಸಾಲುಗಳನ್ನು ಕಣ್ಣಿಗೆ ಕಟ್ಟುವಂತೆ ವರ್ಣಿಸುತ್ತದೆ. ಈ ಫೋಟೋ ನೋಡಿದ ನೆಟ್ಟಿಗರು ದಂಪತಿಯ ಪ್ರೀತಿ ಗೆ ಫಿದಾ ಆಗಿದ್ದಾರೆ. ಈ ಫೋಟೋ ನೋಡುತ್ತಿದ್ದರೆ ನಮ್ಮ ಪ್ರೀತಿಯ ಕನಸ್ಸು ಕಂಗಳಲ್ಲಿ ತುಂಬಿ ತುಟಿಯಂಚಿನಲ್ಲಿ ನಗುವೊಂದು ಮೂಡುವುದು, ಅಷ್ಟೊಂದು ಸುಂದರವಾಗಿದೆ ಈ ಫೋಟೋ.

ಈ ಫೋಟೋವನ್ನು ರಿಶಿ ಬಗ್ರಿ ಎಂಬ ಟ್ವಿಟರ್‌ ಬಳಕೆದಾರರು ಶೇರ್ ಮಾಡಿದ್ದು, ಇದೀಗ ವೈರಲ್‌ ಆಗಿದೆ. ಈ ಚಿತ್ರ ಕೋಲ್ಕತ್ತಾ ಮೆಟ್ರೋ ಸ್ಟೇಷನ್‌ನಲ್ಲಿ ಸೆರೆ ಹಿಡಿಯಲಾಗಿದೆ. ವಯಸ್ಸಾದ ದಂಪತಿ ಪ್ರಯಾಣ ಮಾಡುತ್ತಿರುತ್ತಾರೆ, ಈ ಸಂದರ್ಭದಲ್ಲಿ ಗಂಡನಿಗೆ ಚಳಿಯಾಗಬಾರದೆಂದು ಮಫ್ಲರ್ ತೆಗೆದು ಆತನ ಕುತ್ತಿಗೆ ಪ್ರೀತಿಯಿಂದ ಹಾಕುವುದನ್ನು ಚಿತ್ರದಲ್ಲಿ ಸೆರೆ ಹಿಡಿದು, "Picture of the day' ಎಂಬ ಶೀರ್ಷಿಕೆ ನೀಡಿ ಹಾಕಿದ್ದಾರೆ.

ಇದನ್ನು ನೋಡಿದವರು ನಿಜವಾದ ಪ್ರೀತಿಯೆಂದರೆ ಹೀಗಿರಬೇಕು, ಯಶಸ್ವಿ ಜೀವನಕ್ಕೆ ಇಂತಹ ಸಂಗಾತಿ ಬೇಕು, ಸದಾ ನಿನ್ನ ಜತೆಗೆ ಎಂದೆಲ್ಲಾ ಕಮೆಂಟ್‌ ಮಾಡುತ್ತಿದ್ದಾರೆ. ಯುವ ಜನತೆಗೆ ಪ್ರೀತಿಯ ಸುಂದರ ಪಾಠ ಹೇಳುವಂತಿದೆ ಅಲ್ವಾ ಈ ದಂಪತಿಯ ಫೋಟೋ?